“საქართველოში Huawei-ს ფასებზე აშშ-ს სანქციები ჯერჯერობით არ ასახულა, მაგრამ  მომხმარებელი პანიკაშია“ – Huawei-ს ოფიციალური წარმომადგენელი საქართველოში

“საქართველოში Huawei-ს ფასებზე აშშ-ს სანქციები ჯერჯერობით არ ასახულა, მაგრამ მომხმარებელი პანიკაშია“ – Huawei-ს ოფიციალური წარმომადგენელი საქართველოში

access_time2019-05-29 10:00:39

დაახლოებით ორი კვირის წინ აშშ-ს პრეზიდენტმა დონალდ ტრამპმა ქვეყანაში საგანგებო მდგომარეობა შემოიღო, რომლის ფარგლებშიც ამერიკულ კომპანიებს შტატების უსაფრთხოებისთვის რისკის შემცველი სატელეკომუნიკაციო აღჭურვილობის გამოყენება აეკრძალათ. პირველ რიგში ეს ჩინურ ტექნოლოგიურ გიგანტს Huawei-ს შეეხო. 


როგორც კი აშშ-ს მთავრობამ  Huawei „შავ სიაში“ შეიყვანა, Google-მა განაცხადა, რომ  ჩინური კორპორაციას წვდომას უკეტავს Android-თან, და ასევე წყვეტს კომპანიისთვის სააპარატო და პროგრამული უზრუნველყოფის მიწოდებას .


მართალია, ტრამპის გადაწყვეტილებით ჩინური გიგანტის წინააღმდეგ სანქციების შემოღება 90 დღით, 19 აგვისტომდე გადაავადა, თუმცა Huawei-ის  ირგვლივ მსოფლიო ბაზარზე პანიკა უკვე დაწყებულია. მსოფლიო მედია წერს, რომ Huawei-ის პროდუქციის ფასები ეცემა ევროპაში. რუსული პრესის ინფორმაციით კი, მოსკოვში სმარტფონები 20 000 რუბლით იაფი ღირს, ზოგიერთ მაღაზიებში კი სმარტფონის ყიდვის შემთხვევაში გათვალისწინებულია ფასდაკლება პლანშეტებზე  და ა.შ.


როგორ აისახება მსოფლიო  დაპირისპირება ქართულ ბაზარზე ამ საკითხის გარკვევა „კომესანტმა“  საქართველოში Huawei-ს ოფიციალურ  წარმომადგენელთან სცადა. 


 „ რაღაც კონკრეტულ მოდელზე შეიძლება ფასი შემცირდეს,  მაგრამ ეს არ გამოდის იქიდან, რომ რაღაცა სანქცია დაადო აშშ-მ Huawei-ს  - ასე პასუხობს Huawei-ს ოფიციალური წარმომადგენელი საქართველოში თორნიკე ბარამიძე ქართულ ბაზარზე სმარტფონების გაყიდვების გაიაფებასთან დაკავშირებით დასმულ კითხვას. 


მისი თქმით, ამ ეტაპზე საქართველოში არც სმარტფონის გაყიდვები შემცირებულა, თუმცა მსოფლიოში შექმნილი პანიკის გამო, რაც ძირითადად ყალბი ნიუსების სახით ვრცელდება, შეიძლება მომავალში პრობლემები შეიქმნას.


  „აღსანიშნავია, რომ  მედიასაშუალებებში გავრცელებული ინფორმაციის ძირითადი ნაწილი სიმართლეს არ შეესაბამება. თუ ეს ტენდენცია გაგრძელდება,  მომავალში შეიძლება აისახოს როგორც ბრენდის სახელზე, ასევე ქვეყნის მასშტაბით გაყიდვებზეც , რადგან  მომხმარებელში პანიკაა და შეიძლება შეეშინდეთ გადაწყვეტილების მიღების,“ - ამბობს ბარამიძე.  


Huawei-ს ოფიციალური წარმომადგენელი ირწმუნება, რომ იმ სმარტფონებს, რაც უკვე წარმოდგენილია ბაზარზე, არანაირი პრობლემა არ შეექმნება, რადგან მასში უკვე თანხაა გადახდილი და, შესაბამისად, კონტრაქტის პირობები ვერ დაირღვევა. 


რაც შეეხება ახალი პარტიის ჩამოტანას საქართველოში, ბარამიძის თქმით, ეს პროცესი შეჩერებულია და გადაწყვეტილებას მას შემდეგ მიიღებენ, როცა აშშ-ს და  Huawei-ს წარმომადგენლების მხრიდან მორიგი განცხადებები გაკეთდება. 


როგორც ცნობილია, აშშ-ს ხელისუფლებამ  Huawei-ს დროებითი 90-დღიანი ლიცენზია მისცა, რომელიც კომპანიას აშშ-ში მის მიერ წარმოებული პროდუქციის მომსახურეობის და პროგრამული უზრუნველყოფის განახლების უფლებას  აძლევს.


პარალელურად ცნობილი გახდა, რომ  Huawei  ახალ საოპერაციო სისტემას  ქმნის, რომელიც შეცვლის Android-ს კომპანიის სმარტფონებზე.  საოპერაციო სისტემა Linux-ის საფუძველზე მუშავდება  და  ჰქვია Hongmeng.


აშშ-ის ფედერალურ უწყებებს Huawei-ს პროდუქტების გამოყენება  უკვე აკრძალული აქვთ . მსგავსი ნაბიჯის გადადგმისაკენ ისინი მოკავშირე ქვეყნებსაც მოუწოდებენ.


მარიამ მორგოშია






„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა
access_time2020-05-30 23:58:40
სფეის იქსის“ რაკეტა „ფალკონ...

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს
access_time2020-05-31 10:00:08
ევროპის 20 ყველაზე უსაფრთხო სამოგზაურო მიმართულებაზე European Best Destinations-ის მიერ გამოქვეყნებულ რეიტინგში თბილისი პირველ ადგილს იკავებს. „კოვიდ 19“-ის თვალსაზრისით, ყველაზე უსაფრთხო მიმართულებად ევროპაში სწორედ თბილისი...

ქუთაისში მდებარე საწარმომ მზის პანელები აშშ-ში ექსპორტზე გაიტანა

ქუთაისში მდებარე საწარმომ მზის პანელები აშშ-ში ექსპორტზე გაიტანა
access_time2020-05-30 21:00:36
ძალიან სასიხარულოა, რომ საწარმო კორონავირუსის პანდემიის შემდეგ, როცა ჩვენ ვხსნით ეკონომიკას, საწარმო გაფართოებას გეგმავს. მის გეგმებში დიდი კორექტირება არ...

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება
access_time2020-05-30 19:52:32
ჩინელი მეცნიერები 99%-ით არიან დარწმუნებულები, რომ კორონავირუსის ვაქცინა, რომელზეც მუშაობენ ეფექტური იქნება, - ამის შესახებ ინფორმაციას...

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში
access_time2020-05-30 15:49:21
მაისიც ძალიან მძიმე იქნება, ივნისიც და ზოგადად, წლის ბოლოს ნავარაუდევია ეკონომიკის სერიოზული ვარდნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც გამოეხმაურა “საქსტატის” მონაცემებს აპრილში ეკონომიკის 16.6%-იან ვარდნასთან...


მსგავსი სიახლეები

up