25-26 ივლისს, კომპანისა „საქნახშირის“ თანამშრომლებს შორის ჭადრაკის ჩემპიონატი გაიმართა. ჩემპიონატი შვეიცარული სისტებით, 7 ტურად ჩატარდა. გამარჯვებულები 26 ივლისს გამოვლინდნენ. პირველ ადგილზე კახა ხორხომელიძე გავიდა, მეორე ადგილი ზვიად ჭანტურიძეს ერგო, ხოლო მესამე ადგილი გიორგი ხორხომელიძემ დაიკავა.
ღონისძიება პროფკავშირებისა და საჭადრაკო კლუბ „ტყიბულის“ მხარდაჭერით, საქნახშირის ტერიტორიაზე ჩატარდა. გამარჯვებულებს კომპანიამ ფულადი პრიზები და სამახსორო სერტიფიკატები გადასცა.
კახა ხორხომელიძე (I ადგილის მფლობელი): „ძალიან მიხარია რომ ასეთი ღონისძიება ჩატარდა. შეჯიბრი ორი დღეა მიმდინარეობს, სულ 7 ტური გაიმართა. ძლიერი მოწინააღმდეგეები შემხვდნენ და საკმაოდ დაძაბული ტურები იყო. საბოლოო ჯამში 6 ქულა დავაგროვე. ჩემი აზრით, ნორმალური შედეგია, თავად კმაყოფილი ვარ. ჩემს თანამშრომლებს მოვუწოდებ, მონაწილეობა მიიღონ მსგავს შეჯიბრებში“.
ცოტა ხნის წინ, „საქნახშირის“ ინიციატივით სპორტული თევზაობის შეჯიბრიც ჩატარდა, რომელშიც 60-მდე მეშახტე იღებდა მონაწილეობას. სპორტული თევზაობა შაორის ტბაზე გაიმართა. პირველ, მეორე და მესამე ადგილზე გასულ მონაწილეებს ფულადი პრიზები გადაეცათ. უახლოეს მომავალში კიდევ ერთი შეჯიბრი იგეგმება - ამჯერად მეშახტეები ერთმანეთს ნარდის თამაშში შეეჯიბრებიან.
(NS)