2020 წლის აპრილ-ივნისში, საქართველოში მომხმარებელთა 7,88% დაექვემდებარა ფიშინგურ შეტევებს, - მაჩვენებელი შემცირებულია თუ გავითვალისიწნებთ, რომ 2019 წლის ანალოგიურ პერიოდში 13,87% დაექვემდებარა ფიშინგურ შეტევას.

რაც შეეხება რეგიონალურ ჭრილში სომხეთში მომხმარებელთა 6,5% დაექვემდებარა ფიშინგურ შეტევას, აზერბაიჯანში - 6,35%.  2019 წლის მეორე კვარტალში კი სომხეთში მომხმარებელთა 8,73%, აზერბაიჯანში  ̶ 8,39%.

„კასპერსკის ლაბორატორიის“  მონაცემებით, მსოფლიოში ყველაზე მეტად  აპრილ-ივნისშიფიშერები თავს დაესხნენ ვენესუელელ მომხმარებლებს, ამ მაჩვენებლმა - 17,56%  შეადგინა, 2019 წელს „ლიდერი“ 26,20%-ით საბერძნეთი  იყო.

2020 წლის მეორე კვარტალში კომპანიის  „ანტიფიშინგურმა“  პროდუქტებმა ხელი შეუშალეს  მომხმარებლების  თაღლითურ საიტებზე გადასვლის 106 337 531 მცდელობას, მაშინ როცა ეს მაჩვენებელი გასული წლის ანალოგიურ პერიოდში შეადგენდა 130 მილიონს.

ამ წლის აპრილ-ივნისში  ფიშერებმა განსაკუთრებით აქტიურად გამოიყენეს COVID-19-ის  პანდემიის თემა. მაგალითად, ორგანიზაციები, რომლებიც პასუხისმგებელნი არიან წერილებისა და ამანათების  მიწოდებაზე, მიმღებს აცნობებდნენ შესაძლო შეფერხებებისა და გზავნილების თავმოყრის შესახებ.

სწორედ ასეთი წერილების გაყალბება დაიწყეს კიბერდამნაშავეებმა:  მსხვერპლს სთხოვდნენ  გაეხსნათ დანართი, რათა გაერკვიათ საწყობის მისამართი, სადაც შესაძლებელი იქნებოდა მისი დანიშნულების ადგილამდე ვერმოღწეული  გზავნილის მიღება.  გარდა ამისა, აქტიურად გამოიყენებოდა პანდემიასთან დაკავშირებული კომპენსაციისა და დახმარების თემებიც.

როგორც ექსპერტები მოუწოდებენ მომხმარებლებს არ უპასუხონ საეჭვო შეთავაზებებს  და არ გადავიდნენ ყალბ ბმულებზე  ელექტრონულ ფოსტაში, სოციალურ ქსელებში, მყისიერ მესინჯერებსა და საიტებზე. არ მიაწოდონ აკაუნტის მონაცემები უცნობ პირებს. აუცილებელია გათვალისწინებული იქნას, რომ ფიშინგურ  საიტებზე გადასვლას  ხელს უშლის ანტივირუსზე ჩართული „ანტიფიშინგური“ სისტემა.

GBC.GE