„საქნახშირი“  წლებია მოგების გარეშე მუშაობს - კომპანია შესაძლოა ბაზრიდან გავიდეს

„საქნახშირი“ წლებია მოგების გარეშე მუშაობს - კომპანია შესაძლოა ბაზრიდან გავიდეს

access_time2018-06-12 08:30:14

„საქართველოს ინდუსტრიული ჯგუფი“ (GIG), რომლის თანამფლობელობაშიცაა „საქნახშირი“ (ტყიბულის შახტიდან ქვანახშირს მოიპოვებს) ბაზრიდან გასვლას არ გამორიცხავს. მიზეზი რამდენიმეა, რაზეც  „კომერსანტი“  GIG-ის გენერალურ დირექტორს, ზურაბ გელენიძეს გაესაუბრა. როგორც ირკვევა, მას შემდეგ რაც 2008 წლიდან კომპანიამ ტყიბულში დაიწყო საქმიანობა, თავი არაერთმა სირთულემ იჩინა. პრობლემის მოგვარება კი ხშრიდ პრაქტიკულად შეუძლებელია. სწორედ ეს გახდა მიზეზი იმისა, რომ დღეს GIG-ი გადაწყვეტილების მიღების პროცესშია და დარწმუნებული აღარ არის, რომ ტყიბულში საქმიანობის გაგრძელება კვლავ სურს.



რაც შეეხება დეტალურ ინფორმაციას, ზურაბ გელენიძის პასუხი ასეთია:


პირველი პრობლემა - კომპანია ზარალზე მუშაობს, შესაბამისად ვერ ნახულობს მოგებას:


„კომპანია დასაწყისიდან დღემდე მიდის ზარალში და არანაირი მოგება არ რჩება. აღნიშნულს ადასტურებს საერთაშორისო აუდიტიც და ციფრებიც. ამიტომ, არ ვიცით როგორი იქნება ჩვენი სამომავლო გეგმები და ახლა სწორედ საბოლოოდ ჩამოყალიბების პროცესში ვართ. ამ აზრამდე მივედით განსაკუთრებით ბოლო დროს განვითარებული მოვლენების გამო. ჩვენ მაქსიმალურად შევეცადეთ ყველა სიცოცხლესთან დაკავშირებული რისკი დაგვეხურა, რაც შეუძლებელი აღმოჩნდა. არ გვიღირს ადამიანების სიცოცხლის ფასად საქმიანობის გაგრძელება და არც ის გვინდა, ჩვენი კომპანიის სახელს უკავშირდებოდეს ეს ყველაფერი. დღეს ხმამაღლა ვაცხადებთ, რომ მზად ვართ ბაზრიდან გასასვლელად და  ვინ, როგორ მიხედავს ტყიბულს, ეს უკვე შემდოგმი მსჯელობის საგანია“.


მეორე პრობლემა - აღებული სოციალური პასუხისმგებლობა, რისკების მინიმიზაციის მიუხედავად, მაინც მკვეთრად მაღალია:


„შრომის უსაფრთხოების კუთხით გადაიდგა კონკრეტული ნაბიჯები და ამ მიმართულებით  კომპანიის მხრიდან განხორციელდა 13 მლნ. ლარის ინვესტიციაც.  რეალურად კი საქმიანობის სპეციფიკის გათვალისწინებით, აღნიშნული მაინც დიდ გამოწვევად რჩება და ასეც გაგრძელდება. ზოგადად, ამ სფეროში ნულამდე რისკების მინიმიზაცია შეიძლება, მაგრამ განულება შეუძლებელია. თუმცა ისიც უნდა აღინიშნოს, რომ 13 მლნ. ლარის გარდა კიდევ არაერთი ღონისძიებაა გასატარებელი, რაც უფრო მეტად შეამცირებდა აღნიშნულ რისკებს, მაგრამ ესეც დიდ თანხებს საჭიროებს“.




მესამე პრობლემა - საერთაშორისო ბაზარზე  გაურესდა ნახშირის კონიექტურა. გაუარესდა ფასთა პოლიტიკაც:


„ეს პრობლემა ალბათ ყველაზე მწვავეა უშუალოდ კომპანიისთვის. ბოლო 5 წლის განმავლობაში საერთაშორისო ბაზარზე ნახშირის საერთო მოცულობამ 34 %-ით იკლო და გაუარესდა ფასებიც. ჩვენ კი ერთი-ერთში მივყვებით ამ საერთაშორისო ტენდენციებს და ამიტომ საკმაოდ მძიმე ფინანსური მდგომარეობა შეიქმნა.   მიუხედავად ყველაფრისა, ჩვენ ბოლო პერიოდში არ მოგვიხდებია სამუშაო ძალის ოპტიმიზაცია  (თანამშრომლების შემცირება რაოდენობრივად ან ხელფასების მხრივ), რაც სავსებით შეიძლებოდა. მეტიც, ერთსაც და მეორესაც მზარდი ხასიათი აქვს“.



მეოთხე პრობლემა - სახელმწიფოს მხირდან ამ დრომდე რეალური და შესაბამისი მხარდაჭერა არ არის;


„რაც შეეხება სახელმწიფოს მხრიდან ზოგადად კერძო სექტორისადმი დამოკიდებულებას, რაც ნაკლები ყურადღება დაეთმობა სფეროს და მზრუნველობა იქნება მეტი, უკეთესია. ყურადღება გვჭირდება გარკვეული სამოქმედო ველის შექმნისთვის და არა სხვა ჩარევებისთვის. კონკრეტულად ჩვენს შემთხვევაში, ახლა მიმდინარეობს ხელისუფლებასთან გარკვეული მოლაპრაკებები, მაგრამ შედეგები უცნობია.  მთავრობა  აღიარებს, რომ დიდია სოციალური პასუხისმგებლობა ტყიბულში და ჩვენი, როგორც შემამსუბუქლების როლიც ძალიან მაღალია. მიდის მსჯელობა, რა გზით შეიძლება წავიდეთ და სად შეიძლება აღმოვჩნდეთ. ჩვენ გვჭირდება მთავრობის მხრიდან მაგალითად, საგადასახადო შეღავათები. ალბათ კარგი იქნება, მანვე მოახდინოს მსხვილიი ინვესტიციაც, თუმცა  ესეც კვლევის საკითხია. იმედია, მხარეები რაღაც კონსესუსამდე მივალთ, რადგან როგორც ხედავთ, უამრავი პრობლემის წინაშე ვდგავართ“.


მეხუთე პრობლემა -  აუცილებელია მეტი ტექნოლოგიური აღჭურვილობა და მექანიზაცია, რაც დამატებით თანხებს საჭიროებს;   


„ძირითადად ხდება შრომითი დანახარჯებით საქმიანობა, ანუ ქვანახშირის ხელით მოპოვება. მექანიზაციის დონე ძალიან დაბალია და მისი მოცულობის გასაზრდელად დიდი დაბანდებებია საჭირო. თუმცა ტექნოლოგიურად უფრო მეტად რომც გავიზარდოთ, ჩვენი რეალობა მაინც სხვა სახის შეზღუდვებს გვიწესებს. კერძოდ, რთული საშახტო პირობებია, ასევე თავად ნახშირის ფენების დახრილობა არის 45 %, რაც მექანიზების განხორციელების შესაძლებელობებს ზღუდავს. ამასთან, ჩვენს ნახშირს აქვს მეთანის მაღალი შემადგენლობა, ამიტომ თვითაალების და აფეთქების რიკსიც მუდმივად დგას დღის წერიგში, ანუ ერთი მხრივ - მექანიზაცია უნდა განვავითაროთ, მეორე მხირვ კი - ეს მექანიზაციაც ვერ შეძლებს  სრულად სიტუაციის გამოსწორებას- ეს გადაუწყვეტელი დილემაა“.




მეექვსე პრობლემა - ტყიბულის ნახშირი საერთაშორისო ბაზრისთვის არაკონკურენტულია:


„ჩვენს მიერ მოპოვებული ნახშირის დააახლოებით 80 % დღეს გადაიტვირთება „ჰაიდელბერგ ცემენტში“ და ისტორიულად ეს ციფრი კიდევ უფრო მაღალი იყო. ე.ი. გვყავს მონომყიდველი და სრულად მასზე ვართ დამოკიდებული. ჩნდება კითხვა, რატომ არ ვაფართოებთ ბაზრებს?! რადგან, ეს ნახშირი თავისი შინაარსიდან გამომდინარე არ არის ტრეიდინგული პროდუქტი, ანუ ეს არ არის კომოდიტი, რომელიც შეგიძლია მოიპოვო - გაყიდო. მას აქვს დაბალი კალორიულობა, აქვს უამრავი სხვა კიდევ ისეთი მახასიათებელი, რაც მისი გარეთ გატანასა და კონკურენტულ შესაძლებლობას ზღუდავს“.




 მეშვიდე პრობლემა - ლოჯისტიკა:

„საკმაოდ მძიმეა ტყიბულიდან ფოთში ტრანსპორტირების საკითხიც, რაც თითქმის შეუძლებელია. ამიტომ საუბარი რომ მკვეთრად გაიზრდება მოცულობა ახალი მყიდველის გამოჩენის შემდეგ, არასწორია. ერთადერთი შეიძლება ეს ნახშირი მოვიპოვოთ და გამოყენებული ელექტროენერგიის მიღების თვალსაზრისით ადგილზევე გამოვიყენოთ. სხვა ალტენრატივა ამ ტყიბულის ქვანახშირს არ აქვს“.

 


რაც შეეხება ზოგადად „საქნახშირის“ მუშაობას ტყიბულში, ზურაბ გელენიძე განმარტავს, რომ 2008 წელს სანამ GIG-ი მოკიდებდა საქმიანობას ხელს, სახელმწიფო მართვის ქვეშ მყოფი „საქნახშირი“ აბსოლუტურად პარალიზებული იყო.  მუშაობდა რამდენიმე ათეული ადამიანი და მათი საქმიანობა მხოლოდ  წყლის ქაჩვა იყო.  უკვე „საქართველოს ინდუსტრიული ჯგუფის“ მისვლიდან კი განხორციელდა 80  მლნ. ლარის ინვესტიცია; მთლიანად განახლდა საწამოო პროცესი; აშენდა გამამდიდრებელი ფაბრიკაც. ეს უკანაკნელი კი ცალსახად აუცილებელია ტყიბულისთვის, რადგან მოპოვებული ნახშირის ხარისხი ვერ უზურნველყოფს ისეთ პარამეტრებს, რათა პირდაპირ გაიყიდოს. საჭიროა მისი გამდიდრება. GIG-ის ყოფნის პერიოდში  დასაქმდა 1500 ადამიანი, მოპოვების წლიურმა მოცულობამ კი მაგალითად, 2012-13 წლებში 450-500 ათასი ტონა შეადგინა.

 


„იმ შემთხვევაში თუ „საქნახშირი“ გაჩერდება,  სახელმწიფოს მოუწევს პროდუქტის სრულად იმპორტით ჩანაცვლება. ჩვენი რეალიზაცია წლის განმავლობაში დაახლეობით 200-250 ათას ტონას შეადგენს და თითქმის 40 მლნ. ლარის ოდენობას გულისხმობს.  ასევე, როგორც უკვე აღვნიშნე, ჩადებული ინვესტიცია და მოგება სრულად შეუსაბამოა და პირველი შეცდომაც კომპანიამ ალბათ მაშინ დაუშვა, როცა აღნიშნული საქმიანობის დაწყების შესახებ გადაწყვეტულება მიიღო.  ის კაპიტალდაბადება, რაც იყო გაწეული, ალბათ ვერასდროს ვერ ნახავს იმ უკუგებას, რაც თავიდანვე ჩადებული იყო ამ ბიზნესპროექტში. ხოლო, თუ გავედით ბაზრიდან, საუბარია 80-90 მლნ. ლარ ზარალზე“.

 



სალომე ლემონჯავა, ბაჩო ადამია

 

 

 





არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up