მთელი ქვეყნის მასშტაბით სხვა დაწესებულებების მსგავსად  მუშაობა  სასტუმროებმაც შეწყვიტეს. ნაწილმა საკუთარ პერსონალს მიმდინარე თვის ხელფასი აუნაზღაურა, თუმცა, პრობლემას გაჩერებული ბიზნესისთვის  შემდეგი თვე წარმოადგენს.

დახურული დაწესებულებებისა და უმუშევრად დარჩენილი მოსახლეობის მხარდასაჭერად,  საქართველოს კალათბურთელთა ნაკრების ყოფილმა წევრმა, NBA-ს ორი საჩემპიონო ბეჭდის მფლობელმა და ამჟამად საკალათბურთო კლუბი თბილისის დინამოს მფლობელმა, ზაზა ფაჩულიამ  ვიდეო მიმართვა გაავრცელა. სადაც ბიზნესის წარმომადგენლებს მოუწოდებს, რომ გაითვალისწინონ მათი თანამშრომლების მდგომარეობა, მაქსიმალურად შეუწყონ ხელი დაკავებული პოზიციების შენარჩუნებაში და დაეხმარონ მათ.

„ჩვენი დახმარების ერთ-ერთი მთავარი ობიექტი ის ადამიანები იქნებიან, ვინც მთავრობის დიდი მცდელობის მიუხედავად, სამუშაო ადგილებს დაკარგავენ“- ასე გამოეხმაურა შექმნილ მდგომარეობას ეკონომიკისა და მდგრადი განვითარების მინისტრის  ნათია თურნავა. მისი თქმით    მთავრობის ეკონომიკური გუნდი მუშაობს როგორც ბიზნესსექტორის, ისე უმუშევრად დარჩენლი მოქალაქეების დახმარების პროგრამაზე, რომელიც უახლოესს დღეებში საჯარო გახდება.

სახელმწიფოს დახმარების პროგრამა ორი მიმართულებით იმუშავებს: დახმარების ობიექტი ის ბიზნესები იქნება, რომლებიც ამ დახმარების შედეგად შეინარჩუნებენ სამუშაო ადგილებს და უმუშევრად დარჩენილი მოქალაქეები.

„კომერსანტი“ სასტუმროების მესაკუთრეებს დაუკავშირდა, რათა გაერკვია შეძლებენ თუ არ სექტორის წარმომადგენლები, თავიან თანამშრომლებს სამუშაო ადგილი შეუნარჩუნონ და  მიმდინარე და შემდგომი თვის ხელფასი სრულად აუნაზღაურონ. სასტუმრო ZP PALACE-ს დირექტორი მარინა კოდუა „კომერსანტთან“ აცხადებს, რომ მდგომარეობის დასტაბილურების შემდეგ მისი ყველა თანამშრომელი  დაკავებულ პოზიციებს დაუბრუნდება.

„როგორც კი სასტუმრო გაიხსნება, ყველა ჩემი თანამშრომელი დაკავებულ პოზიციაზე განაგრძობს მუშაობას. მესმის და ვითვალისწინებ საქართველოში შექმნილ მდგომარეობას, ისიც ვიცი, რომ ეს ადამიანები შემოსავლის გარეშე დარჩნენ, ამიტომ მარტის ხელფასი სრულად ჩვურიცხე მათ, ხოლო აპრილის ხელფასს თუ სრულად არა, ამ ეტაპზე  70% ავუნაზღაურებ, რათა  პირველადი ნივთებისა და საკვები პროდუქტების შეძენა შეძლონ, შემდეგ კი იმ თანხასაც ჩავურიცხავ, რაც დააკლდებათ. მე ვზრუნავ  ჩემს ყველა თანამშრომელზე, რადგან სწორედ მათი დამსახურებაა ჩემი სასტუროს წარმატება.“-ამბობს მარინა კოდუა.

„ამ ინდუსტრიაში ძირითადი სეგმენტი მცირე და საშუალო ბიზნესიაა . შესაბამისად ისინი დიდი ბიზნესისგან  ფინანსური რესურსით განსხვავდება, რის გამოც ვერ ახერხებენ თანამშრომლების გარკვეული პერიოდით შენახვას და შენარჩუნებას“-ასე ეხმაურება ზაზა ფაჩულიან განცხადებას ტურიზმის დეპარტამენტის ყოფილი უფროსი მაია სიდამონიძე.

„დარწმუნებული ვარ  არავის თვითმიზანი არ არის ადამიანები ამ პერიოდში უხელფასოდ დატოვოება . ხოლო ვისაც სახსრები აქვს და  მაინც იგივეს აკეთებს, რა თქმა უნდა, არღვევს თანამშრომლების ინტერესს. არიან ბიზნესის წარმომადგენლები, რომლებიც დაიხურნენ და  გაკოტრდნენ, ისინი ვერ იხდიან არა თუ ხელფასებს, არამედ გადასახადებსაც კი. ეს ძირითადად, მცირე და საშუალო სასტუმროებსა და ტურისტულ ორგანიზაციებს ეხება. თუმცა, არიან სასტუმროები, რომლებმაც თავიანთ თანამშრომლებს უშუამდგომლეს და დააწყებინეს მუშაობა, ზოგს ჰიპერმარკეტებში, ზოგს სხვა ისეთ დაწესებულებებში, რომლებიც ახლა დატვირთულად მუშაობს. ამიტომ, ის ადამიანები, რომლებიც საჯაროდ გამოდიან და კიცხავენ იმ ბიზნესს, რომელსაც მოუწიათ შექმნილი მდგომარეობის გამო თანამშრომლების გათავისუფლება. უმეტესი შემთხვევა არ არის მიზანმიმართული და არანაკლებ მტკივნეულია შენი დატრენინგებული თანამშრომელი რომ მიდის სხვა კომპანიაში, ეს განსაკუთრებით მტკივნეულია მცირე ბიზნესისთვის.“-ამბობ მაია სიდამონიძე.

შეგახსენებთ, ქვეყანაში  საგანგებო მდგომარეობა 21 მარტს გამოცხადდა და 21 აპრილამდე გაგრძელდება.  ქვეყანაში შეჩერებულია ყველა დაწესებულების მუშაობა, გარდა სასურსათო მაღაზიებისა აფთიაქებისა და საავადმყოფოების.

ნათია ლომიძე