საქართველოში სასტუმროებს ვარსკვლავებს UNION STAR-ი მიანიჭებს

საქართველოში სასტუმროებს ვარსკვლავებს UNION STAR-ი მიანიჭებს

access_time2018-10-30 11:56:49

საქართველოში მოქმედი სასტუმროების მფლობელებს შესაძლებლობა ექნებათ სურვილის შემთხვევაში ვარსკვლავის მინიჭების მოთხოვნით საერთაშორისოდ აკრედიტებულ ორგანიზაცია UNION STAR-ს მიმართონ. ამის შესახებ „ბიზნესპრესნიუსს“ ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ განუცხადა. მისივე განმარტებით, პროცედურის გავლა სავალდებულო არ გახდება და მხოლოდ სასტუმროს მენეჯმენტის გადაწყვეტილებაზე იქნება დამოკიდებული.


„ჩვენ გავხსნით გზას და დავეხმარებით სასტუმროებს, რომ ნებაყოფლობით რეჟიმში მიიღონ საერთაშირისო აკრედიტაციის მიერ აღიარებული ვარსკვლავი. ეს მათ საიმიჯოდ დაეხმარებათ. თუმცა ვეჭვობ, რომ ქვეყანამ მიიღოს რაიმე მკაცრი რეგულაცია ამ კუთხით და ეს პროცედურა სავალდებულო გახდეს. UNION STAR-ს ესაა კომპანია, რომელიც 30-მდე ქვეყანაში ანიჭებს ვარკვლავებს სასტუმროებს. ვარსკვლავების მინიჭება სხვადასხვა მოდელით ხდება“, - აცხადებს ჩოგოვაძე.


ტურიზმის ეროვნული ადმინისტრაციის ხელმძღვანელის განმარტებით, დაგეგმილია კერძო სექტორთან შეხვედრები და სწორედ ამის შემდეგ გამოიკვეთება, რამდენად დიდია სასტურმოების სურვილი, რომ აკრედიტირებული ორგანიზაციისგან მიიღონ სტანდარტების აღიარება. ჩოგოვაძის თქმით, ამ დროისთვის არც ის ღირებულებაა განსაზღვრული, რაც სასტუმროებს აღნიშნული პროცედურა დაუჯდებათ.


„UNION STAR წამყვანი ორგანიზაციაა, რომლის წარმომადგენლებიც საქართველოში ცოტა ხნის წინ იმყოფებოდნენ. გავეცანით მათ შემოთავაზებას და მუშაობის სპეციფიკას. თანამედროვე ტექნოლოგიების განვითარებამ ვარსკვლავების მინიჭების მიმართულებით დატვირთვა შეცვალა. როდესაც Booking.com-ზე ან TripAdvisor-ზე ნახულობს სასტუმროს მომხმარებელი, იქ მინიჭებული ვარსკვლავი ასახავს იმ შეფასებებს, რომელიც მათმა მომხმარებლებმა გააკეთეს. შესაბამისად, ვფიქრობ, მომავალში ეს საკითხი კიდევ უფრო გააქტიურდება და კონკრეტული ადამიანების შეფასებებზე იქნება დამოკიდებული ამა თუ იმ მომსახურების მიღების ავკარგიანობა“, - განაცხადა გიორგი ჩოგოვაძემ.



საქართველოში სასტუმროებისთვის ვარსკვლავების მინიჭების უკონტროლო და დაურეგულირებელ სისტემაზე გიდების ასოციაციის ხელმძღვანელი საუბრობდა. ქეთევან მელაძე აცხადებდა, რომ საქართველოში სასტუმროზე ვარსკვლავების მინიჭების საკითხი მწვავედ დგას, რადგან რეალურად ვარსკვლავების მიმნიჭებელი ორგანიზაცია ქვეყანას არ ჰყავს.


„კაცმა არ იცის, ვინ როგორ და რა სტანდარტებით ანიჭებს ამა თუ იმ სასტუმროს ვარსკვლავს და შემდეგ იცავს თუ არა ის ორგანიზაცია შესაბამის სტანდარტს. ამ კუთხით აუცილებელია გარკვეული რეგულირება, რომ მომხმარებელმა იცოდეს, სად ვინ და რა მომსახურებას სთავაზობს და რა მოლოდინი უნდა ჰქონდეს აღიარებული სტანდარტიდან გამომდინარე,“- აცხადებდა ჩვენთან საუბარში გიდების ასოციაციის ხელმძღვანელი.



BPN.GE 








ეს კაცი ნამდვილი ლურჯი მელაა, ფოკუსნიკია, მორიგი მტრედი გააძრო სახელოდან - სააკაშვილი ვალების განულების შესახებ ხელისუფლების ინიციატივას აფასებს

ეს კაცი ნამდვილი ლურჯი მელაა, ფოკუსნიკია, მორიგი მტრედი გააძრო სახელოდან - სააკაშვილი ვალების განულების შესახებ ხელისუფლების ინიციატივას აფასებს
access_time2018-11-19 19:52:54
საქართველოს მესამე პრეზიდენტი მთავრობის ვალების განულების ინიციტივას ეხმაურება. მიხეილ სააკაშვილი პრემიერის დღევანდელ განცხადებას, რომლის მიხედვითაც მოქალაქეებს რომლებსაც 2000 ლარზე ნაკლები ვალი აქვთ და ამის გამო შავ სიაში არიან ვალები გაუნულდებათ, ივანიშვილის მორიგ აფიორას უწოდებს.   მე მგონი სიტყვა ინიციატივა ძალიან უხერხულია ამ საოცრებასთან დაკავშირებით, რაც დღეს გააჟღერა ე.წ. პრემიერმა. ეს არის ჩვეულებრივი მორიგი აფიორა, ძალიან ბოროტი აფიორა, არ შეიძლება ჩვენს ხალხს,...

„სწრაფი და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“

„სწრაფი  და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“
access_time2018-11-19 19:00:08
„სწრაფი  და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“-  ასე აფასებს  მიკროსაფინანსო ორგანიზაცია „რიკო კრედიტის“ სამეთვალყურეო საბჭოს თავმჯდომარე ლაშა ნიკოლაიშვილი „კომერსანტთან“  მთავრობის მიერ გაჟღერებულ ინიციატივას, რომლის მიხედვითაც 600 ათასზე მეტ ადამიანს ვალი ჩამოეწერება.   ნიკოლაიშვილი განმარტავს, რომ ეს  გადაწყვეტილება ძირითადად, სწრაფი და...

დეტალები სესხების განულების პროგრამის შესახებ

დეტალები სესხების განულების პროგრამის შესახებ
access_time2018-11-19 20:00:00
“ბანკები და ფინანსები” ექსკლუზიურად გთავაზობთ ვალდებულებების განულების პროგრამის შესახებ დეტალებს.   რა არის ვალდებულების განულების პროგრამა?   ერთჯერადი პროგრამა, რომლის ფარგლებში საქველმოქმედო ფონდი „ქართუ“ბანკისაგან გამოისყიდის ფიზიკური პირების ვადაგადაცილებულ ვალდებულებებს წინასწარ განსაზღვრული კრიტერიუმებით;   სრულიად გაუნულდება თუ არა მომხმარებელს ვალების განულების პროგრამაში...

ფონდი „ქართუ“ 600 000 მოქალაქისთვის სასესხო დავალიანების ჩამოწერის საკითხზე კომენტარს აკეთებს

ფონდი „ქართუ“ 600 000 მოქალაქისთვის სასესხო დავალიანების ჩამოწერის საკითხზე კომენტარს აკეთებს
access_time2018-11-19 16:55:00
ფონდ „ქართუში“ 600 000 მოქალაქისთვის სასესხო დავალიანების ჩამოწერის საკითხზე კომენტარი გაკეთდა.   როგორც ფონდის გამგეობის თავმჯდომარე ნიკოლოზ ჩხეტიანი აცხადებს, „ქართუს“ დამფუძნებლის, ბიძინა ივანიშვილის გადაწყვეტილებით, ამ წლის ბიუჯეტში ფონდს უკვე დარეზერვებული აქვს 100 მილიონი ლარი.   მისი თქმით, აღნიშნულ საკითხთან დაკავშირებით, ფონდი „ქართუ“ აქტიურად მუშაობს ხელისუფლებასთამ.   „დღეს საქართველოს პრემიერ-მინისტრმა გამოაცხადა ძალზედ...

საბანკო ასოციაცია განმარტავს, ვის შეეხება საბანკო დავალიანების განულება

საბანკო ასოციაცია განმარტავს, ვის შეეხება საბანკო დავალიანების განულება
access_time2018-11-19 15:26:55
საქართველოში მოქმედ ბანკებსა და ფონდ „ქართუს“ შორის დასრულდა წინასწარი მოლაპარაკება ვადაგადაცილებული სასესხო პორტფელის ნაწილის გაყიდვასთან დაკავშირებით. ამის შესახებ საქართველოს საბანკო ასოციაცია განცხადებას ავრცელებს.   მათივე ინფორმაციით, პორტფელი ძირითადად იმ მცირემოცულობითი საკრედიტო ვალდებულებებისაგან შედგება, რომლებზეც ვადაგადაცილება წარმოიშვა 2018 წლის 1-ელ იანვრამდე და რომლებიც აკმაყოფილებენ ქვემოთ ჩამოთვლილ ყველა კრიტერიუმს:   2018 წლის 19...


მსგავსი სიახლეები

up