საქართველოში "სტარბაქსი" შემოდის - თბილისში ქარხანა აშენდება

საქართველოში "სტარბაქსი" შემოდის - თბილისში ქარხანა აშენდება

access_time2017-03-25 12:19:35

მსოფლიოს ყავის ბაზრის ლიდერი ამერიკული კომპანია „სტარბაქსი" საქართველოში შემოდის. თანაც საუბარია არა ყავის იმპორტზე, არამედ ქარხნის აშენებაზე. ეს „სტარბაქსისთვის" რეგიონალური პროექტია, რომლის ცენტრი საქართველო გახდება. პროექტის შესახებ დეტალები ცნობილი არ არის, თუმცა დამტკიცებულია განაშენიანების რეგულირების გეგმა და გადაწყვეტილია, რომ ქარხანა თბილისში, კახეთის გზატკეცილზე, ეროვნული ბანკის საკასო ცენტრის უკან მდებარე ტერიტორიაზე გაკეთდება. აღნიშნულ ინფორმაციას "ფორტუნა" ავრცელებს. "კომერსანტი" "სტარბაქსის" საქართველოს ბაზარზე შემოსვლასთან დაკავშირებით ინფორმაციას გაარკვევს და დეტალებს მოგვიანებით შემოგთავაზებთ.

 


საინტერესოა, რომ საინვესტიციო ვალდებულებაში ქარხნის ტერიტორიაზე მუზეუმის გაკეთებაც იგეგმება. მსგავსი რამ მთელ მსოფლიოში მიღებული პრაქტიკაა.

 


ინვესტორის მხრიდან ქარხნის პროექტი ჯერ წარმოდგენილი არ არის და მშნებლობის ვადებზე საუბარიც ნაადრევია.

 

გალერეა თბილისში Starbucks-ის შემოსვლასთან დაკავშირებით კომუნიკაცია იყო, თუმცა, მათი შემოსვლის შესახებ ამ ეტაპზე ინფორმაციას ვერ დაგიდასტურებთ,- ამის შესახებ "საქმის კურსს" გალერეა თბილისის დირექტორმა ნიკა ცინცაძემ განუცხადა.

 

მისი თქმით, ამჟამად ბრენდთან ხელშეკრულება გაფორმებული არ არის, ამიტომ წინასწარ ინფორმაციის დადასტურება შეუძლებელია.


 

შეგახსენებთ, რომ რამდენიმე თვის წინ, MyRest.Ge - სთან საუბარში, კომპანიაში აცხადებდნენ, რომ "სტარბაქსის" ქართულ ბაზარზე შემოსვლა განიხილებოდა:

 

„პირველ რიგში, დიდი მადლობა მინდა გითხრათ ჩვენი კომპანიით დაინტერესების გამო. გიდასტურებთ, რომ თბილისის ტურისტული პოტენციალი საკმაოდ მზარდია. ჩვენი კომპანია აქტიურად ზრუნავს პროდუქციის ხარისხის გაუმჯობესებასა და გაფართოებაზე. ვიცით, საქართველოს ბაზარზე შემოსვლა ჩვენი კომპანიისთვის გაყიდვებისა და მომხმარებლების რაოდენობის ზრდის კარგი საშუალება იქნება, ამიტომ „სტარბაქსში" ამ საკითხს შესაბამისი გუნდი განიხილავს. ვფიქრობ, კომპანიის თბილისის ბაზარზე შემოსვლა იდეალური იქნება. აქვე მინდა გითხრათ, რომ საქართველოში ჩვენს პოტენციურ მომხმარებლებს საშუალება აქვთ ჩვენს საიტზე Mystarbucksidea.force.com გაგვიზიაროთ იდეები და ამით შექმნათ „სტარბაქსის" მომავალი. ამ საიტზე შემოსული ბევრი იდეა, უკვე ქმედებადაა ქცეული" , - აცხადებდნენ კომპანიაში.

 

Starbucks Corporation-ის სათაო ოფისი აშშ-ში, სიეტლში მდებარეობს. 1971 წელს ინგლისურის მასწავლებელმა ჯერი ბოლდუინმა, ისტორიის მასწავლებელმა ზევ ზიგალმა და მწერალმა გორდონ ბოუკერმა გადაწყვიტეს მარცვლის ყავის გაყიდვისთვის მიეყოთ ხელი და სიეტლში მაღაზია გახსნეს.


დღეისათვის „სტარბაქსი" მსოფლიოში ყველაზე დიდი ყავახანების ქსელია. ის სხვადასხვა სახეობის ყავას აწარმოებს. ამჟამად მსოფლიოს სხვადასხვა წერტილში „სტარბაქსი" 24 ათას სავაჭრო წერტილს აერთიანებს.

 

საინტერესო ფაქტი: შესასვლელი კარი „სტარბაქსის" ყველა დაწესებულებაში ან აღმოსავლეთს უყურებს ან სამხრეთს, მაგრამ არასოდეს ჩრდილოეთის მხარეს. ეს იმისთვის გაკეთდა, რომ ყველა მომხმარებელი დღის შუქით დატკბეს, ოღონდ ამავე დროს მზე პირდაპირ სახეში არ ანათებდეს.

 

"ფორტუნა"

 




ხვალიდან, ქართული არხები შესაძლოა, ფასიანი გახდეს

ხვალიდან, ქართული არხები შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up