დღეს საფონდი ბირჟები ძალიან მნიშვნელოვან როლს ასრულებენ მსოფლიო ეკონომიკაში - არაერთი ქვეყნის კეთილდღეობა დამოკიდებულია ბირჟაზე შექმნილ სიტუაციაზე, ასევე ბირჟებთანაა დაკავშირებული ეკონომიკური ზრდაც.

საქართველო საფონდო ბირჟის  ქუთაისის პარლამენტში მოწყობის ინიციატივით პოლიტიკური გაერთიანება „ლელო საქართველოსთვის“ ლიდერი მამუკა ხაზარაძე გამოვიდა. მისი თქმით, მოლაპარაკებები საფონდო ბირჟებთან უკვე დაწყებული აქვთ.

ხაზარაძის ინიციატივას „კომერსანტთან“ კაპიტალი ბაზრის ექსპერტი ვახტანგ ხომიზურაშვილი აფასებს და აცხადებს,რომ პირველ რიგში ფასიანი ქაღალდების რეგულირების ორგანო, უნდა დავიხსნათ ეროვნული ბანკის კლანჭებიდან, რადგან მარეგულირებელი ამ შემთხვევაში უმოქმედოა.

„საფონდო ბაზარი საბანკო სისტემის პირდაპირი კონკურენტია, სანამ არ იქნება რეფორმა გატარებული, რაც  სტიმულირებას მისცემს ქართულ კომპანიებს,  რომ გამოუშვან ფასიანი ქაღალდები, საფონდო  ბირჟა  თუნდაც  ქუთაისის პარლამდენტის შენობაში გახსნან,  ან  თბილისის პარლამენტი დაუთმონ აზრი არ აქვს.“-ამბობს ვახტანგ ხომიზურაშვილი.

ხომიზურაშვილის თქმით, აუცილებელია შეიქმნას  წინა პირობები,რაც  ხელს შეუწყობს ფასიანი ქაღალდების გამოშვებას მანამდე კი ქვეყანაში ეს მიმართულება  მკვდარია.

„ჩვენთან  ფასიანი ქაღალდების ბაზარი  არ არსებობს. ქვეყანაში სულ ოთხი საბროკერო კოპანიაა და ისიც ბანკების დაქვემდებარებაში.  არ გვაქვს  სავაჭრო ინსტრუმენტი ფასიანი ქაღალდების სახით, არც ოპერატორები გვყავს საკამრისი ოდენობის.  ამ დროს კი ტერიტორიულად სად იქნება საფონდო ბირჟა გადამწყვეტი მნიშვნელობა არ აქვს, თან როდესაც საფონდო ბირჟაზე მიმდინარეობს ელექტრონული საშუალებებით.“-აცხადებს ხომიზურაშვილი და იმასაც უსვამს ხაზს, რომ თუ ბაზარზე ფასიანი ქაღალდები გამოჩნდება, საბროკერო კომპანიების რაოდენობაც გაიზრდება.

ექსპერტი აღნიშნავს, რომ უცხოური კომპანიების, ბულგარეთის რუმინეთის ან პოლონეთის,  მიერ გამოშვებული ფასიანი ქაღალდების ქართულ  ბირჟაზე მოხვედრის სტანდარტები, ნიუ-იორკის, ინგლისისა და ფრანკფურტის  ბირჟებისგან განსხვავებით, დაბალი იქნება.  „ჩვენ შეიძლება დაბალი სტანდარტები დავუშვათ, მაგრამ გასაანალიზებელია, რამდენად პერსპექტიული იქნება.  უცხოური კომპანიების მოხვედრა ქართულ  საფონდო ბირჟაზე ჩვენი ეკონომიკისთვის შეღავათი არ იქნება,  შესაბამისად,  მნიშვნელოვანია,  ლოკალური საინვესტიციო ბაზარის ამუშავება“-აცხადებს ხაზარაძე. 

 შეგახსენებთ, რომ მამუკა ხაზარაძე ამ ინიციატივაზე ერთ-ერთი საჯარო გამოსვლის დროს ისაუბრა, როგორც მან აღნიშნა  ქუთაისი უნდა გავხადოთ რეგიონის ფინანსური ცენტრი. ჩვენი გათვლებით და იმ ანალოგებით, რომლის მსგავსი მოხდა სხვა ქვეყნებში, ვფიქრობთ, რომ რამდენიმე წელიწადში კაპიტალბრუნვა ამ ბირჟაზე იქნება 4 მილიარდი დოლარის ოდენობის. ეს ნიშნავს იმას, რომ ეს არის დაახლოებით 10 - 20 პროცენტამდე მომავალი ბიუჯეტის, რომელსაც ჩვენ შევქმნით. ეს იქნება ადგილი, სადაც მთელი რეგიონის, არამარტო კავკასიის, ცენტრალური აზია, თურქეთის, ბულგარეთის კომპანიების აქციების კვოტირება მოხდება. არ ვსაუბრობ იმ სიკეთზე, რომელსაც ეს მოუტანს იმერეთს, ქუთაისს და იმ სამუშაო ადგილებზე, რომელიც შეიქმნება.“

ნათია ლომიძე