საქართველოში რუსული ხორბლის იმპორტი მცირდება - იწყებს თუ არა ქვეყანა ბაზრების დივერსიფიცირებას

საქართველოში რუსული ხორბლის იმპორტი მცირდება - იწყებს თუ არა ქვეყანა ბაზრების დივერსიფიცირებას

access_time2021-10-14 21:00:00

საქართველოში ხორბლის იმპორტი მცირდება. 2020 წლის პირველ 8 თვეში ქვეყანამ 68.8 მლნ დოლარის ღირებულების 314 588 ტონა ხორბალი იყიდა, ხოლო 2021 წლის ანალოგიურ პერიოდში 58.6 მლნ დოლარის 250 033 ტონა.



აღსანიშნავია, რომ თუ 2020 წელს ხორბლის იმპორტი მხოლოდ რუსეთიდან განხორციელდა, წელს საიმპორტო ბაზრებს ყაზახეთი და აშშ დაემატა. მეტიც, წელს რუსეთიდან ხორბლის იმპორტი 90,9 ათასი ტონითაც კი შემცირდა. უფრო კონკრეტულად, 2020-ში რუსეთში 314 588 ტონა ხორბალი ვიყიდეთ, წელს 8 თვეში კი 223 677 ტონა. ყაზახეთიდან იმპორტმა 2 000 ტონა შეადგინა, აშშ-დან კი 24 355 ტონა.



საქართველოს ხორბლისა და ფქვილის მწარმოებელთა ასოციაციის თავმჯდომარე ლევან სილაგავა ,,ბიზნესპრესნიუსთან“ ამბობს, რომ მთავარი მიზეზი ფქვილის იმპორტის ზრდაა. ამასთან, მისი თქმით, საქართველო პირველ ნაბიჯებს დგამს, ჰეჯირების პრინციპით აშშ-ში ნაყიდი ხორბლის შემოტანაში და ამას რომ მასიური ხასიათი მიეცეს, აუცილებელია ბაზრის სტაბილურობა.



,,ხორბლის იმპორტის შემცირების მიზეზი, უმეტესად ფქვილის იმპორტის ზრდაა, რაც გასაგები მიზეზებით არის განპირობებული. რუსეთიდან ხორბლის ექსპორტზე მცურავი ბაჟია დაწესებული და ის მუდმივად იზრდება. მოსავლის აღებისას 25 დოლარი იყო, დღეს კი უკვე 59 დოლარს შეადგენს. ველოდებით მეტად ზრდას. მაშინ როცა ფქვილზე ბაჟი ნულოვანია, ამის გამო ფქვილის იმპორტი 500%-ით არის გაზრდილი.




ჩვენ აშშ-დან პერიოდულად შემოგვაქვს ხორბალი, რომელიც შემოდის ჰეჯირების პრინციპით, ანუ წინასწარი კონტრაქტებით. თუმცა, იქედან გამომდინარე, რომ აშშ-დან ტრანსპორტირებას დიდი დრო სჭირდება, დიდი რაოდენობით ყიდვა რთულია, რადგან ფასების განსაზღვრა ძნელდება. შემოგვაქვს იმისთვის, რომ სასურსათო უსაფრთხოებას წავეშველოთ. იმ შემთხვევაში, თუ პროგნოზირებადი გარემო იქნება ქვეყანაში, მათ შორის, ფქვილის ბაზარზე, მაშინ შეგვეძლება მეტი ხორბალი შემოვიდეს აშშ-დან. წინასწარი ფიუჩერსული კონტრაქტი ნიშნავს, რომ განსაზღვრო რა იქნება ფასი შენთან 1-2 თვეში და იქედან გამომდინარე გააკეთო შენაძენი. ამ მხრივ ვმუშაობთ და წლის მეორე ნახევარსა და მომავალ წელს იმედია, მეტს შემოვიტანთ. ეს არ არის დამოკიდებული მხოლოდ წისქვილ-კომბინატებზე. აქ ბანკები და გადაზღვევის მექანიზმები უნდა იყოს ჩართული. ამ მხრივ, ახლა ვდგამთ პირველ ნაბიჯებს.



რაც შეეხება ყაზახეთს, იქ საკმაოდ რთული პერიოდია და გაძვირების ტენდენცია აქვს, ისე როგორც უკრაინაში“, - განაცხადა სილაგავამ ,,ბიზნესპრესნიუსთან“.



რაც შეეხება ფქვილის იმპორტს, 2020 წელს, საქართველოში 7 494 ტონა ფქვილი შემოვიდა, ხოლო 2021 წლის იანვარ-აგვისტოში 12.421 ტონა. მთავარი იმპორტიორი აქაც რუსეთია, 3.4 მლნ აშშ დოლარის 12 ათასი ტონა ფქვილით. შემდეგია თურქეთი, საიდანაც 63.3 ათასი აშშ დოლარის 138 ტონა ფქვილი შემოვიდა. იტალიიდან 61.1 ათასი აშშ დოლარის 77.2 ტონა, ლიეტუვიდან 142.1 ათასი აშშ დოლარის 40 ტონა, ხოლო ავსტრიიდან 28.7 ათასი აშშ დოლარის 44.7 ტონა.



bpn.ge



თეგები:
ხორბალი



„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე

„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე
access_time2021-10-21 16:00:47
„ახალგაზრდა ფინანსისტთა და ბიზნესმენთა ასოციაციამ“ (აფბა) მიმართვა გაავრცელა და  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსგან და...

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...


მსგავსი სიახლეები

up