6 წლის შემდეგ  „ქართული ოცნება“  დაუსაბუთებელ დაპირებებს აგრძელებს - ეკონომიკის მინისტრი მომდევნო 6 წელიწადში 500 ათას სამუშაო ადგილს გვპირდება

6 წლის შემდეგ  „ქართული ოცნება“ დაუსაბუთებელ დაპირებებს აგრძელებს - ეკონომიკის მინისტრი მომდევნო 6 წელიწადში 500 ათას სამუშაო ადგილს გვპირდება

access_time2018-11-16 20:20:05

2025 წლამდე 450-500 ათასი ახალი სამუშაო ადგილის შეიქმნება - ეს დაპირება ეკონომიკის მინისტრმა გიორგი ქობულიამ „საქმიანი დილის“ ეთერში განაცხადა. მინისტრი ამბობს, რომ ხელისუფლების ერთ-ერთი მთავარი მიზანი მოსახლეობის შემოსავლების ზრდაა.


„ჩვენმა ინიციატივებმა, შესაძლოა, ძალიან ახლო მომავალში გამოიღოს შედეგი. უნდა გავაორმაგოთ საშუალო შემოსავალი ქვეყანაში. დღეს უმუშევრობისა და სოფლის მეურნეობაში თვითდასაქმების მაჩვენებელი ძალიან მაღალია. ეს რესურსი უნდა გამოვიყენოთ და ჩავრთოთ ეკონომიკაში. ეს ჩვენთვის გამოწვევა და შესაძლებლობაა“, - ამბობს ქობულია.


როგორც კომერსანტმა დაითვალა — ეს ნიშნავს, რომ ყოველ წელს დაახლოებით 80-100 ათასი ახალი სამუშაო ადგილი უნდა შეიქმნას, ანუ ყოველ 1 წელიწადში უნდა აშენდეს დაახლოებით 100 დიდი საწარმო , სადაც 1000 ადამიანი დასაქმდება, ან 1000 საშუალო საწარმო, სადაც 100 ადამიანი დასაქმდება. ე.ი. მომავალ წელს რომ შეიქმნას 100 ათასი ახალი სამუშაო, ეს ნიშნავს, რომ ათობით ახალი საწარმოს მშენებლობა უკვე უნდა მიდიოდეს, რაც ზუსტად ვიცით, რომ არ ხდება.


რამდენად რეალურია ეკონომიკის მინისტრის განცხადება და რის საფუძველზე დაყრდნობით აძლევს ხელისუფლების წარმომადგენელი მოსახლეობას ამგვარ დაპირებას, ამის გადამოწმება კომერსანტმა თავად ეკონომიკის სამინისტროში სცადა, თუმცა აღნიშნულ თემასთან დაკავშირებით კომენტარის მიღება შეუძლებელი აღმოჩნდა.


აქედან გამომდინარე,  „კომერსანტი„ , როგორც ამ საზოგადოების ნაწილი, მმართველი პარტიისგან და ხელისუფლებისგან, ვინც არ უნდა იყოს მის სათავეში, ველოდებით რეალურ, კონკრეტულ ნაბიჯებს და არა ისეთ უარგუმენტო დაპირებებს, როგორიც ეკონომიკის მინისტრმა გიორგი ქობულიამ ახლა გააკეთა.


იმედია, მთავრობის წარმომადგენლები, ისე როგორც მმართველი პარტიის წევრები აცნობიერებენ, რომ ეკონომიკური და ბიზნეს მიმართულებით დაუსაბუთებელი დაპირებების დრო დასრულდა, ეს კი 28 ოქტომბერს საზოგადოების არჩევანმაც ნათლად დაადასტურა.


ის, რომ მინისტრ ქობულიას დაპირება მკვეთრად აცდენილია რეალობას, ამას ჩვენთან ერთად დარგის ექსპერტებიც ადასტურებენ.



ეკონომიკის დოქტორი ირაკლი მაკალათია მინისტრის განცხადებას პოპულისტურს უწოდებს. მისი მტკიცებით, როდესაც პოლიტიკოსები ასეთ განცხადებებს აკეთებენ, მათ მიერ მოწოდებული ციფრები ძირითადად, პოპულისტობაზეა ხოლმე აღებული. როგორც მაკალათია აღნიშნავს, სახელმწიფო არ უნდა გეგმავდეს ამას.


„ეს იყო კომუნისტების დროს, როდესაც სახელმწიფო გვიგეგმავდა ეკონომიკას, რამდენით უნდა გაზრდილიყო მოგება და ასე შემდეგ. დღეს, როდესაც ქვეყანაში საბაზრო ეკონომიკაა, ამ პირობებში მსგავსს განცხადებებს საჯარო პირი, მინისტრი არ უნდა აკეთებდეს. სახელმწიფო არ უნდა გეგმავდეს დასაქმებას და ახალი სამუშაო ადგილის შექმნას, სახელმწიფო უნდა აძლევდეს ბიზნესს ეკონომიკურ თავისუფლებას,განვითარების საშუალებას. ამის შემდეგ რამდენი სამუშაო ადგილი შეიქმნება,ეს ბაზარმა უნდა განსაზღვროს და არა მინისტრის ნათქვამმა“-აღნიშნავს მაკალათია.


მისი განმარტებით, 2017 წლის მონაცემებით, ქვეყანაში უმუშევართა რაოდენობა დაახლოებით 276 000 ადამიანია. მინისტრი კი 450-500 000 ადამიანის დასაქმებას აპირებს. მაკალათიას შეფასებით, ამით მინისტრი აღიარებს იმას, რომ პრობლემა რეალურად დასაქმებულებში და მისი დათვლის მეთოდოლოგიაშია.


მაკალათიასთვის გარუკვეველია როგორ უნდა მოხდეს თვითდასაქმებულების ეკონომიკის სექტორში გადმოყვანა. მისი განცხადებით, დღეს თვითდასაქმებული 55 პროცენტია და აქედან კი 40% ისეთი ადამიანებია, რომლებიც თავიანთ შინამეურნეობებში უსასყიდლოდ მუშაობენ. მისთვის გაუგებარია, თუ როგორ მოხდება ამ ადამიანების რეალური დასაქმება.


„თვითდასაქმებულების დასაქმების რეალური გამოსავალი იქნებოდა ის დაურეგისტრირებელი მიწები, რომლებიც სახელმწიფო საკუთრებაშია,გადასულიყო საქართველოს მოქალაქეების მფლობელობაში. ასეთ დროს მათი რეალური დასაქმების უფრო მეტი შანსი იქნებოდა. თუ ამ ადამიანების ხელში გადავიდოდა მიწები, მათ გაუჩნდებოდათ კაპიტალი, გაიზრდებოდა მიწის ფასიც და სოფლად მცხოვრებნი რეალურ ეკონომიკურ კეთილდღეობას მიიღებდნენ“-განმარტავს მაკალათია.


თსუ ანალიზისა და პროგნოზირების ცენტრის დირექტორის, ვახტანგ ჭარაიას თქმით, მინისტრი ქობულია რამდენიმე თვეა აანონსებს ახალი პროგრამების გამოცხადებას, თუმცა, 500 000 სამუშაო ადგილის შესაქმნელად რამდენად საკმარისია მხოლოდ ეკონომიკის სამინისტრო და მისი პროგრამა, უცნობია. „შესაძლოა ქობულია გულისხმობდა ისეთი ტიპის დასაქმებას,როგორიც არის, მაგალითად,სეზონურ ან დროებით პროგრამებს. ძალიან დიდი ციფრია და სანამ არ გავეცნობით რას გულისხმობს, გამიჭირდება ამაზე დეტალურად საუბარი“- განმარტავს ჭარაია.


მისი განცხადებით, ეკონომიკაში თვითდასაქმებული 1 მილიონი ადამიანია,აქედან 500 000 რამდენად ახალგაზრდაა და შრომისუნარიანი, ეს ცალკე საკითხია. შესაძლოა, „დასაქმების მეთოდოლოგიის შეცვლაა დაგეგმილი, უცნობია. დაახლოებით 700 000 ადამიანია სოფლის მეურნეობაში დასაქმებული და ეს ძირითადად, ხანშიშესული ხალხია. რაც შეეხება უმუშევრობას, ქვეყნის მასშტაბით, დღეს უმუშევარი 300 000 ადამიანია და 500 000 ადამიანის დასაქმება ფიზიკურად ვერ მოხერხდება. “-აღნიშნავს ჭარაია.


განსხვავებული პოზიცია აქვს „დამსაქმებელთა ასოციაციის“ პრეზიდენტ ელგუჯა მელაძეს. ის გარკვეულწილად ეთანხმება ეკონომიკის მინისტრს და აცხადებს, რომ ეკონომიკის სამინისტროს სოფლად ძალიან ბევრი პროექტი აქვს, რაშიც მოსახლეობა ძალიან აქტიურად ერთვება და ეს პროცესი სამომავლოდაც, გაგრძელდება. საუბარია, გადამამუშავებელ წარმოებაზე.


„სოფლად გაჩნდა სამუშაო ძალა, ვენახები გააშენეს, ეს პროცესი დაწყებულია, ამიტომ, ამას ცხადია პერსექტივა აქვს. მცდარი წარმოდგენაა ის, რომ სოფლად თუ ფაბრიკაში არ მუშაობენ ამ მასწავლებლები არ არიან, დასაქმებულად არ ითვლებიან, ეს მიდგომა არასწორია. ადამიანები დასაქმებულებად ითვლებიან, რომლებიც სოფლად, ფერმერულ მეურნეობებში მუშაობენ და შემოსავალი აქვთ. ის სხვა თემაა, რომ მათ მცირე შემოსავალი აქვთ, “-აცხადებს მელაძე.


მისი მტკიცებით, რა იქნება 2025 წელს, ეს დამოკიდებულია პოლიტიკაზე. თუმცა,ისიც აღსანიშნავია, რომ მთავრობა არ ქმნის სამუშაო ადგილებს,მან უნდა შექმნას გარემო, რომელიც სამუშაო ადგილებს თავად ქმნის.


როგორც მელაძე აღნიშნავს, დღეს ქვეყანაში სამუშაო ადგილები შექმნილია, ბაზარზე არსებობს ვაკანსიები, გვყვავს სამუშაოს მაძიებლები, გვაქვს პროფესიული სასწავლებლებიც. გარდა ამისა, ბიზნესიც ყველაფერს აკეთებს იმისთვის, რომ რაც შეიძლება მეტი სამუშაო ადგილი შექმნას და რაც მთავარია დასაქმებულები კონკურენტუნარიანები იყვნენ.

„კომერსანტი“






კომპანიები, რომლებმაც Huawei-სთან თანამშრომლობა შეწყვიტეს

კომპანიები, რომლებმაც Huawei-სთან თანამშრომლობა შეწყვიტეს
access_time2019-05-25 20:00:07
გასულ კვირას აშშ-ს პრეზიდენტმა დონალდ ტრამპმა ქვეყანაში საგანგებო მდგომარეობა შემოიღო , რომლის ფარგლებშიც ამერიკულ კომპანიებს შტატების უსაფრთხოებისთვის რისკის შემცველი სატელეკომუნიკაციო...

„სადაზღვევო სექტორში ჯანსაღი კონკურენცია კანონმდებლობით უნდა რეგულირდებოდეს“

„სადაზღვევო სექტორში ჯანსაღი კონკურენცია კანონმდებლობით უნდა რეგულირდებოდეს“
access_time2019-05-25 18:00:50
„პსპ დაზღვევის“ გენერალური დირექტორი სოფიო ლებანიძე, რადიო კომერსანტის გადაცემაში თოქ–შოუ „კომერსანტი LIVE“ დაზღვევის მიმართულებით საკანონმდებლო რეგულაციების არსებობის საჭიროებაზე საუბრობს. „ბოლო მონაცემებით საქართველოში 17 სადაზღვევო კომპანიაა,რომლებსაც განსხვავებული  გამოცდილება გააჩნიათ, არსებობენ ისეთი კომპანიები,რომლებიც ბანკთან არიან აფილირებულები. ბანკი,როგორც ფინანსური ინსტიტუცია დღეს ბევრ პროფილურ და არაპროფილურ ბიზნესშია წარმოდგენილი. დაზღვევასა და ბანკს შორის...

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“
access_time2019-05-24 18:30:20
შემაშფოთებელი ამბები მოდის „სატრანზიტო ფრონტის ხაზიდან“. იქ, სადაც აქამდე გვეგონა, რომ ყველაფერი წესრიგშია, აღმოჩნდა, რომ თურმე ეს წესრიგიც და გარეგნული სიმშვიდეც მოჩვენებითია. საქართველოსთვის ახალი სახელმწიფოებრივი ფუნქციის - ევროპას და აზიას შორის ხიდის როლის  შეძენას - წინააღმდეგობები შეხვდა იქ, სადაც ყველაზე ნაკლებად იყო მოსალოდნელი. პირველი პრობლემაა - ანაკლიას პორტი. ცუდია ჩვენს დროში პესიმიზმი - ნახევრად სავსე ჭიქა ყოველთვის...

BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა

 BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა
access_time2019-05-24 19:30:19
სოციალური ქსელების გიგანტს წლის ბოლოს საკუთარი კრიპტოვალუტის ტესტირება სურს, რომელსაც კომპანიაში „გლობალკოინს“ უწოდებენ. Facebook-ი საკუთარი კრიპტოვალუტის - “გლობალკოინის” გამოცემას 2020 წლიდან გეგმავს. ამ წლის პირველ კვარტალში ათობით ქვეყანაში  ციფრული გადახდის სისტემის დანერგვა იგეგმება.  Facebook-ი ზაფხულის პერიოდში გეგმის დეტალურ მონახაზს დაასრულებს.  ამასთან დაკავშირებით უკვე შედგა საუბარი ინგლისის ბანკის მმართველთან, ...

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?
access_time2019-05-24 20:00:48
ბრიტანეთის პრემიერ-მინისტრმა ტერეზა მეიმ განაცხადა, რომ 7 ივნისს ის დატოვებს თავის პოსტს. რით დაამახსოვრა თავი მსოფლიოს ბრიტანეთის ისტორიაში მე-2 ქალმა პრემიერ- მინისტრმა? პირველ რიგში, რა თქმა უნდა, ევროკავშირიდან ბრიტანეთის გასვლასთან დაკავშირებული დრამატული მოვლენებით, თუმცა მის კარიერაში კიდევ ბევრი რამ იყო საინტერესო. 90-ნი წლების დასაწყისში ის იყო ლონდონის ერთ-ერთი რაიონის საბჭოს დეპუტატი, დიდ პოლიტიკაში...


მსგავსი სიახლეები

up