საქართველოში მოსახლეობის 45 პროცენტი თანხას ნაღდი ფულის სახით ზოგავს

საქართველოში მოსახლეობის 45 პროცენტი თანხას ნაღდი ფულის სახით ზოგავს

person access_time2016-04-22 18:30:02

საქართველოში მოსახლეობის 45 პროცენტი თანხას ნაღდი ფულის სახით ზოგავს. ასეთი შედეგები „თიბისი ბანკის" ინიციატივით ჩატარებულმა, ფინანსური განათლების კვლევებმა აჩვენა, რომელიც კვლევითი ორგანიზაციების TNS და ISET-ის მხარდაჭერით განხორციელდა.


ამავე კვლევის მიხედვით, საქართველოში მოსახლეობის 52 პროცენტს დაბალი ფინანსური განათლება აქვს, საშუალო -42 პროცენტს, ხოლო, მხოლოდ 6-მა პროცენტმა დაიმსახურა მაღალი შეფასება.


შედეგების მიხედვით, გამოკითხულთა 45 პროცენტი თანხას ნაღდი ფულის სახით ზოგავს, 79 პროცენტი არ ზრუნავს თავის სიბერეზე და ასე შემდეგ. გარდა ამისა, თბილისის გარდა სხვა ქალაქებში 14 პროცენტით მეტია სწორი პასუხების რაოდენობა სარგებელთან დაკავშირებულ შეკითხვაზე. ამავე კვლევის მიხედვით გამოიკვეთა, რომ ქალები უფრო სენსიტიურები არიან ფინანსების კონტროლის მიმართ, ვიდრე მამაკაცები.


კვლევის შედეგების მიხედვით, მაღალშემოსავლიან სეგმენტში (2000-3000 ლარი) 29 პროცენტით მაღალია ბანკების მიმართ ნდობა, ვიდრე დაბალ შემოსავლიანში (0-500 ლარი). მოსახლეობას ყველაზე მეტად კი სწორი პასუხის გაცემა ინფლაციასთან დაკავშირებულ შეკითხვაზე გაუმარტივდა.



კვლევის 4 ძირითადი საკითხი მოიცავდა შეკითხვებს შემდეგ თემებზე: ინფლაცია, რისკების დივერსიფიკაცია, რთული პროცენტი, სარგებელი, რომელიც ფორმულირებული იყო მარტივი ამოცანების სახით.


„კვლევის დროს ავიღეთ 8 პარამეტრი და გამოვიკვლიეთ ხალხის ცოდნა. შესაბამისად, გამოვიყვანეთ ინდექსი. საგანგაშო შედეგები არ არის. მე უფრო ამას საშუალო შედეგად შევაფასებდი. საინტერესო მაჩვენებელია ასაკობრივ ჯგუფებში, ლოგიკური, თუმცა მეორეს მხრივ, მნიშვნელოვანი. უფრო პატარა ასაკის მოსახლეობა უფრო ნაკლებად არის გათვითცნობიერებული, ვიდრე ზრდასრული. ასევე დასაფიქრებელი შედეგია დაზოგვის კოეფიციენტზე. ვინც დაზოგა, იმ ადამიანების 45 პროცენტს ნაღდი ფულით აქვს დაზოგილი, ანუ პრობლემაა ის, რომ ხალხი ცოტას ზოგავს და ვინც ზოგავს, არ ფიქრობს იმაზე, რომ ინფლაცია „უჭამს“ ამ დანაზოგს და ის ბანკში უნდა შეიტანოს."-აცხადებს „თიბისი ბანკის" გენერალური დირექტორის მოადგილე ნიკა ქურდიანი.


კვლევის მიზანს წარმოადგენდა იმის დადგენა, თუ რამდენად გათვითცნობიერებულია საზოგადოება ფინანსურ საკითხებში, როგორია მათი დამოკიდებულება პირადი ხარჯების მიმართ და რამდენად ენდობიან ისინი ბანკებსა და სხვა ფინანსურ ინსტიტუტებს.


როგორც კვლევის პრეზენტაციაზე დღეს „თიბისი ბანკში" განაცხადეს, კვლევაში სულ 100-მა რესპონდენტმა მიიღო მონაწილეობა, საქართველოს 7 დიდ ქალაქში (თბილისი, ბათუმი, ქუთაისი, ზუგდიდი, ფოთი, გორი, რუსთავი). მოსახლეობა მათი ბუნებრივი გადანაწილების პროპორციის დაცვით გამოიკითხა. ინტერვიუების ჩატარება TNS-მა უზრუნველყო. კითხვარი ეკონომიკის საერთაშორისო სკოლის, ISET-ის სპეციალისტების მიერ აზიის განვითარების ბანკის (ADB) და ეკონომიკური თანამშრომლობისა და განვითარების ორგანიზაციის (OECD) მსოფლიო პრაქტიკაზე დაყრდნობით მომზადდა.


როგორც „თიბისი ბანკში" აცხადებენ, აღნიშნული კვლევის შედეგები „თიბისი ბანკს" ფინანსური განათლების შესახებ სამომავლო სტრატეგიის შემუშავებაში დაეხმარება. მონაცემების გათვალისწინებით, ბანკი შეეცდება საკუთარ პროექტებში მეტი აქცენტი გააკეთოს იმ თემებზე, რაც საზოგადოებაში ფინანსური განათლების ხარისხის გაუმჯობესებას შეუწყობს ხელს.


 



Die Welt: ამერიკა - პანდემიის მესამე ტალღის მოლოდინში

Die Welt: ამერიკა - პანდემიის მესამე ტალღის მოლოდინში
access_time2020-11-23 20:00:47
კორონაკრიზისი შტატებში ყოველდღიურად სულ უფრო და უფრო მწვავდება, თუმცა, პრეზიდენტი ტრამპი ტვიტერში კომენტარების წერით და გოლფის თამაშითაა დაკავებული. დემოკრატები სიტუაციის შემდგომი გამწვავების თავიდან არიდებას ცდილობენ, მაგრამ თეთრი სახლი ამ მცდელობების ბლოკირებას ახდენს.   ამერიკის ექთნების პროფკავშირის თავჯდომარე მერი ტერნერი შტატ მინესოტას ერთ-ერთ კლინიკაში მუშაობს და ეპიდემიოლოგიური ვითარებას თვალს ფრონტის წინა ხაზიდან ადევნებს.   ამ დღეებში...

Bloomberg: 2021 წელს ნავთობგადამუშავების მსოფლიო ლიდერი ჩინეთი გახდება

Bloomberg: 2021 წელს ნავთობგადამუშავების მსოფლიო ლიდერი ჩინეთი გახდება
access_time2020-11-23 18:00:49
მე-19 საუკუნის ბოლოდან დღემდე მსოფლიო ლიდერი ნავთობგადამუშავების დარგში აშშ იყო - პირველად, ასწლეულების მანძილზე ეს რეალობა იცვლება და პირველ ადგილზე ჩინეთი გადის. სავარაუდოდ, ეს უკვე 2021 წელს მოხვდება. საერთაშორისო ენერგეტიკული სააგენტოს ინფორმაციით, პეკინი ნავთობგადამამუშავებელ სიმძლავრეებს აქტიურად ზრდის და ამ ბაზარზე ლიდერობისთვის ემზადება. კერძოდ, ჩინეთში 4 ნავთობგადამამუშავებელი ქარხანა შენდება, მაშინ, როდესაც შტატებში პირიქით, იხურება -...

ნათია მეზვრიშვილმა თანამდებობა დატოვა

ნათია მეზვრიშვილმა თანამდებობა დატოვა
access_time2020-11-23 15:44:28
მთავრობის ადმინისტრაციის უფროსი ნათია მეზვრიშვილი თანამდებობას ტოვებს. ამის შესახებ ნათია მეზვრიშვილი სოციალურ ქსელში წერს.    "13-წლიანი უკიდურესად საინტერესო და გამოწვევებით სავსე საქმიანობის შემდეგ, დღეს დავტოვე საჯარო სამსახური. მინდა მადლობა გადავუხადო თითოეულ საჯარო მოხელეს, რომლებთან ერთადაც ბევრი წელი გავატარე. მადლობა ყველას - მთავრობაში, პარლამენტში, პოლიტიკაში თუ პოლიტიკის მიღმა, საერთაშორისო პარტნიორებს, არასამთავრობო ორგანიზაციებს, ჟურნალისტებს და...

კარანტინის შემდეგ, კომპანიების 25%-მა საქმიანობა ვერ აღადგინა

კარანტინის შემდეგ, კომპანიების 25%-მა საქმიანობა ვერ აღადგინა
access_time2020-11-23 16:00:45
კარანტინის შემდეგ, კომპანიების 25%-მა ვერ განაახლა საქმიანობა, - ასეთია ინვესტორთა საბჭოს და EBRD-ს მიერ მომზადებული კვლევის შედეგები. მათგან 51%-მა დახურული საზღვრები საქმიანობის განახლების ძირითად შემაფერხებელ მიზეზად დაასახელა. ეს პრობლემა ყველაზე მნიშვნელოვანი სირთულეა არა მხოლოდ ტურიზმთან დაკავშირებული, არამედ თითქმის ყველა სხვა სექტორისთვისაც. შემდეგი ორი მნიშვნელოვანი შეფერხება ეხებოდა მოთხოვნის შემცირებას (20%) და რეგულაციებს (10%).  საქმიანობის განახლების ყველაზე დაბალი...

კომერციული ბანკების მოგება 101,548 მლნ ლარით გაიზარდა

კომერციული ბანკების მოგება 101,548  მლნ ლარით გაიზარდა
access_time2020-11-23 13:00:56
კომერციულმა ბანკებმა 2020 წლის ოქტომბერი 166,189 მლნ ლარის წმინდა მოგებით დაასრულეს.   ეს კი წინა თვესთან შედარებით, 101,548 მლნ ლარით მეტია. სექტემბერში ბანკების წმინდა მოგება 64,641 მლნ ლარს შეადგენდა.   ეროვნული ბანკის ვებ-გვერდზე გამოქვეყნებული სტატისტიკის მიხედვით, 2020 წლის ოქტომბერში კომერციული ბანკების მიერ ჯარიმა/საურავებიდან მიღებულმა შემოსავალმა 5,516 მლნ ლარი; საკონვერსიო ოპერაციებიდან მიღებულმა წმინდა მოგება/ზარალმა -3,257 მლნ ლარი...


მსგავსი სიახლეები

up