საშა ტერნესი: კარგი იქნება, თუ საქართველო სამრეწველო პოლიტიკას ჩამოაყალიბებს

საშა ტერნესი: კარგი იქნება, თუ საქართველო სამრეწველო პოლიტიკას ჩამოაყალიბებს

access_time2019-06-16 18:56:26

გერმანიის ეკონომიკური გაერთიანების მმართველი საბჭოს თავმჯდომარის საშა ტერნესის აზრით, საქართველოს მთავრობამ ძირითადი პრიორიტეტები და სტრატეგიული სექტორები უნდა განსაზღვროს. 

ამის შესახებ მან bm.ge-ისთან ისაუბრა. 



„ეს ის არის, რასაც მე უკვე ბევრი წლის განმავლობაში ვამბობ. კარგი იქნება, თუ ქვეყანა ჩამოაყალიბებს და იქონიებს სამრეწველო პოლიტიკას. ეს არ ნიშნავს, რომ აღნიშნული პოლიტიკა მხოლოდ და მხოლოდ მრეწველობაზე უნდა იყოს მიმართული, არამედ ზოგადად იმ სექტორებზე, რომლებიც ეფექტიანი და მომგებიანია ქვეყნის ეკონომიკური განვითარებისთვის... ვფიქრობთ, განსაკუთრებით პატარა ქვეყანამ უნდა იფიქროს და განსაზღვროს კონკრეტული ნიშები. მაგალითად, თუ მთავრობა, ისევე როგორც კერძო სექტორი, ჩამოყალიბდება კონკრეტულ 4-5 მიმართულებაზე და მთელ ძალებს მიმართავს ამ მიმართულებით, ეკონომიკური ზრდა დაჩქარდება. არ ვსაუბრობ მხოლოდ პოლიტიკურ მხარდაჭერაზე, არამედ თუნდაც როგორც აგრო სექტორშია კონკრეტული პროგრამები, რომლებიც ფინანსურ მხარდაჭერასაც გულისხმობს. მაგალითად, გერმანიაში ათწლეულების წინ დაიწყო ეს პროცესები და ახლაც კი ასეა, რომ ჩვენ მხარდაჭერას ვუცხადებთ და კონცენტრირებული ვართ მხოლოდ რამდენიმე სექტორზე, ძირითადად მცირე და საშუალო ბიზნესებზე, რომელიც მოწინავე და ძირითადი დამსაქმებელია ქვეყანაში. აუცილებლად საყურადღებოა ის ფაქტიც, რომ საქართველო ძალიან დიდი ოდენობის პროდუქციის იმპორტს ახორციელებს უცხოეთიდან. ერთი მხრივ, მაგალითად ევროპული ქვეყნებისთვის ეს ძალიან კარგია, თუმცა თუ საქართველოს ეკონომიკური ინტერესებიდან გამომდინარე ვიმსჯელებთ და შევხედავთ სავაჭრო ბალანსს, ვნახავთ დიდ დეფიციტს. აი, მაგალითად, თუ თქვენ აღარ განახორციელებთ საკვები პროდუქტების 70%-ის იმპორტს, წარმოიდგინეთ, 70%-ია იმპორტის მაჩვენებელი, გაიზრდება ადგილობრივი წარმოება. საქართველო ხომ ძალიან მდიდარი ქვეყანაა ამ თვალსაზრისით. თავის მხრივ, იმპორტის ჩანაცვლება დასაქმების მაჩვენებელს გაზრდის ქვეყანაში“, - აცხადებს ტერნესი. 



ამასთან, გერმანიის ეკონომიკური გაერთიანების საბჭოს თავმჯდომარე იმასაც უსვამს ხაზს, რომ მხარდამჭერი პროექტების განხორციელებისას მნიშვნელოვანია ეფექტიანობა. 



„წინა ადმინისტრაციისგან (მთავრობისგან) განსხვავებით, ამ მთავრობის პირობებში ძალიან დიდი ოდენობის ინვესტიციები არის მიმართული სოფლის მეურნეობის სექტორში, მხარდაჭერის პროექტებისა და მათ შორის ფინანსური მხარდაჭერის სახით. აღნიშნული პროგრამები უკვე 7-8 წელია ხორციელდება, თუმცა მნიშვნელოვანია დავაკვირდეთ იმას, თუ რამდენად ეფექტიანი გამოდგა ეს პროგრამები. მაგალითად, თუ ვნახავთ სოფლის მეურნეობის წილს მთლიან შიდა პროდუქტში, ის არც ისე შეცვლილია, ასეა დასაქმების ნაწილშიც. საქართველოს ჯერ კიდევ არ აქვს ღირებულებათა ჯაჭვი, ასევე პრობლემად რჩება სამეურნეო მიწების ფრაგმენტირების საკითხი. ადგილზეა სტრატეგიული და კონცეპტუალური პრობლემები, რომლებიც ხელშემწყობი პროგრამებით ვერ გადაიჭრება“, - აღნიშნა მან.



bmg.ge





„გიორგი ქიშმარია ქართული სამართლის სახლი“ საქართველოში და ევროპის რამდენიმე ქვეყანაში ახალი ხარისხის სამართლებრივი მომსახურების კულტურას ამკვიდრებს

 „გიორგი ქიშმარია ქართული სამართლის სახლი“ საქართველოში და ევროპის რამდენიმე ქვეყანაში ახალი ხარისხის სამართლებრივი მომსახურების კულტურას ამკვიდრებს
access_time2020-02-26 16:25:48
იურიდიული ჰოლდინგი   „გიორგი ქიშმარია ქართული სამართლის სახლი“ 2009  წელს დაფუძნდა. ჩვენს კორპორაციაში   წარმოდგენილია სხვადასხვა უნივერსიტეტის პროფესორები და პრაქტიკოსი იურისტები  თეორიული და პრაქტიკული ცოდნის მიმართულებით. ქართული სამართლის სახლი  სრულიად ახალი ხარისხის სამართლებრივი მომსახურების კულტურას ამკვიდრებს საქართველოში და ევროპის რამოდენიმე ქვეყანაში, რომელიც მთლიანად...

87 906 811 ლარის ღირებულების ხელშეკრულებები ბათუმის მერიასა და „სანდასუფთავებას“ შორის

87 906 811 ლარის ღირებულების ხელშეკრულებები ბათუმის მერიასა და „სანდასუფთავებას“ შორის
access_time2020-02-26 19:50:03
ქალაქ ბათუმის მუნიციპალიტეტის მერიამ 2019 წლის 13 დეკემბერს შპს „სანდასუფთავებასთან“, გამარტივებული წესით, ორი ხელშეკრულება გააფორმა: ერთი 480 059-ლარიანი, რომელიც ქალაქის ქუჩების, პარკების, მოედნების დასუფთავებას, მორწყვა-მორეცხვას, ქუჩების თოვლის საფარისგან გაწმენდას, მოყინვის საწინააღმდეგო სამუშაოებს, ქუჩაში მსხვილფეხა რქოსანი პირუტყვის მოძრაობის აღკვეთის მომსახურებას გულისხმობს, ხოლო მეორე - 269 400 ლარის ღირებულების, რომლითაც, იმავე კომპანიისგან, საყოფაცხოვრებო ნარჩენების, ანახვეტის,...

ივანე მაჭავარიანი: „წელს, დაახლოებით 1 მილიარდამდე ლარის დღგ-ის ზედმეტობის დაბრუნებას ვგეგმავთ“

ივანე მაჭავარიანი: „წელს, დაახლოებით 1 მილიარდამდე ლარის დღგ-ის ზედმეტობის დაბრუნებას ვგეგმავთ“
access_time2020-02-26 15:55:01
„წელს, დაახლოებით, 800 მილიონიდან 1 მილიარდამდე ლარის დღგ-ის ზედმეტობის დაბრუნებას ვგეგმავთ“, - აღნიშნა ფინანსთა მინისტრმა, ივანე მაჭავარიანმა ეკონომიკურ კონფერენციაზე - საქართველო და მსოფლიო 2020 წელს ფისკალურ რეფორმებზე დასმული შეკითხვის საპასუხოდ. „ჩვენ დამაჯერებელ ნაბიჯებს გადავდგამთ დღგ-ის რეფორმის კუთხით. თქვენ იცით, რომ ბოლო ორი წლის განმავლობაში უპრეცედენტოდ მაღალი დაბრუნება გვაქვს, დაახლოებით, 500-600 მილიონი ლარი. წელს, ჩვენ 800 მლნ ლარიდან 1...

აშშ-მა კორონავირუსის შესახებ რუსული დეზინფორმაციული კამპანიის ქსელი გამოავლინა

აშშ-მა კორონავირუსის შესახებ რუსული დეზინფორმაციული კამპანიის ქსელი გამოავლინა
access_time2020-02-26 18:45:40
აშშ-ის სახელწმიფო დეპარტამენტმა სოციალურ მედიაში რუსეთთან დაკავშირებული ათასობით ანგარიში გამოავლინა, რომლებიც კოორდინირებულად მოქმედებდნენ, რათა კორონავირუსთან დაკავშირებით პანიკა დაეთესათ, დეზინფორმაცია გაევრცელებინათ და დაეკნინებინათ ეპიდემიასთან ბრძოლის გლობალური მცდელობები.ინფორმაციას ამის შესახებ AFP და Guardian ავრცელებენ. გამოცემის ინფორმაციით, დეზინფორმაციის კამპანია ავრცელებს უსაფუძვლო კონსპირაციის თეორიებს იმის შესახებ, რომ ახალი კორონავირუსის...

საბანკო რეგულაციების შერბილება 1 მარტიდან შესაძლოა ვერ მოხერხდეს

საბანკო რეგულაციების შერბილება  1 მარტიდან შესაძლოა ვერ მოხერხდეს
access_time2020-02-26 16:30:38
2020 წლის 1 მარტიდან ფიზიკური პირების დაკრედიტების წესში დაგეგმილი ცვლილებები, შესაძლოა ვერ ამოქმედდეს. ამის შესახებ „კომერსანტს“ საქართველოს საბანკო ასოციაციის“ პრეზიდენტმა ალექსანდრე ძნელაძემ განუცხადა. „შერბილებული საბანკო რეგულაციები 1 მარტიდან, შესაძლოა, ვერ ამოქმედდეს, რადგან კომერციულ ბანკებს გარკვეული პერიოდი სჭირდება რომ იმ ცვლილებების...


მსგავსი სიახლეები

up