საქართველოს ეროვნულმა ბანკმა კომერციული ბანკების 2019 წლის მეოთხე კვარტლის ფინანსური მაჩვენებლები გამოაქვეყნა. მონაცემების მიხედვით, საქართველოში მოქმედი კომერციული ბანკების ანგარიშზე ჯამში 220 049 010 ლარის ღირებულების უძრავი და მოძრავი ქონებაა დასაკუთრებული. 2018 წელთან შედარებით ეს მაჩვენებელი 70 462 819 ლარით არის გაზრდილი.
2019 წლის მეოთხე კვარტლის მონაცემებით, „საქართველოს ბანკმა“ 99 065 797 ლარის ღირებულების ქონება დაისაკუთრა. გასული წლის ანალოგიურ პერიოდში ეს მაჩენებელი 56 934 467 ლარს შეადგენდა.
შემდეგ მოდის „თიბისი ბანკი“, მის მიერ დასაკუთრებული უძრავი და მოძრავი ქონება ამავე პერიოდში 78 384 425 ლარს უტოლდება, რაც წინა წლის ანალოგიურ პერიოდთან შედარებით 31 629 624 ლარით გაიზარდა.
მესამე ადგილზეა „ქართუ ბანკი“, რომლის მიერ დასაკუთრებულია 14 339 254 ლარის უძრავ-მოძრავი ქონება, რაც 2018 წლის ოთხი კვარტლის მონაცემებთან შედარებით 11 056 753 ლარით შემცირებულია.
მომდევნო პოზიციაზე „ბაზისბანკია“ 13 825 651 ლარის დასაკუთრებული ქონებით, ხოლო ხუთეულს „ვითიბი ბანკი ჯორჯია“ (10 067 967 ლარი) ასრულებს.
დასაკუთრებული ქონების მოცულობის მიხედვით, საქართველოს კომერციული ბანკების რეიტინგი:
- „საქართველოს ბანკი“ – 99 065 797 ლარი;
- „თიბისი ბანკი“ – 78 384 425 ლარი;
- „ქართუ ბანკი“ – 14 339 254 ლარი;
- „ბაზისბანკი“ – 13 825 651 ლარი;
- „ვითიბი ბანკი ჯორჯია“ – 10 067 967 ლარი;
- „სილქ როუდ ბანკი“ – 423 245 ლარი;
- „კრედო ბანკი“ – 813 532 ლარი;
- „ფინკა ბანკი საქართველო“ – 225 548 ლარი;
- „ხალიკ ბანკი საქართველო“ – 477 491 ლარი;
- „ტერაბანკი“ – 2 226 546 ლარი;
- „ლიბერთი ბანკი“ – 47 775 ლარი;
- „ზირაათბანკი საქართველო“ – 82 225 ლარი;
- „პროკრედიტ ბანკი“ – 69 554 ლარი.
აღსანიშნავია, რომ 2019 წლის მეოთხე კვარტლის მონაცემებით, „იშ ბანკი საქართველოს“ და „პაშა ბანკი საქართველოს“ დასაკუთრებული ქონება არ აქვთ.