რუსეთის მოქალაქეები 2022 წელს საქართველოში უძრავი ქონების შესყიდვაში ლიდერები გახდნენ. ამის შესახებ Lenta.ru წერს BD-GROUP-ის ექსპერტებზე დაყრდნობით.
ექსპერტების შეფასებით, გასულ წელს საქართველოში უძრავი ქონების შეძენასთან დაკავშირებით რუსების მოთხოვნის წილი 86,32 %-ით განისაზღვრა. 2021 წელთან შედარებით, მაჩვენებელი 0,16%-ით არის გაზრდილი.
საქართველოში სახლის ყველაზე აქტიური მყიდველების სიაში მეორე ადგილს იკავებენ კლიენტებმა დსთ-ს ქვეყნებიდან 6,65% (-1,81% 2021 წელთან შედარებით). ამასთან, მათგან მოთხოვნის საერთო რაოდენობა გაორმაგდა წლის განმავლობაში, 177%-ით.
პირველ სამეულს ხურავენ მყიდველები აზიის ქვეყნებიდან, რომელთა მოთხოვნის წილი 2022 წელს 5,41 % იყო. 2021 წელს იგივე მაჩვენებელი 3,79%-ის დონეზე იყო. ექსპერტების თქმით, აზიის მაცხოვრებლების მხრიდან საქართველოში ბინის ყიდვისადმი ინტერესი მნიშვნელოვნად, წლის განმავლობაში 404%-ით, ანუ ხუთჯერ გაიზარდა.
სპეციალისტებმა აღნიშნეს, რომ 2022 წლის ბოლოს საქართველოში უძრავი ქონების შესყიდვაზე მოთხოვნა 2021 წელთან შედარებით 253,%-ით გაიზარდა. მათი აზრით, კლიენტები ამ ქვეყანას ირჩევენ კომფორტული კლიმატის, ბიზნესის დაწყების მარტივი სისტემისა და უცხოელებისთვის სამუშაოზე შეზღუდვების არარსებობის გამო. ყველაზე აქტიურ მყიდველებს შორის, რუსების გარდა, ექსპერტებმა გამოარჩიეს ბელარუსის, უკრაინის, ისრაელის, თურქეთისა და არაბთა გაერთიანებული საამიროების მოქალაქეები - ამ ქვეყნებში, მათი თქმით, საქართველო აქტიურად რეკლამირებულია, როგორც საინტერესო საინვესტიციო ბაზარი.
BD-GROUP-ის დამფუძნებელი დარია ბოროდინა ამბობს, რომ რუსები აქტიურად ყიდულობენ ბინებს ბათუმში. ძირითადი მოთხოვნა, ახალ შენობებზეა.
„უცხოელებსა და რუსებს შორის მთავარი განსხვავება ისაა, რომ ისინი ერთდროულად ყიდულობენ რამდენიმე და უფრო მაღალი დონის ობიექტს,“- აცხადებს ბოროდინა.
თებერვალში BD-GROUP-ის სპეციალისტები მივიდნენ დასკვნამდე, რომ თურქეთში მყოფიმა რუსეთის მოქალაქეებმა საქართველოში საცხოვრებლად გადასვლა დაიწყეს. მათი თქმით, 2022 წელს საქართველოში მყოფი რუსების მხრიდან საცხოვრებელზე მოთხოვნა 2021 წელთან შედარებით 4,5-ჯერ გაიზარდა.