საქართველოში ხელოვნური ინტელექტის ბიზნეს ასოციაცია შეიქმნა

საქართველოში ხელოვნური ინტელექტის ბიზნეს ასოციაცია შეიქმნა

access_time2019-10-23 10:15:17

საქართველოში ხელოვნური ინტელექტის ბიზნეს ასოციაცია შეიქმნა, რომლის პრეზენტაციაზეც, გიორგი ჩახნაშვილმა საქართველოში ხელოვნურ ინტელექტზე
დაფუძნებული პირველი კვლევა წარადგინა.


22 ოქტომბერს, თბილისში, რესპუბლიკის მოედანზე მდებარე “რესპუბლიკაში” ხელოვნური ინტელექტის ბიზნეს ასოციაციის (AI Georgia) პრეზენტაცია გაიმართა, რომლის მიზანია ქვეყანაში ხელოვნური ინტელექტის, როგორც ცალკეული დარგის ხელშეწყობა, ცნობიერების ამაღლება, თუ რამდენად მნიშვნელოვანია იგი ბიზნესისა თუ სახელმწიფოსთვის, ბიზნეს პროცესების გამარტივებისა თუ უსაფრთხოებისთვის.ასოციაციის მიზანია ასევე, იმ კვლევების ხელშეწყობა, რომელიც საქართველოში ამ პოტენციალის გამოვლენის და განვითარების საშუალებას იძლევა.


პირველად საქართველოში, ახლადდაფუძნებულმა AI Georgia-მ წარმოადგინა ხელოვნურ ინტელექტზე დაფუძნებული კვლევა, რომელსაც ქართული ხელოვნური ინტელექტის Digital Mind-ის შემქმნელი, გიორგი ჩახნაშვილი, ბიზნესისა და ტექნოლოგიებისუნივერსიტეტის ხელშეწყობით განახორციელებს. მან  დამსწრე საზოგადოებას გააცნო კვლევის უნიკალურობა, ამოცანები, მიზნები.
ამის პარალელურად, მან დაინტერესებული მეცნიერები კვლევაში ჩართვისთვის მოიწვია.


კერძოდ, ის მუშაობს პროგრამაზე, რომელიც ხელოვნური ინტელექტის მეთოდებს ნახევრად-სტრუქტურული საიტებიდან მნიშვნელოვანი ინფორმაციის მოსაპოვებლად გამოიყენება. გამოყენებული იქნება ახლებური "ღრმა სწავლების" მეთოდები, როგორიც არის იერარქიული ყურადღების მექანიზმით აღჭურვილი ნეირული ქსელები. მსგავსი პროგრამები ხშირად მოთხოვნადია კომპანიებისგან, რომლებიც დაინტერესებულები არიან მარკეტის კვლევაში, რადგან მათი აპლიკაციები მოიცავს მსგავს პროცესებს, როგორიც არის ავტომატიზირებული პროდუქტის ინფორმაციის ანალიზი (მაგალითად,ინტერნეტის დიდი ნაწილიდან ყველა პროდუქტის და მათი ინფორმაციის მოპოვება).


ღონისძიების ფარგლებში სიტყვით გამოვიდა ბიზნესისა და ტექნოლოგიების უნივერსიტეტის რექტორი, ნინო ენუქიძე, რომელმაც ხელოვნური ინტელექტის მიმართულებით არსებული პოტენციალი მიმოიხილა და უნივერსიტეტში მიმდინარე ხელშემწყობ ღონისძიებებზე ისაუბრა.


სწრაფად განვითარებად ტექნოლოგიურ ეპოქაში, კრიტიკულად მნიშვნელოვანია საქართველომ დაიწყოს მსოფლიო ტრენდის კვალდაკვალ სვლა. სწორედ ამიტომ, მაშინ როდესაც ქვეყანაში არსებობს უზარმაზარი პოტენციალი,აუცილებელია საჯარო და კერძო სტრუქტურების მიერ, AI-თ დაინტერესებულიახალგაზრდების წახალისება და ამ მიმართულებით განათლების ხელშეწყობა, რაც ე.წknowhow-ს გაზრდის და მოგვცემს საშუალებას, მსოფლიო დონეზე დავიკავოთ მოწინავე პოზიციები.


გაცხადებული მიზნისთვის, AI Georgia პირველი იქნება, რომლებიც BTU-ს სიმბოლურად 2500 ლარიან ვაუჩერს გადასცემს, რომელსაც თავის მხრივ უნივერსიტეტი დამატებითი მოტივაციისთვის სწორედ ხელოვნური ინტელექტით დაინტერესებულ სტუდენტებს სტიპენდიის სახით გადასცემს.


ღონისძიება შეაჯამა AI Georgia-ს სპეციალურად მოწვეულმა სტუმარმა, ირაკლი ბერიძემ, რომელიც გაეროს ხელოვნური ინტელექტის და რობოტიკის ცენტრის ხელმძღვანელია. მან დამსწრე საზოგადოებას საერთაშორისო გამოცდილება გაუზიარა, ისაუბრა ხელოვნური ინტელექტის გამოწვევებზე და რეკომენდაციებზე, თუ რა უნდა გაკეთდეს ქვეყანაში არსებული პოტენციალის მაქსიმალური გამოყენებისთვის. ირაკლი ბერიძემ ახალგაზრდა მეცნიერის, გიორგი ჩახნაშვილის კვლევის მნიშვნელობაზეც ისაუბრა.



ირაკლი ბერიძე: “ხელოვნური ინტელექტი თანამედროვე საზოგადოების ფუნქციონირების განუყოფელ ნაწილად ყალიბდება. გამომთვლელი მანქანების სისწრაფის მასიურმა ზრდამ, მონაცემთა სიმრავლემ და ალგორითმების ხელმისაწვდომობამ, მნიშვნელოვნად გააუმჯობესაა ხელოვნური ინტელექტის შესაძლებლობები და გააფართოვა მისი დიაპაზონი. ამ ტექნოლოგიის პოტენციალს უკვე იყენებს ჯანდაცვის, სოფლის მეურნეობის, წარმოების, ენერგეტიკის, ფინანსური, კომუნიკაციების, უსაფრთხოების და მრავალი სხვა სექტორი. ისინი მას ეფექტურობის გასაზრდელად, რესურსების ოპტიმიზაციისთვის, ხარჯების შესამცირებლად და ახალი შესაძლებლობების შესაქმნელად იყენებენ. ხელოვნური ინტელექტი ასევე გაერთიანებული ერების მდგრადი განვითრების მიზნების შესასრულებლადაც ეფექტური კონტრიბუტორია და მრავალი პროექტი ინერგება ამ სფეროშიც.


ამავდორულად, ხელოვნური ინტელექტი ბევრ რისკთან ასოცირდება, როგორებიცაა მისიკრიმინალების მიერ გამოყენება ან სამუშაო ადგილების პოტენციური ჩანაცვლება ან დაკარგვა. ამ ტექნოლოგიის მთლიანი პოტენციალის გაგება, სარგებლის მაქსიმიზაციისა და რისკების მინიმუმამდე დაყვანა ძალზედ მნიშვნელოვანია”.


„კომერსანტი“




დონალდ ტრამპის პოსტის გამო, „ფეისბუქში“ მასალის გამოქვეყნების პოლიტიკას შეცვლიან

დონალდ ტრამპის პოსტის გამო, „ფეისბუქში“ მასალის გამოქვეყნების პოლიტიკას შეცვლიან
access_time2020-06-06 11:00:57
მარკ ცუკერბერგი „ფეისბუქზე“ მასალის გამოქვეყნების პოლიტიკის გადახედვის პირობას დებს. ამის შესახებ მსოფლიოში უმსხვილესი სოციალური ქსელის მფლობელმა ცოტა ხნის წინ „ფეისბუქის“ საკუთარ გვერდზე...

5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

Forbes - მაღალტექნოლოგიურ გიგანტებს მილიარდიანი ჯარიმები ელის

Forbes - მაღალტექნოლოგიურ გიგანტებს მილიარდიანი ჯარიმები ელის
access_time2020-06-05 20:00:48
საპრეზიდენტო არჩევნების წინა პერიოდში აშშ-ს უმსხვილეს ტექნოლოგიურ კომპანიებს - Facebook, Google, Amazon და Apple-ს ანტიმონოპოლური დავები ემუქრება, რის გამოც მათ შესაძლოა მილიარდობით დოლარი დაკარგონ. შტატებში კორონავირუსის დაწყებამდე, უმსხვილესი IT-კომპანიები ვაშინგტონში საკუთარი ინტერესების ლობირებაზე რეკორდულ თანხებს ხარჯავდნენ. დემოკრატი სენატორი ემი კლობუშარი Uber-ის მიერ საკვების მიტანის სერვისის Grubhub-ის შეძენის სურვილს აპროტესტებს, ხოლო რესპუბლიკელი ტედ კრუზის თქმით,...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...


მსგავსი სიახლეები

up