საქართველოში უკრაინის ელჩი - მინდა, რუსეთს  მივმართო, დაგვანებეთ თავი, საქართველოსა და უკრაინას თქვენი მეურვეობა არაფერში სჭირდება

საქართველოში უკრაინის ელჩი - მინდა, რუსეთს მივმართო, დაგვანებეთ თავი, საქართველოსა და უკრაინას თქვენი მეურვეობა არაფერში სჭირდება

access_time2019-07-01 10:25:43

საქართველოში უკრაინის ელჩი და უკრაინის თავდაცვის მინისტრის ყოფილი მოადგილე იგორ დოლგოვი ევროპის საბჭოში რუსეთისთვის ხმის უფლების აღდგენას ევროპული დემოკრატიისა და ევროპული ღირებულებების ღალატად აფასებს. იგი დარწმუნებულია, რომ ევროსაბჭოს პოლიტიკური ელიტა მალე გააცნობიერებს, რამხელა შეცდომა დაუშვეს.


„ის, რაც მოხდა სტრასბურგში, არის მოვლენა, რის გამოც შერცხვებათ ევროპელ დეპუტატებს, – მათ, ვინც რუსეთს მხარი დაუჭირა. ჩვენ კმაყოფილები ვართ იმ ფაქტით, რომ საქართველო და უკრაინა, ბალტიისპირეთის ქვეყნებთან, პოლონეთთან ერთად ამ სიტუაციაში ერთსულოვანია. რეალურად, ევროსაბჭოში რუსეთის ფედერაციამ 70 მილიონ ევროდ ინდულგენცია იყიდა, ქართველებისა და უკრაინელების დაღვრილ სისხლში ფული გადაიხადა. რუსეთმა გადაიხადა თანხა აფხაზეთისა და ცხინვალის რეგიონის ოკუპაციაში, ყირიმის ანექსიაში, დონბასში მიმდინარე ომში. უკრაინის მოქალაქეები, მეზღვაურები დღესაც კი სასჯელს იხდიან რუსეთის ციხეებში უკანონოდ, ისინი ტყვეობაში არიან და რუსეთმა ამაში თანხა გადაიხადა, სისხლიანი ფული გადაიხადა“, – განაცხადა უკრაინელმა დიპლომატმა საქართველოს პირველ არხთან ექსკლუზიურ ინტერვიუში.


ელჩის თქმით, შემთხვევითი არ არის, რომ ხმა რუსეთის დაბრუნებას იმ ქვეყნებმა მისცეს, რომელთა მთავრობების ნაწილი ახლოსაა ვლადიმერ პუტინთან.


„ეს ორგანიზაცია სამ ღირებულებას ეფუძნება – სამართლიანობა, ადამიანის უფლებები და კანონის უზენაესობა. დამისახელეთ რომელიმე ღირებულება, რომელსაც რუსეთი ატარებს?! არც ერთს, არც მეორეს და არც მესამეს დღევანდელი რუსეთის ფედერაცია არ აკმაყოფილებს. ევროსაბჭოს მხრიდან ეს არის ღალატი პრინციპებისა და ევროპული დემოკრატიის. შემთხვევითი არ არის, რომ ხმა რუსეთის დაბრუნებას იმ ქვეყნებმა მისცეს, რომელთა მთავრობების ნაწილი ახლოსაა ვლადიმერ პუტინთან, ხოლო წინააღმდეგ წავიდა ყველა ის ქვეყანა, რომელიც რუსული აგრესიის სამიზნედ სულ მცირე ერთხელ მაინც ქცეულა. ჩვენ ვიცით, ჩვენ გვესმის თუ რამხელა საშიშროება მომდინარეობს კრემლიდან.“ – განაცხადა იგორ დოლგოვმა.




რუსეთის ფედერაციისთვის ხმის უფლების დაბრუნების წინააღმდეგი იყვნენ საქართველო, უკრაინა, ლიეტუვა, ლატვია, ესტონეთი, პოლონეთი, შვედეთი და გაერთიანებული სამეფო.


„თქვენ შესანიშნავად დაინახეთ, რა რეაქცია ჰქონდა ხალხს, როცა დუმის თავხედი დეპუტატი გავრილოვი საქართველოში ჩამოვიდა. მე მინდა მივმართო რუსეთს, არც საქართველოს და არც უკრაინას თქვენი მეურვეობა არ სჭირდება. თავი დაგვანებეთ, ჩვენ მივხედავთ ჩვენ საქმეს და სჯობს, შეგვეშვათ! არ გვჭირდება თქვენნაირი ე.წ. მეგობრები!“, – ამბობს უკრაინელი დიპლომატი.


იგორ დოლგოვისთვის ყველაზე დიდ კითხვის ნიშანს აჩენს ნიდერლანდების სამეფოს დელეგაციის მხრიდან რუსეთისთვის სანქციების მოხსნის მხარდაჭერა.


„მე არ ვიცი, როგორ უნდა შეხედონ თვალებში საკუთარ ხალხს თუნდაც ნიდერლანდების დელეგაციის წევრებმა. მათ ფაქტობრივად მხარი დაუჭირეს იმ ქვეყანას, რომლის წაქეზებითაც სეპარატისტებმა 2014 წელს ბოინგი ჩამოაგდეს. ამ ბოინგში სწორედ ნიდერლანდების მოქალაქეები ისხდნენ. არასდროს დამავიწყდება, იმ ტრაგედიის დროს ბრიუსელში ვიყავი და ერთ-ერთმა ჰოლანდიელმა პოლიტიკოსმა მითხრა, რთული დასაჯერებელია, მაგრამ იმ ბორტზე მყოფი თითოეული ჰოლანდიელი ჩვენი ნაცნობი ან მეგობარი ან ნათესავია, რადგან ნიდერლანდები ძალიან პატარა ქვეყანააო. არაფრით მესმის, როგორ დაუჭირა ამ ყველაფრის შემდეგ ამ ქვეყნის დელეგაციამ რუსეთისთვის სანქციების მოხსნას მხარი?!“, – განაცხადა დოლგოვმა საქართველოს პირველ არხთან საუბარში.


ევროპის საბჭომ რუსეთის ფედერაციას სანქციები 2014 წელს, ყირიმის ანექსიის გამო დაუწესა. რუსეთს ჩამოერთვა ხმის უფლება, ხოლო საწევროს გადაუხდელობის გამო, დავალიანებამ 70 მილიონ ევროს გადააჭარბა. რუსეთი ევროპის საბჭოს ორგანიზაციიდან გასვლით დაემუქრა. მიმდინარე წლის გაზაფხულზე ანალიტიკური გამოცემა Foreign Policy-ის ექსკლუზიური წყაროდან ცნობილი გახდა, რომ ევროსაბჭოში რუსეთისთვის შეზღუდვების მოხსნა განიხილებოდა, რის სანაცვლოდაც რუსეთმა დავალიანება უნდა დაფაროს.


რეზოლუცია, რომელიც რუსული დელეგაციისთვის ხმის უფლების აღდგენას ითვალისწინებს, ბელგიელმა სოციალისტმა დეპუტატმა წარადგინა. რეზოლუციას მხარი 118-მა დეპუტატმა დაუჭირა, 62 კი წინააღმდეგი იყო. პროტესტის ნიშნად, უკრაინისა და საქართველოს დელეგაციებმა ევროსაბჭოს საპარლამენტო ასამბლეა 9-საათიანი კენჭისყრის დასრულებისთანავე დატოვეს.


1ტვ





კორონავირუსის გამო Wizz Air-ი უნგრეთიდან იტალიაში რეისებს აუქმებს

კორონავირუსის გამო Wizz Air-ი უნგრეთიდან იტალიაში რეისებს აუქმებს
access_time2020-02-27 15:15:05
უნგრული დაბალბიუჯეტიანი კომპანია Wizz Air-ი 10 მარტიდან 4 აპრილამდე იტალიიდან ფრენებს აუქმებს. ინფორმაცია კომპანიის ოფიციალურ საიტზეა ნაჩვენები. საიტზე ნათქვამია, რომ რომში, ბოლონიაში, ნეაპოლში, ბარსა და მილანში ამ პერიოდში ფრენები არ არის და არც ჯავშნების განხორციელებაა შესაძლებელი. Wizz Air-ის თანახმად დეტალური ინფორმაცია მოგვიანებით გავრცელდება. Hungarytoday.com მარიამ მორგოშია

სასამართლომ „ანას ბაღთან“ მშენებლობის დროებით შეჩერების გადაწყვეტილება მიიღო

სასამართლომ „ანას ბაღთან“ მშენებლობის დროებით შეჩერების გადაწყვეტილება მიიღო
access_time2020-02-27 14:45:42
თბილისის საქალაქო სასამართლომ საქმის განხილვის დასრულებამდე „ანას ბაღთან“ კორპუსის მშენებლობის შეჩერებაზე განჩინება გამოსცა. ამის შესახებ პირველ არხს ადვოკატმა, მუხრან ღურწკაიამ განუცხადა. ადვოკატის თქმით, სასამართლოში მოქალაქეები მშენებლობის ნებართვის ბათილობას​ მოითხოვენ. მისივე თქმით, საქმის განხილვის დასრულებამდე სასამართლოს გადაწყვეტილებით მშენებლობა შეჩერდება. ადვოკატმა სასამართლოს განჩინება თბილისის მერიაში...

თემურ მიქელაძე კორონავირუსისგან დასაცავად რეკომენდაციებს იძლევა

თემურ მიქელაძე კორონავირუსისგან დასაცავად რეკომენდაციებს იძლევა
access_time2020-02-27 14:00:54
საქართველოში კორონავირუსის პირველი შემთხვევა გუშინ დაფიქსირდა.საზოგადოებას პედიატრი თემურ მიქელაძე „კომერსანტის“ საშუალებით კორონავირუსისგან დასაცავად რეკომენდაციას აძლევს.   „პირველი არ აყვეთ პანიკას. ერთ პაციენტთან დადასტურებული ვირუსი და ისიც მსუბუქი ფორმაში არ იძლევა გავრცელების მაღალი რისკის საშუალებას. მსოფლიო მასტაბით 15 წლამდე ასაკის ბავშვებში გვაქვს ერთეული შემთხვევა და ისიც იოლ ფორმებში.  80%-ის შემთხვევაში დაავადება...

ივა ჭყონია: „საკვები პროდუქტების დეფიციტი საქართველოში არ შეიქმნება“

ივა ჭყონია: „საკვები პროდუქტების დეფიციტი საქართველოში არ შეიქმნება“
access_time2020-02-27 13:05:43
გუშინ საქართველოში კორონავირუსის პირველი შემთხვევა დაფიქსირდა. ვირუსი დაუდასტურდა საქართველოს მოქალაქეს, 50 წლის მამაკაცს, რომელიც ქვეყანაში ირანიდან, აზერბაიჯანის გავლით შემოვიდა. მას შემდეგ რაც საქართველოში კორონავირუსის შემთხვევა ოფიციალურად დადასტურდა, მოსახლეობის ნაწილმა სუპერმარკეტებში პროდუქტების მომარაგება დაიწყო. სოციალურ ქსელში ვრცელდებოდა ფოტოები, სადაც ჩანს თუ როგორ იმარაგებენ საკვებ პროდუქტებს...

„PSP იმედოვნებს, რომ პირბადეებით ქსელი 2-3 დღეში, ხოლო ანსტისეპტიკური გელი დღის ბოლომდე შეივსება “

„PSP იმედოვნებს, რომ პირბადეებით ქსელი 2-3 დღეში, ხოლო ანსტისეპტიკური გელი დღის ბოლომდე შეივსება “
access_time2020-02-27 12:05:22
ფარმაცევტული კომპანიები პირბადეების და ანტისეპტიკური გელების შესყიდვებთან დაკავშირებით მოლაპარაკებებს ყოველდღიურ რეჟიმში აწარმოებენ. როგორც „კომერსანტს“  PSP-ში განუცხადეს, მოლაპარაკებები  ერთი თვეა აქტიურ რეჟიმში მიმდინარეობს და იმედს გამოთქვამენ, რომ 2-3 დღეში პირბადეებით ქსელები მომარაგდება. „ახლა მოლაპარაკების რეჟიმი მიმდინარეობს,ყოველდღიურ რეჟიმში მიდის პროცესი.რაც შეეხება ფასს, ბოლო დღემდე ჩვენთან ერთი ცალი პირბადე...


მსგავსი სიახლეები

up