საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

access_time2019-11-15 18:17:34

საავიაციო სფეროს ახალი მოთამაშე შეემატა. ავიაკომპანია Myway Airlines-ის ყოფილმა მეწილემ და კომერციულმა დირექტორმა იგორ აფციაურმა თანამოაზრეებთან ერთად კომპანია Aero Georgia Group-ი ჩამოაყალიბა, რომელიც რამდენიმე მიმართულებით იმუშავებს, თუმცა მისი საქმიანობა მაინც ავიაციასთან იქნება მჭიდრო კავშირში.


იგორ აფციაური ამბობს, რომ ავიაციის სფეროში მომუშავე საკუთარი კომპანიის დაფუძება დიდი ხანია სურდა.


ქართული ავიაკომპანია Aero Georgia Group-ი საქმიანობა ძირითადად ოთხ მიმართულებას გააერთიანებს – AeroConsulting, AeroTravel, AeroGSA და AeroProMan.


„ვფიქრობ, რომ ავიაციის დარგში ჯერ კიდევ ბევრი საქმეა გასაკეთებელი, რათა სფერო კიდევ უფრო წინ წავიდეს. რაც შეეხება Aero Georgia Group-ს ეს არის საავიაციო კომპანია, რომლის ძირითადი დანიშნულება იქნება საავიაციო სექტორის კიდევ უფრო განვითარება, როგორც საქართველოში ისე კავკასიის რეგიონში.


ეს იქნება ჯგუფი, რომელიც სამომავლოდ რამდენიმე კომპანიას გააერთიანებს. სახელი Aero Georgia Group-ი მიზანმიმართულად შეირჩა, რადგანაც სამომავლოდ ყველა ჩვენი საქმიანობის დასახელება სიტყვა Aero-თი იქნება დაწყებული და ის გახდება ერთგვარი ბრენდი.


დღეისათვის გვაქვს ოთხი მიმართულება – AeroConsulting, AeroTravel, AeroGSA და AeroProMan.



საკონსულტაციო მომსახურება – AeroConsulting – ჩვენ გავუწევთ კონსულტაციებს საავიაციო და ტრანსპორტის სფეროში მომუშავე კომპანიებს. თუმცა, ვინაიდან, ჩვენი ექსპერტები, რომლებიც აქ შევიკრიბეთ, წარმოვადგენთ საავიაციო სფეროს, აქცენტს მაინც საავიაციო მიმართულებაზე გავაკეთებთ. ჩვენ კონსულტაციებს გავუწევთ, როგორც საჯარო, ისე კერძო სექტორს.


საქართველო შედარებით პატარა ბაზარია. აქ არის რამდენიმე მოთამაშე, თუმცა მხოლოდ საქართველოთი არ შემოვიფარგლებით და გავალთ მთლიან რეგიონზე. სომხეთსა და აზერბაიჯანში უკვე გვყავს პარტნიორები.


როგორც იცით, ჩვენ ჩართულნი ვართ CAREC-ის პროგრამაში, რომელიც აერთიანებს ცენტრალური აზიის ქვეყნებს, ჩინეთს, პაკისტანსა და საქართველოს. გვინდა, რომ ამ ქვეყნებსაც გავუწიოთ კონსულტაცია, რადგანაც საქართველო არის მართლა მოწინავე და წარმატებული ქვეყანა საავიაციო სფეროში და გვინდა, რომ ეს ჩვენი გამოცდილება გავუზიაროთ იმ ქვეყნებს, რომელთაც პირდაპირ თუ ირიბად ევრორეგულაციების დანერგვა სურთ, რომელიც ჩვენ უკვე დავნერგეთ. საქართველოს წარმატებული მაგალითი, იგივე ლიბერალური პოლიტიკა, რაც ჩვენს გვაქვს იმ ქვეყნებსაც გავუზიაროთ.


მეორე მიმართულებაა ტურიზმი – AeroTravel – ჩვენ სამომავლოდ ჩამოვყალიბდებით, როგორც ერთ-ერთი მსხვილი ტუროპერატორი, რომელიც ორიენტირებული იქნება როგორც გამყვან, ისე შემომყვან ტურიზმზე.


მესამე მიმართულება იქნება ავიაკომპანიებს წარმომადგენლობა – AeroGSA – ჩვენი კონტაქტების საფუძველზე შევეცდებით, რომ ახალი ავიაკომპანიები დავაინტერესოთ და შემოვიყვანოთ საქართველოში.


ამ შემთხვევაში ჩვენი უპირატესობაა გუნდი და მისი გამოცდილება. ჯერჯერობით პატარა გუნდი ვართ, მაგრამ რაღაც ეტაპის შემდეგ მნიშვნელოვნად გავიზრდებით. თუმცა ჩვენს გუნდს ავიაციის სფეროში საშუალოდ 20-წლიანი გამოცდილება აქვს. მეორე, ეს არის ის კონტაქტები, რომელიც ჩვენ დაგვიგროვდა არამხოლოდ საქართველოში, ისე მთელს რეგიონსა და ევროპაში, ახლო აღმოსავლეთსა და აზიაში.


მეოთხე მიმართულება კი იქნება პროექტები მართვა – AeroProMan – ამ მიმართულებით მართლაც საინტერესო პროექტები და იდეები გვაქვს, რომელზედაც მალე დავიწყებთ მუშაობას. პროექტების ნაწილი სფეროს განვითარებისთვის უმნიშვნელოვანესია და ასევე არის იდეების ნაწილი, რომელიც ინოვაციურია. სიმართლე, გითხრათ, ერთი ისეთი პროექტიცაა, რომელსაც შესაძლოა, ანალოგიც კი არ ჰქონდეს, მინიმუმ ჩვენს რეგიონში“, – აცხადებს იგორ აფციაური.


avianews.ge







რატომ გაიზარდა ოფშორული ინვესტიციები

რატომ გაიზარდა ოფშორული ინვესტიციები
access_time2019-12-16 14:00:20
მესამე კვარტალში პირდაპირი უცხოური ინვესტიციების შემოდინება წინა წელთან შედარებით, თითქმის 14%-ით გაიზიარდა. კერძოდ, სტატისტიკის სამსახურის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ, 2019 წლის III კვარტალში 417.3 მლნ. აშშ დოლარი შეადგინა, რაც 2018 წლის III კვარტალის დაზუსტებულ მონაცემებზე 13.7 პროცენტით მეტია. ამავე მონაცემების ანალიზიდან ირკვევა, რომ ინვესტორ ქვეყნებში ოფშორული ქვეყნები ლიდერობენ....

ვიზა ალპებისკენ - ტერაბანკი საახალწლო აქციას იწყებს

 ვიზა ალპებისკენ  - ტერაბანკი საახალწლო აქციას იწყებს
access_time2019-12-16 11:30:55
ახალი წლის მოახლოებასთან ერთად, ტერაბანკმა ვიზა ბარათების მფლობელებისთვის სადღესასწაულო აქცია დაიწყო. აქციის განმავლობაში ბარათით გადახდა კომფორტულთან ერთად, მომგებიანიც იქნება. აქციის პერიოდში ვიზა ბარათით გაკეთებულ ყოველ მე-10, მინიმუმ 10 ლარიან ტრანზაქციაზე ნებისმიერ მომხმარებელს საჩუქრად 10 ლარი დაერიცხება.აქციის ბოლოს გამოვლინდება გამარჯვებული და იგი განსაკუთრებულ პრიზს მიიღებს: მომხმარებელს, რომელიც აქციის განმავლობაში ყველაზე მეტ მინიმუმ 10-ლარიან გადახდას...

თემურ ბასილია: 4 ფაქტორი, რის გამოც ლარის კურსი მყარდება

თემურ ბასილია: 4 ფაქტორი, რის გამოც ლარის კურსი მყარდება
access_time2019-12-16 13:00:45
აშშ-ში მცხოვრები ფინანსისტი თემურ ბასილია ბოლო რამდენიმე კვირის განმავლობაში ლარის გაცვლითი კურსის ცვლილებებს/გამყარებას „კომერსანტთან“ ხსნის. „პირველ რიგში, ეს არის ქართველი ემიგრანტების მიერ ფულადი გზავნილების მნიშვნელოვანი ზრდა. მაგალითად, ოქტომბერში მათ მიერ გამოგზავნილი თანხების რაოდენობა 153 მილიონ აშშ დოლარს აღემატებოდა, ხოლო, ნოემბერში 151 მილიონს. გადავხედე სტატისტიკას და დარწმუნებით შეიძლება ითქვას, რომ ერთი თვის განმავლობაში ამ ოდენობის...

საქართველოში საშუალო ხელფასი 1217 ლარია

საქართველოში საშუალო ხელფასი 1217 ლარია
access_time2019-12-16 12:00:45
2019 წლის III კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 91.6 ლარით გაიზარდა და 1 217.1 ლარი შეადგინა. ამის შესახებ ინფორმაციას „საქსტატი“ აქვეყნებს. 2019 წლის III კვარტალში, გასული წლის...

10 თვეში აღსრულების ეროვნული ბიურომ ქონების 49% კერძო მევახშეების სასარგებლოდ გაყიდა

10 თვეში აღსრულების ეროვნული ბიურომ ქონების 49% კერძო მევახშეების სასარგებლოდ გაყიდა
access_time2019-12-16 10:30:02
არასამთავრობო ორგანიზაცია „საზოგადოება და ბანკებმა“ კრედიტორების მიერ დასაკუთრებული უძრავი ქონების შესახებ ინფორმაცია მიმოიხილა.  2019 წლის 10 თვეში აღსრულების ეროვნული ბიუროს მიერ რეალიზებულია 1039 უძრავი ქონება. საიდანაც ყველაზე მეტი, 514 (49%) კერძო მევახშეების სასარგებლოდ გაიყიდა. კომერციულ ბანკებზე 411 (40%) უძრავი ქონება მოდის. 114-ის (11%) შემთხვევაში კრედიტორი მიკროსაფინანსო ორგანიზაცია იყო. ასევე აღსანიშნავია, რომ 2017 წლის შემდეგ...


მსგავსი სიახლეები

up