„საქართველოში ყველაზე მთავარი პრობლემაა ის, რომ ადამიანებს ერთი და იგივე საკითხი  სხვადასხვანაირად ესმით“

„საქართველოში ყველაზე მთავარი პრობლემაა ის, რომ ადამიანებს ერთი და იგივე საკითხი სხვადასხვანაირად ესმით“

access_time2018-05-17 13:00:00

აზრის გამოხატვის თავისუფლება და თვითგამორკვევის უფლება, ამ თემებზე ისაუბრეს რადიო “კომერსანტის” გადაცემაში “ადვოკატის საათი მარიკა არევაძესთან ერთად“. გადაცემის სტუმრები იყვნენ  კავკასიის საერთაშორისო უნივერსიტეტის სამართლის ფაკულტეტის დეკანი ლადო მაჭარაშვილი და  საქართველოს უნივერსიტეტის სამართლის სკოლის დეკანი, ანა ხურციძე.


გადაცემის მსვლელობისას 12 მაისს კლუბ „ბასიანსა“ და „გალერიში“ განვითარებული მოვლენებისა და 48 საათიანი საპროტესტო აქციების შესახებ ისაუბრეს. ლადო მაჭარაშვილის თქმით, სახელმწიფო ვალდებული იყო აეცილებინა შესაძლო საფრთხე და  დაპირისპირე მხარეებს შორის. 


„მე ნაკლებად წარმომიდგენია,რომ კონტრ-აქციის წარმომადგენლები სინამდვილეში სანთლების ასანთებად მიდიოდნენ 9 აპრილის მემორიალთან, ისინი აშკარა აგრესიული მოწოდებებით გამოირჩეოდნენ,როგორც მთავრობის, ისე მეორე აქციის მისამართით. იყენებდნენ სიძულვილის ენას და ცდილობდნენ პოლიციის კორდონის გარღვევას. ამ პირობებში, სახელმწიფო ვალდებული იყო აეცილებინა საფრთხე, დაძაბულობა და შესაძლო დაპირისპირება მხარეებს შორის,“ - განაცხადა ლადო მაჭარაშვილმა.


აქციაზე იმყოფებოდა ანა ხურციძეც, რომელმაც გადაცემის მსვლელობისას არაერთი შემთხვევა გაიხსენა, როდესაც კონტრ-აქციის წარმომადგენლებისგან ისმოდა მუქარა და შეურაცხყოფელი სიტყვები.


„მეორე მხარე ნამდვილად წარმოადგენდა საშიშ ძალას, გვემუქრებოდნენ „გადავლით“ და დახოცვით. პოლიცია ნამდვილად  დაუღალავად ცდილობდა მათ შეჩერებას და არცერთი წამით არ ტოვებდნენ პერიმეტრს, მთელი ის პერიოდი ვიყავით ჯაჭვით შემოსაზღვრული.


იყო პერიოდები, როდესაც პოლიციის კორდონი ვერ აკავებდა მათ და არღვევდნენ ჯაჭვს და საფრთხე უკვე რეალური ხდებოდა. სახელმწიფომ აირჩია ის გზა,რომელიც მშვიდობიანად დაასრულებდა ორივე აქციას,“ - ამბობს ანა ხურციძე.



გადაცემის წამყვანის, მარიკა არევაძის კითხვები ეხებოდა აზრის გამოხატვისა და თავისუფლების შესახებ კანონს და იმ შეზღუდვებს, რომელთა პირობებშიც უწევთ მოქალაქეებს საკუთარი აზრის დაფიქსირება.


„ყველა ჯგუფს აქვს უფლება გამოხატოს საკუთარი აზრი საჯაროდ და მიაწოდოს საკუთარი აზრი საზოგადოებას. აზრის გამოხატვის თავისუფლება ბოლო პერიოდში საქართველოში აქტუალური გახდა. გამოხატვის თავისუფლება არ არის აბსოლუტური თავისუფლება, არის გამონაკლისი შემთხვევები,როდესაც გვაქვს გარემოებები,როცა შეიძლება ეს უფლება შეიზღუდოს, თუმცა ძალიან რთულია სახელმწიფომ დაასაბუთოს ის,თუ რატომ ზღუდავს.  იმისთვის, რომ გამოხატვის თავისუფლება შეიზღუდოს ეროვნულ კანონში უნდა არსებობდეს შესაბამისი კანონი, ანუ შეზღუდვა უნდა ემსახურებოდეს კანონიერ მიზნებს, მიზნებს,რომლებიც შეიძლება იხებოდეს ეროვნულ უშიშროებას ან საზოგადოებრივი წესრიგის დაცვას,“- ამბობს ლადო მაჭარაშვილი.


ის ასევე შეეხო სახელმწიფოს მიერ „კარვების დაშლის“ პრეცედენტსაც აქციების მიმდინარეობისას. „ბოლო პერიოდში, ხელისუფლების პირები კონკრეტული სახელმწიფო უწყებებიდან განმარტავენ,რომ „კარვების მეშვეობით“ აზრის გამოხატვის უფლება არის არაკანონიერი. ჩვენ არ უნდა დავუშვათ,რომ შეიზღუდოს რაიმე ქმედებებით ჩვენი გამოხატვის უფლება.


შეიძლება საქართველო არ იყოს განვითარების იმ დონეზე,რომ შემწყნარებული იყოს კონკრეტული ჯგუფების მიმართ, თუმცა განვითარების ეს  ეტაპები ქმნის ახალ-ახალ პრეცედენტებს. კულტურული თვითგამორვევის საკითხი დღეს საქართველოში ნამდვილად არის რეფორმირების პროცესში და ვფიქრობ, ეს ყველაფერი დადებით შედეგებს გამოიტანს,“ - განაცხადა ლადო მაჭარაშვილმა.


ანა  ხურციძე ასევე გამოეხმაურა საზოგადოების იმ ნაწილს, რომლებიც 12 მაისის განვითარებული მოვლენების შემდეგ დაწყებულ საპროტესტო აქციებს ნეგატიურად აფასებდა.


„საზოგადოება შეცდომაშია შეყვანილი,როცა ჰგონიათ,რომ ნარკოტიკები მხოლოდ კლუბებში იყიდება, ნარკოტიკები არამხოლოდ კლუბებში,არამედ მთელს საქართველოში იყიდება. ეს იცის პოლიციამ და ნებისმიერმა ადამიანმა,ვისაც მისი შეძენა სურს.


მრავალი ორგანიზატორი ჰყავდა აქციას და სიტყვით გამომსვლელიც ბევრი იყო,რომელთაც შეიძლება არ დავთანხმებოდით, თუმცა ერთი რაც ყველამ იცოდა იყო ის,რომ ჩვენ იქ, ვიდექით თავისუფლებისთვის.


დღეს საქართველოში ყველაზე მთავარ პრობლემას წარმოადგენს ის, რომ ადამიანებს ერთი და იგივე საკითხი ესმით სხვადასხვანაირად, ან სხვადასხვანაირი საკითხები ესმით ერთნაირად. სინამდვილეში, ყველას გვაქვს ერთი პოზიცია,რომ გვინდა ვიყოთ თავისუფლები და  დაცული იყოს კონსტიტუციით გარანტირებული  ჩვენი უფლებები,“ - ამბობს ანა ხურციძე.


კომერსანტი

 





კომპანია „სილქნეტის“ განცხადება

კომპანია „სილქნეტის“ განცხადება
access_time2019-01-22 22:27:41
კომპანია სილქნეტი სპეციალურ განცხადებას  ავრცელებს. კომერსანტი ტექსტს უცვლელად გთავაზობთ: როგორც საზოგადოებისთვის ცნობილია, საქართველოს სატელეკომუნიკაციო სექტორში 2018 წელს განხორციელებული ბაზრის ლიდერი ორი კომპანიის  - სილქნეტის და ჯეოსელის გაერთიანების შედეგად, შეიქმნა სატელეკომუნიკაციო კომპანია, რომელმაც ინტერნეტის, საკაბელო ტელევიზიისა და ფიქსირებული ტელეფონიის სერვისები გააერთიანა მობილურ სერვისებთან და მომხმარებლებს...

Fund for Peace: საქართველოს მაკროეკონომიკური მაჩვენებლები გაუარესდა

Fund for Peace: საქართველოს მაკროეკონომიკური მაჩვენებლები  გაუარესდა
access_time2019-01-22 20:00:20
საერთაშორისო ორგანიზაცია Fund for Peace ყოველწიურად ადგენს სახელმწიფოების მდგრადობის რეიტინგს, რომელიც ასახავს სხვადსხვა ქვეყნებში პოლიტიკური და ეკონომიკური რისკების დონეს. სიის შემდგენელთა განცხადებით, მათი მიზანია პოლიტიკოსების გაფრთხილება შესაძლო დაძაბულობის და კონფლიქტების შესახებ. ინდექსი ზომავს ქვეყნებს სტაბილურობის დონეს. 2018 წლის მონაცემებით, საქართველომ დაიკავა 83-ე ადგილი 178 ქვეყანას შორის და 120...

პაატა შურღაია:„ბაზისური პენსიის გაცემის ტვირთი რამდენიმე წელიწადში გაიზრდება და ბიუჯეტის 30-40%-ს მიაღწევს, ეს ეკონომიკის კატასტროფაა“

პაატა შურღაია:„ბაზისური პენსიის გაცემის ტვირთი რამდენიმე წელიწადში გაიზრდება და ბიუჯეტის 30-40%-ს მიაღწევს, ეს ეკონომიკის კატასტროფაა“
access_time2019-01-22 19:00:48
მთავრობამ 2019 წლის პირველი იანვრიდან ქვეყანაში ნაწილობრივ სავალდებულო დაგროვებითი საპენსიო რეფორმის აამოქმედა. დაგროვებითი პენსიის კანონი პარლამენტმა 2018 წლის 21 ივლისს მიიღო. სისტემის ამოქმედების შემდეგ, მოქალაქეების მიერ დაზოგილ თანხას სპეციალური საპენსიო ფონდი განკარგავს, აღნიშნულ ფულს გარკვეულ საპროცენტო განაკვეთს დაარიცხავს და მოქალაქეებს ამ თანხას პენსიაზე გასვლის შემდეგ დაუბრუნებს....

„პრემიერს გამორჩა ერთი სიტყვა, რამაც არასწორი წარმოდგენები შექმნა“ - საგარეო საქმეთა სამინისტრო ბახტაძის განცხადებასთან დაკავშირებით განმარტებას კომერსანტთან აკეთებს

 „პრემიერს გამორჩა ერთი სიტყვა, რამაც არასწორი წარმოდგენები შექმნა“ - საგარეო საქმეთა სამინისტრო ბახტაძის განცხადებასთან დაკავშირებით განმარტებას კომერსანტთან აკეთებს
access_time2019-01-22 16:00:54
„ევროკავშირმა საქართველოს გამოუყო 3,4 მილიარდი ევროს ფინანსური სახსრები“ — პრემიერ-მინისტრ მამუკა ბახტაძის მიერ ბრიფინგზე გაკეთებული ეს განცხადება მედიაში დავის საგანი გახდა. ვებ-პორტალი „ბათუმელების“ ინფორმაციით, ევროკავშირს საქართველოსთვის აღნიშნული ფინანსური სახსრები არ გამოუყვია. შესაბამისად, პრემიერის ნათქვამი არასწორია. კომერსანტმა საკითხში გარკვევის მიზნით, საგარეო საქმეთა სამინისტროს მიმართა, სადაც ექსკლუზიურად...

ნინო ზამბახიძე: საქართველოში მეწარმეები ბიუროკრატიას ეწირებიან

ნინო ზამბახიძე: საქართველოში მეწარმეები ბიუროკრატიას ეწირებიან
access_time2019-01-22 14:00:47
„საქართველოში მეწარმეები  ბიუროკრატიას ეწირებიან. აქამდე ამ თემაზე საჯაროდ არ ვსაუბრობდი, რადგან არ მინდოდა ფერმერთა ასოციაციის სახელი გამომეყენებინა. თუმცა ამ პრობლემის წინაშე მხოლოდ მე არ ვარ. აქედან გამომდინარე, გადავწყვიტე ჩემი ფერმა გავყიდო, რომ მეტი დრო დავუთმო ფერმერთა ასოციაციას და დავეხმარო სხვა ფერმერებს, რომ იგივე მდგომარეობაში არ აღმოჩნდნენ. “,— ამის შესახებ საქართველოს ფერმერთა ასოციაციის თავმჯდომარე ნინო ზამბახიძემ კომერსანტს...


მსგავსი სიახლეები

up