როგორია საქორწილო ტურიზმი საქართველოში და რა ლოკაციაა ყველაზე პოპულარული უცხოელებისთვის ? - ამ თემაზე ისაუბრეს რადიო კომერსანტზე Malibu Flowers • მალიბუს ყვავილები-ს დამფუძნებლებმა მარიამ კლდიაშვილმა და ლიკა ჯიღაურმა.
„ჩვენი კომპანია მოიცავს ქორწილის,როგორც ორგანიზებას, ისე გაფორმებას. ვმუშაობთ დეკორაციაზე, ყვავილებსა და სხვადასხვა დეკორაციაზე,რომლებსაც ჩვენ ვაწყობთ. ასევე ვგეგმავთ და ვაფორმებთ კორპორატიულ ღონისძიებას, ივენთებს, დაბადების დღეებს.
თუმცა, ჩვენი ძირითადი მიმართულება ქორწილებია, წელს დავამატეთ უკვე კორპორატიული საღამოების გაფორმება. ქორწილებს რაც შეეხება, ვცდილობთ,რომ ორგანიზებიდან დაწყებული, ყვავილებით გაფორმებით დამთავრებული, შევძლოთ მათი უზრუნველყოფა და დავაკმაყოფილოთ მომხმარებლის მოთხოვნა.
ქართველ და უცხოელ მომხმარებლების მოთხოვნებს შორის განსხვავებები არის. მაგალითად, ფერებთან დაკავშრებით. უცხოელები შავ ტონალობაში ირჩევენ ქორწილებს,სტუმრების რაოდენობა კი მათ შემთხვევაში 20-დან 50 სტუმრამდე მერყეობს.
ხშირად, ქორწილის დაგეგმვის პროცესში ვთხოვთ მომხმარებლებს,რომ მათი სიყვარულის ისტორიიდან გამომდინარე, გამოვიყენოთ დეტალები დეკორაციებისთვის, ეს იქნება მათი მოყოლილი ისტორია - ერთ დღეში გაერთიანებული. დეკორაციები შეიქმნება ინდივიდუალურად მხოლოდ მათთვის,“- ამბობს ლიკა ჯიღაური. მისი თქმით, უცხოელ მომხმარებლებს შორის არიან რუსები, ყაზახები, ესპანელები.
„ესპანელი წყვილის ქორწილი გვქონდა გუდაურში, ხედი იყო ულამაზესი, მთებით და ნაკადულით. ეფექტური გამოვიდა,როგორც ფოტოსესია, ისე ვიდეო რგოლი. მსგავსი ტიპის რგოლებით დიდი რეკლამა კეთდება.
შარშან აქტუალური იყო დავითგარეჯში ერთი ლოკაცია,რომელიც ცნობილი სწორედ ჩვენი ფოტოსესიით გახდა. ამ ფოტოებმა, რამდენიმე საერთაშორისო კონკურსში მოწინავე ადგილი დაიკავა და წამოვიდა მოთხოვნა ამ ადგილზე,“- აღნიშნავს ლიკა ჯიღაური.
მარიამ კლდიაშვილის თქმით, მომხმარებლები ცდილობენ,რომ მათი ქორწილი იყოს განსხვავებული ყველასგან.
„ამჯობინებენ ნეიტრალურ ფერთა პალიტრას, უცხოელები ლოკაციის თვალსაზრისით, ძალიან ამსგავსებენ კახეთის მხარეს ტოსკანას და ის წყვილები,რომლებსაც უნდათ ქორწილის გადახდა ტოსკანაში, კახეთში მოდიან,- ამბობს მარიამ კლდიაშვილი.
საქორწილო ტურიზმი
