საქართველოში რეგისტრირებული ბიზნეს-სუბიექტებიდან აქტიური მხოლოდ 26,3%-ია - "ეს იმას ნიშნავს, რომ ბაზარზე არაჯანსაღი სიტუაციაა"

საქართველოში რეგისტრირებული ბიზნეს-სუბიექტებიდან აქტიური მხოლოდ 26,3%-ია - "ეს იმას ნიშნავს, რომ ბაზარზე არაჯანსაღი სიტუაციაა"

person access_time2017-05-27 10:00:16

სტატისტიკის ეროვნული სამსახურის მონაცემებით, 2017 წლის პირველი მარტის მონაცემებით, ქვეყანაში სულ რეგისტრირებულია 652 046  ბიზნეს-სუბიექტი, აქედან აქტიური მხოლოდ 171 532 ერთეული, დაახლოებით, 26,3%-ია. რაც იმას ნიშნავს, რომ საქართველოში 479 514 „მკვდარი" კომპანიაა.

 

საქსტატის ინფორმაციით, ყველაზე აქტიური ბიზნეს საქმიანობა ვაჭრობა, ავტომობილების, საყოფაცხოვრებო ნაწარმისა და პირადი მოხმარების საგნების რემონტია. ამ სექტორში სულ 130 488 ფირმაა დარეგისტრირებული, აქედან აქტიური მხოლოდ - 66 528-ია. მეორე ადგილზეა დამამუშავებელი მრეწველობა, სადაც 29 574 რეგისტრირებული ფირმიდან 13 028 მუშაობს. რეგისტრირებული ბიზნეს-სუბიექტების რაოდენობით, მესამე ადგილზეა უძრავი ქონების სააგენტოები. მათი რიცხვი 255 85-ს შეადგენს და მათგან მხოლოდ 13 849-ია აქტიური.

 

ეკონომიკის დოქტორის ვახტანგ ჭარაიას შეფასებით, მიზეზი იმისა,რომ დარეგისტრირებული ფირმების მხოლოდ მეოთხედია აქტიური, რამდენიმე ფაქტორით შეიძლება იყოს განპირობებული, მათ შორის, ის, რომ ხშირად კომპანიები წლის განმავლობაში რამდენიმე სხვა კომპანიას ხსნიან იმისთვის, რომ დღგ არ გადაიხადონ.

 

„რეგისტრირებული ფირმებიდან აქტიური დაახლოებით მეოთხედი რომ არის, იმაზე მიგვანიშნებს, რომ ბაზარზე არც ისე ჯანსაღი სიტუაციაა. მიზეზებზე ცალსახად საუბარი რთულია, მაგრამ რამდენიმე შეიძლება გამოიკვეთოს, მაგალითად, ხშირად კომპანიები წლის განმავლობაში რამდენიმე ახალ კომპანიებს იმისთვის არეგისტრირებენ, რომ დღგ-ს გადამხდელებად არ დაფიქსირდნენ. არის კიდევ სხვა მიზეზიც, რომ ფირმის დარეგისტრირება დღეს ძალიან გამარტივებულია როგორც პროცედურულად, ასევე თანხობრივადაც. შესაბამისად, ამის გაკეთება ყველას ხელეწიფება.


 

ასევე, მიზეზად ისიც შეიძლება დასახელდეს, რომ ზოგი კომპანიას არეგისტრირებს იმიტომ, რომ კომპანიის დირექტორად დაფიქსირდეს, თუმცა ასეთი შემთხვევები, არ მგონია ბევრი იყოს. არააქტიური ფირმების არსებობის ერთ-ერთ მთავარ მიზეზად შეიძლება გაკოტრების პროცედურების სირთულეც ჩაითვალოს. ეს ყველაფერი ბიზნესმენს ხელს უშლის, რომ ახალი ბიზნესი დაიწყოს. სამწუხაროდ, ყოფილა შემთხვევები, როცა სუპერმარკეტების ქსელი დახურულა, მაგრამ სხვა სახელით ახალი გახსნილა. ეს უკვე მაქინაციაა. მომავალში მსგავსი ფაქტები რომ თავიდან ავიცილოთ, გაკოტრების შესახებ კანონი დროულად უნდა შეიქმნას. ამაზე ხელისუფლება უკვე მუშაობს", - აღნიშნა ჭარაიამ.

 

მისივე თქმით, ჩვენი თვითმიზანი ახალი კომპანიების რაოდენობრივად გაზრდა არ უნდა იყოს. მთავარია, მათი სტრუქტურა. ამ მხრივ არანაირი სასიხარულო მაჩვენებელი და მონაცემი არ გაქვს. "შეიძლება რომელიმე სამინისტრო ან ორგანიზაციის წარმომადგენელი თავს იწონებდეს იმით, რომ შარშანდელთან შედარებით მეტი ფირმა დარეგისტრირდა და აქედან უფრო მეტი მოქმედებს, მაგრამ ეს აბსოლუტურად არ ნიშნავს იმას, რომ ჩვენი მოსახლეობის კეთილდღეობა გაიზარდა. ჩნდება კითხვა თუ ამდენი ფირმა გაიხსნა და მუშაობს, რატომ არის თბილისში უმუშევრობა 20%-ზე მეტი? ამდენი კომპანიის ფონზე უმუშევრობის მაჩვენებელი ასეთი დიდი არ უნდა იყოს", - აცხადებს ჭარაია.

 

მისივე შეფასებით, ის ფაქტი, რომ აქტიური ბიზნეს-სუბიექტებს შორის ყველაზე დიდი წილი ვაჭრობის სფეროზე მოდის, ზოგადად განვითარებადი ქვეყნებისთვის არის დამახასიათებელი. ჭარაია აცხადებს, რომ ჩვენნაირი ტიპის განვითარებად ქვეყნებში ფული მიემართება ისეთ დარგებში, რომლებიც სწრაფად ლიკვიდურია და თანხების სწრაფად ამოღება ხდება. განვითარებულ ქვეყნებში კი აქცენტი ეკონომიკის გრძელვადიან დაკრედიტებაზე კეთდება.

 

"გარდა ამისა, რომ გადავხედოთ საბანკო სექტორს, ბიზნეს სესხების დიდი ნაწილი მოკლე ვადებზეა გათვლილი, რადგან გრძელვადიანი სესხის აღების საპროცენტო განაკვეთი 20%-ზე მეტია. ასეთი პროცენტის გადახდა ახალდაწყებულ ბიზნესს ძალიან უჭირს. ამიტომაც სესხს იღებენ მოკლე ვადით, ვაჭრობის სფეროში აფუძნებენ კომპანიას, რომ თანხები სწრაფად ამოიღონ და ბანკის ვალი გაისტუმრონ. მოკლედ, სისტემაა არაჯანსაღი. არც მომხმარებელი და არც მიმწოდებელი ერთმანეთს არ აძლევენ იმის საშუალებას, რომ მთელი ეს სტრუქტურა გრძელვადიანი განვითარებისკენ იყოს მიმართული", - განმარტა ვახტანგ ჭარაიამ.

 

 




დღის Top 10 საინტერესო ამბავი

დღის Top 10 საინტერესო ამბავი
access_time2020-08-11 21:00:41
დღის Top 10 საინტერესო ამბავი: 1.Georgian Capital-ის წარუმატებელი პროექტი - „საქართველოს ჯანდაცვის ჯგუფი“ არა ლიკვიდურობის გამო ლონდონის საფონდო ბირჟიდან ჩაიხსნა „საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით,...

კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...

რუსი ტურისტების რაოდენობა თურქეთის კურორტებზე 32%-ით გაიზარდა

რუსი ტურისტების რაოდენობა თურქეთის კურორტებზე 32%-ით გაიზარდა
access_time2020-08-11 18:00:56
1 აგვისტოდან რუსეთმა თურქეთის მიმართულებით ავიაფრენები განაახლა და დღეისთვის მოთხოვნამ 2019 წლის ანალოგიური პერიოდს უკვე გადააჭარბა. Аэрофлот-ის ყველაზე მოთხოვნად რეისზე - „მოსკოვი-სტამბოლი“, მგზავრთა ნაკადმა 85%-ს მიაღწია. ავიაკომპანია S7-ში ამბობენ, რომ ბილეთების დაჯავშნა წინმსწრები ტემპებით მიმდინარეობს და სახეზეა გადადებული მოთხოვნის ეფექტი. Aviasales-ის მონაცემებით, 24 ივლისიდან, როდესაც ავიამიმოსვლის აღდგენის შესახებ...


მსგავსი სიახლეები

up