საქართველოში სიგარეტების იმპორტი გაორმაგდა – შეამცირა თუ არა აქციზის გაზრდამ თამბაქოს რეალიზაცია?

საქართველოში სიგარეტების იმპორტი გაორმაგდა – შეამცირა თუ არა აქციზის გაზრდამ თამბაქოს რეალიზაცია?

person access_time2016-05-04 10:01:33

საქართველოში სიგარეტების იმპორტი  გაორმაგებულია. მაშინ, როდესაც ხელისუფლების მიზანი თამბაქოს მოხმარების შემცირებაა და ამ მიზნით ქვეყანა პროდუქციაზე გადასახადებს ზრდის, ხოლო იმპორტიორები გაყიდვების შემცირებაზე საუბრობენ, გაუგებარია, რამ გამოიწვია იმპორტის ზრდა.


საქართველოს სტატისტიკის ეროვნული სამსახურის ინფორმაციით, 2015 წლის პირველ კვარტალში ქვეყანაში დაახლოებით 11 მილიონი დოლარის ღირებულების სიგარეტი შემოვიდა, წელს კი იმავე პერიოდში ამ მაჩვენებელმა 20,5 მილიონი დოლარი შეადგინა.  

 

რამდენიმე კვირის წინ იმპორტიორებზე დაყრდნობით „კომერსანტი“ წერდა, რომ თამბაქოს გაყიდვები შემცირებულია. აქედან გამომდინარე, საინტერესოა, რამ განაპირობა ქვეყანაში იმ პროდუქციის შემოტანის ზრდა, რაზეც მოსახლეობის მოთხოვნა მცირდება?

 

სიგარეტის დისტრიბუტორ კომპანიებს ამ საკითხზე მკაფიო პასუხი არ აქვთ.

 

როგორც „კომერსანტთან“ საუბრისას „ჯეი თი აი კავკასიის“ კომუნიკაციების სპეციალისტი ივა ხასია აცხადებს, ბაზარზე რადიკალური ცვლილებები არც ზრდის და არც კლების მიმართულებით არ არის, ამიტომ მისთვის ოფიციალური სტატისტიკა გაუგებარია.

 

მისი თქმით, აქციზის განაკვეთის ზრდის შემდეგ ცვლილებები ნამდვილად მოხდა და მოსახლეობა დაბალფასიან სიგარეტზე გადავიდა.


 

„მაღალფასიანი სეგმენტებიდან დაბალ და საშუალოსეგმენტზე მოხდა გადმოსვლა. კონკურენტებზე მე ვერ გავაკეთებ კომენტარს, თუმცა, ბაზრის მოცულობის ცვლილება - მკვეთრი გაზრდის ან შემცირების მიმართულებით - არ გვაქვს. ერთადერთი რა ტენდენციაც არის, გაზრდილია უკანონო შემოტანის მცდელობები“,- აცხადებს ივა ხასია.

 

მისივე თქმით, თუ სტატისტიკა ამ მოცულობის ცვლილებას აჩვენებს, ამას ბაზარზეც  უნდა მოეხდინა გავლენა, თუმცა, ასე არ მომხდარა.

 

სიგარეტის დისტრიბუტორი კომპანიის „იმპერიალ ტობაკოს“ წარმომადგენელი კავკასიაში ირაკლი ნადარეიშვილი კი „კომერსანტთან“ ამბობს, რომ იმპორტისა და გაყიდვების მაჩვენებელი ერთმანეთთან პირდაპირ კორელაციაში არ არის, მით უმეტეს ისეთ მცირე პერიოდში, როგორიც 3 თვეა.

 

„წლის დასაწყისში კომპანიები აკეთებენ გარკვეულ მარაგებს და არ არის აუცილებელი, რომ იმ კონკრეტული თვეებისთვის იყოს განკუთვნილი ეს მარაგები, შესაძლებელია მთელი წლის განმავლობაში იყოს გადანაწილებული. შეგვიძლია ვივარაუდოთ, რომ პირველ კვარტალში მოხდა მარაგების დაგროვება, თუმცა, ეს უფრო მეტ პერიოდზეა გათვლილი, ვიდრე 3 თვე. იმპორტის მაღალი მაჩვენებელი არ ნიშნავს იმავე პერიოდში გაზრდილ გაყიდვებს. შესაძლოა, მეორე კვარტალში მარაგების ხარჯზე გვქონდეს 50%-ით ნაკლები იმპორტი, ვიდრე პირველ კვარტალში“,- აცხადებს ირაკლი ნადარეიშვილი.

 

მისივე თქმით, 2015 წლისთვის აქციზი გაიზარდა და კომპანიებმა 2014 წლის დეკემბერში მოიმარაგეს პროდუქცია, შესაბამისად, პირველ კვარტალში კლება ამას უკავშირდება.

 

„შეიძლება მკითხოთ, რომ წელსაც გაიზარდა აქციზი და ეს სწორი კითხვა იქნება, მაგრამ ამაზე მე ვერ მოგცემთ პასუხს, რადგან ყველა კომპანიას თავისი სტრატეგია აქვს, რომელიც მათი კომერციული ინფორმაციაა. რთულია, დაზუსტებით ამაზე საუბარი. ჩვენ საკმაოდ მცირე მოცულობა გვაქვს ბაზრის და ჩვენი ქცევა ბაზარზე ვერ განსაზღვრავს ცვლილებებს. ფაქტია, რომ ბაზარი მეტ-ნაკლებად სტაბილურია“,- აცხადებს ირაკლი ნადარეიშვილი.

 

„თამბაქოს კონტროლის ალიანსის“ ხელმძღვანელი გიორგი ბახტურიძე კი ამბობს, რომ რეალურად თამბაქოს მოხმარება მოსახლეობას არ შეუმცირებია და ამას ადასტურებს კვლევა, რომლის პრეზენტაციასასც ალიანსი მიმდინარე კვირაში გეგმავს.


„პირიქით, ტენდენცია არის მზარდი, განსაკუთრებით გოგონებში. გასულ წელს საერთაშორისო კომპანიებმა, ვისაც დიდი მარჟა ჰქონდა, ფასები შეინარჩუნეს, მიუხედავად იმისა, რომ მათ გადასახადი გაეზარდათ. 500%-იანი მოგების ნაცვლად 470%-იან მოგებაზე რომ გავლენ, ამას დიდი დანაკლისი არ ექნებოდა მათთვის“,- ამბობს გიორგი ბახტურიძე. 




აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...

თინა ტურძილაძე: „ჩვენი სისტემის პირობებში, სადაც არა გვაქვს ჯენერიკების სწორი სტრატეგია, ფასრეგულაციით დაწყება სწორი არ არის“

თინა ტურძილაძე: „ჩვენი სისტემის პირობებში, სადაც  არა გვაქვს ჯენერიკების სწორი სტრატეგია, ფასრეგულაციით დაწყება სწორი არ არის“
access_time2019-09-19 16:15:58
ჯანდაცვის კონსულტანტი თინა ტურძილაძე რამდენიმე დღის წინ, ჯანდაცვის მინისტრის, ეკატერინე ტიკარაძის განცხადებას ეხმაურება, რომლის მიხედვითაც შესაძლოა სახელმწიფომ მედიკამენტების ფასები ნაწილობრივ დარეგულიროს. როგორც ტურიძილაძე განმარტავს,მედიკამენტების ფასის რეგულირება ფასის შეკავების მექანიზმია, რომელიც როგორც წესი, ფარმაცევტული დანახარჯის შესამცირებლად და მედიკამენტებზე ხელმისაწვდომობის გასაზრდელად გამოიყენება. საერთაშორისო პრაქტიკამ აჩვენა, რომ დამოუკიდებლად ეს ინსტრუმენტი ეფექტური...

საქართველოდან ექსპორტი დსთ-ს ქვეყნებში 24 პროცენტით, ევროკავშირში კი, 25 პროცენტით გაიზარდა

საქართველოდან ექსპორტი დსთ-ს ქვეყნებში 24 პროცენტით, ევროკავშირში კი, 25 პროცენტით გაიზარდა
access_time2019-09-19 12:24:14
საქსტატის მონაცემებით, 2019 წლის იანვარ-აგვისტოში საქართველოდან ექსპორტი 2 411.6 მლნ. აშშ დოლარს შეადგენდა, რაც წინა წლის ანალოგიურ მაჩვენებელზე 12.4 პროცენტით მეტია.საქართველოდან დსთ-ის ქვეყნებში ექსპორტირებულია 1 274.0 მლნ. აშშ დოლარის საქონელი, რაც 24.2 პროცენტით აღემატება წინა წლის შესაბამის მაჩვენებელს და ქვეყნის მთლიანი ექსპორტის 52.8 პროცენტს შეადგენს. საქართველოდან ევროკავშირის ქვეყნებში განხორციელდა 571.1 მლნ. აშშ დოლარის ექსპორტი, რაც 25.3 პროცენტით მეტია წინა...

მაია ცქიტიშვილი-„გამოვხატავ ჩვენს პატივისცემას NDI და IRI მიმართ, თუმცა, მათი ქართველი პარტნიორები ყოველთვის სწორად არ ასახავენ რეალურ განწყობებს“

მაია ცქიტიშვილი-„გამოვხატავ ჩვენს პატივისცემას  NDI და  IRI  მიმართ, თუმცა,  მათი ქართველი პარტნიორები ყოველთვის სწორად არ ასახავენ  რეალურ განწყობებს“
access_time2019-09-19 12:15:40
„კიდევ ერთხელ გამოვხატავ ჩვენს პატივისცემას ისეთი ინსტიტუტების მიმართ როგორებიცაა NDI, IRI და სხვა ასეთი ტიპის ავტორიტეტული ინსტიტუციები. თუმცა, სამწუხაროდ, წლების განმავლობაში ჩვენ გვქონდა საშუალება გვენახა, რომ მათი ქართველი პარტნიორები, რომლებიც ამ კვლევებს ატარებენ ყოველთვის სწორად არ ასახავენ იმ რეალურ განწყობებს, რომელიც ადგილზეა“-განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია...


მსგავსი სიახლეები

up