რატომ არის საქართველოში ყველაზე ძვირი სესხი რაჭა-ლეჩხუმში

რატომ არის საქართველოში ყველაზე ძვირი სესხი რაჭა-ლეჩხუმში

access_time2020-10-29 11:40:16

კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2020 წლის სექტემბერში, წინა თვესთან შედარებით 1.89 მლრდ ლარით (5.49%-ით) გაიზარდა და მიმდინარე წლის პირველი ოქტომბრისათვის 36.38 მლრდ ლარი შეადგინა.  ამავე პერიოდში ეროვნული ვალუტით გაცემული სესხების მოცულობა 552.91 მლნ ლარით (3.70%-ით), ხოლო უცხოური ვალუტით გაცემული სესხების მოცულობა 1.34 მლრდ ლარით (6.85%-ით) გაიზარდა.

 

საქართველოს ეროვნული ბანკის მონაცემებით, საშუალო პროცენტი სესხებზე 14,2%-ია, თუმცა, ეს მაჩვენებელი განსხვავდება რეგიონების მიხედვით.

 

წლიური შეწონილი საპროცენტო განაკვეთები რეგიონის მიხედვით ასე გამოიყურება:

ყველაზე მაღალია საპროცენტო განაკვეთები რაჭა-ლეჩხუმში და ქვემო სვანეთში - 20,79%;

გურია - 18,17%;

სამცხე-ჯავახეთი  - 16,47%; 

მცხეთა-მთიანეთი - 15,13%;

კახეთი - 14,89%;


ქვემო ქართლი - 14,66%;

სამეგრელო-ზემო სვანეთი - 14,21%;

შიდა ქართლი 13,89%,

იმერეთი - 13,62%.

აჭარაში - 10,21%;

თბილისში - 9,55%.

 

„ბანკების ასოციაციის“ პრეზიდენტი ალექსანდრე ძნელაძე „კომერსანტთან“ საუბრისას აღნიშნავს, რომ წლიური შეწონილი საპროცენტო განაკვეთები რეგიონის მიხედვით, ასე რადიკალურად იმიტომ განსხვავდება, რომ მაღალმთიან რეგიონებში ძირითადად სამომხმარებლო სესხები გაიცემა, რაც მაღალპროცენტიანია, ხოლო თბილისში და აჭარაში იპოთეკური სესხები, რომლებიც დაბალი საპროცენტო განაკვეთით გამოირჩევა.


„დიდი ქალაქებში პორტფელის ძირითადი ნაწილი იპოთეკური სესხებია, აქედან გამომდინარე არის მცირე საპროცენტო განაკვეთი, ხოლო რეგიონებში, მაგალითად რაჭა-ლეჩხუმში იპოთეკური სესხები თითქმის არ გაიცემა, აქედან გამომდინარე არც კორპორატიული სესხებია. რეგიონებში ძირითადად არის მიკროდაკრედიტება და სამომხმარებლო სესხები, რომლებიც მისი კატეგორიიდან გამომდინარე, იპოთეკური და კორპორაციული სესხებისგან საპროცენტო განაკვეთების სიდიდით მნიშვნელოვნად განსხვავდება.


ვადიანობის მიხედვითაც თუ შეხედავთ რეგიონებს, სადაც მოკლევადიანი სესხებია იქ არის მაღალპროცენტიანი და სადაც გრძელვადიანებია იქ დაბალია საპროცენტო განაკვეთი. რეგიონალურ ჭრილში, პრობლემური სესხების კატეგორია არ იდენტიფიცირდება, ამაზე ცალსახად შემიძლია გითხრათ და რეგიონის მიხედვით ნამდვილად არც ერთ ბანკს არ აქვს განსხვავებული საპროცენტო განაკვეთები. რეალურად რეგიონებში არაუზრუნველყოფილი სესხები და პროდუქტებია, რომლებიც მაღალსაპროცენტო განაკვეთიანია“,
- აღნიშნავს ძნელაძე.


აღსანიშნავია, რომ მიმდინარე წლის პირველი ოქტომბრისათვის, მთლიანი სესხების ლარიზაციის კოეფიციენტმა 42.55 პროცენტი შეადგინა, 2020 წლის პირველი სექტემბრის მდგომარეობასთან შედარებით, შემცირდა 0.73 პროცენტული პუნქტით (გაცვლითი კურსის ეფექტის გამორიცხვით, გაიზარდა 0.84 პროცენტული პუნქტით).


თეგები:
სესხები



“დღეს ფაქტობრივად შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ

“დღეს ფაქტობრივად  შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ
access_time2021-01-22 16:00:04
„ისეთი შთაბეჭდილება მრჩება, რომ  თითქოს როგორც ინდიელები ჰყავდათ რეზერვაციაში, ასე ვართ  მოქცეული, ოღონდ  იქ  ყველანაირად სოციალურად უზრუნველყოფილები იყვნენ. დღეს  ფაქტობრივად  გაგვწირეს  შიმშილისთვის,...

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი
access_time2021-01-22 17:00:04
„ლილო მოლის“ პრეზიდენტი ლევან გაგუა „ბიზნესპარტნიორთან“ შეზღუდვების მოხსნასთან დაკავშირებით მთავრობის გადაწყვეტილებას ეხმაურება და აცხადებს, რომ მათთვის 15 თებერვლამდე გახსნის გადავადება მოულოდნელი იყო. როგორც გაგუა განმარტავს, სავაჭრო სივრცეში, რითეილში ეს მდგომარეობა 2 თვეზე მეტია გრძელდება, საუბარია, ბაზრობების არათანაბარ პირობებში ჩაყენებაზე. „მძიმე ვითარებაა. რითეილის სფეროში გარკვეულ კატეგორიას ეძლევა უკვე მეორედ გახნის, არსებობის საშუალება,...

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე
access_time2021-01-22 13:20:14
საქართველოს ბიზნეს ასოციაციის ნავთობის, ნავთობპროდუქტებისა და გაზის კომიტეტი, საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატების თაობაზე მიღებულ გადაწყვეტილებას ეხმიანება.„ეს არის კიდევ ერთი წინგადადგმული, გონივრული და მნიშვნელოვანი ნაბიჯი სახელმწიფოს მხრიდან. უკანასკნელ პერიოდში, ხელისუფლების მიერ ნავთობპროდუქტების სექტორში ინიცირებული და განხორციელებული პოზიტიური ცვლილებები უდაოდ არის...

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია
access_time2021-01-22 15:10:00
1-ლი მარტიდან გახსნას აზრი აღარ ექნება, რადგან ბიზნესი ამ დროს უკვე აღარ იარსებებს - ამის შესახებ რესტორატორთა ასოციაციის დამფუძნებელმა კოტე გაბრიჩიძემ ,,ბიზნესპრესნიუსთან“ განაცხადა. მისი თქმით, საკოორდინაციო საბჭოს მოქმედებები აბსოლუტურად ალოგიკურია. ,,ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ. დღეს გაირკვა, რომ ამაზე მსჯელობენ და დღეიდან ეს ჩემთვის მავნებლების საბჭოა და მხოლოდ ასე...

სათხილამურო კურორტებზე შეზღუდვები ძალაში რჩება

სათხილამურო კურორტებზე შეზღუდვები ძალაში რჩება
access_time2021-01-22 13:50:33
ვიცე-პრემიერ მაია ცქიტიშვილის განცხადებით, ამ ეტაპზე სათხილამურო კურორტებზე შეზღუდვები ძალაში რჩება. ამის შესახებ ვიცე-პრემიერმა მაია ცქიტიშვილმა უწყებათაშორისი საკოორდინაციო საბჭოს სხდომის დასრულების შემდეგ განაცხადა.როგორც ცქიტიშვილმა აღნიშნა, ასევე პირბადის გამოყენება და სავაჭრო ცენტრებში დაწესებული მოთხოვნები ძალაში რჩება.„ძალაში რჩება სათხილამურო კურორტებზე დაწესებული შეზღუდვები და ამ ეტაპზე ასევე შეზღუდული იქნება საქალაქთაშორისო ტრანსპორტის...


მსგავსი სიახლეები

up