საქართველოში მსხვილი ამერიკული IT კომპანია EPAM შემოვიდა. როგორც ეკონომიკისა და მდგრადი განვითარების მინისტრმა ნათა თურნავამ მთავრობის სხდომის დასრულების შემდეგ განაცხადა, ეს არის IT კომპანიებისთვის მთავრობის შეღავათიანი დამეგვრის რეჟიმზე მიღებული გადაწყვეტილების პირველი შედეგი.
როგორც თურნავა აცხადებს, კომპანია EPAM მსოფლიოს 30-ზე მეტ ქვეყანაში საქმიანობს და 35 000-ზე მეტ ადამიანს ასაქმებს.
მინისტრის განცხადებით, კომპანიამ გადაწყვეტილება მიიღო ოფისი საქართველოში გახსნას, მსხვილი ამერიკული IT კომპანია საქართველოში თავისი ბიზნესის რელოკაციას ახდენს და 400-ზე მეტ ადამიანს დაასაქმებს.
8 ოქტომბერს მთავრობის მიერ მიღებული გადაწყვეტილებით IT და საზღვაო კომპანიებს საერთაშორისო სტატუსი მიენიჭებათ და ისინი საგადასახადო შეღავათებით ისარგებლებენ.
მიღებული გადაწყვეტილებით ამ ტიპის კომპანიებს საშემოსავლო და მოგების გადასახადები 5%-მდე შეუმცირდებათ.
Business-partner.ge