ქართულმა კომპანია “Geonuts Company”-მ ლანჩხუთის მუნიციპალიტეტში 6 ჰექტარზე საქართველოში პირველი ავოკადოს ბაღი გააშენა.
კომპანიაში ამ ეგზოტიკური პროდუქტის საქართველოში წარმოების პერსპექტივებზე საუბარი უჭირთ, თუმცა ადასტურებენ, რომ პლანტაცია უკვე მზადაა და ამ ეტაპზე მცენარეებზე დაკვირვება მიმდინარეობს.
“Geonuts Company” -მა ნერგები იტალიური კომპანია Vivai Zanzi-სგან იყიდა, და ისინი გურიაში არსებული კლიმატური პირობების გათვალისწინებით შეირჩა.
პირველი მოსავალი კი მხოლოდ 4-5 წლის შემდეგ იქნება.
“Geonuts Company” -მა ნერგები იტალიური კომპანია Vivai Zanzi-სგან იყიდა და ისინი გურიაში არსებული კლიმატური პირობების გათვალისწინებით შეარჩია.
ავოკადო - მსოფლიოში ხილ-ბოსტნეულის ექსპორტის ყველაზე სწრაფად ზრდადი მიმართულებაა და ისეთ პოპულარულ პროდუქტებს უსწრებს, როგორებიცაა ლურჯი მოცვი, ალუბალი მანგო და დურიანი. ყოველწლიურად ავოკადოს გაყიდვები 780 მლნ. დოლარით იზრდება. შესაბამისად, “Geonuts Company” საქმიანობას საკმაოდ წარმატებულ დარგში იწყებს, თუმცა არის გარკვეული რისკებიც - ავოკადო საქართველოსთვის ახალი ხილია და ის საქართველოში კომერციული დანიშნულებით არასდროს უწარმოებიათ- ამბობს გაეროს სოფლის მეურნეობისა და წარმოების ორგანიზაციის საინვესტიციო დეპარტამენტის ეკონომისტი ანდრეი იარმაკი.
აჭარის სოფლის მეურნეობის სამინისტრის მეცნიერულ-კვლევით ცენტრის უფროსის ზვიად ბობოკაშვილის თქმით, საქართველოში ავოკადოს მოყვანის მცდელობები უკვე იყო - 40-50-იამ წლებში, თუმცა, ის წარუმატებლად დასრულდა - შერჩეული ნერგები ყინვას ცუდად იტანს, ხოლო მე-20 საუკუნის შუა პერიოდში კლიმატი დღევანდელზე ბევრად უფრო ცივი იყო.
„დღეს საქართველოში კლიმატი შედარებით რბილია, ამიტომაც ავოკადოს კომერციულ მოყვანაზე საუბარია სავსებით შესაძლებელია. მთავარია სახეობების სწორი შერჩევა, რაც ექსპერიმენტებს და კვლევებს საჭიროებს. ნერგების კომერციული სახეობები 5-6 გრადუს ყინვაზეა გათვლილი, თუმცა ისეთებიც არის, რომლებიც -10% გრადუსს უძლებენ. საქართველოში პერსპექტივა სწორედ ასეთ სახეობებს აქვს“ - ამბობს ის.
ბობოკაშვილის თქმით, ავოკადი ციტრუსებთან ახლოსაა, ამიტომაც მისი მოყვანა სასურველია ტრადიციულად საციტრუსო, ძირითადად ზღვისპირა რეგიონებში. თუმცა, წინასწარ აუცილებელია სპეციალური კვლევების ჩატარება.
„გლობალური დათბობის წყალობით საქართველოში ისეთი კულტურების მოყვანა გახდა შესაძლებელი, რომლებიც ადრე არ ხარობდა, მაგრამ ტემპერატურასთან ერთად ექსტრემალური კლიმატური გამოვლინებებიც მატულობს - მაგალითად, გახშირდა გვალვები, რომლებიც ყველანაირ მცენარეებზე, მათ შორის სუბტროპიკულზეც, ნეგატიურად აისახება“ - აღნიშნავს სპეციალისტი.
მისი თქმით, ავოკადო შესაძლოა საქართველოში სწრაფად მზარდი პროდუქტი გახდეს, ამისთვის კი საჭიროა ადგილობრივ პირობებთან ადაპტირების მიზნით, სხვადასხვა სახეობებთან მუშაობა და ექსპერიმენტები.
ავოკადოს ქართველი მწარმოებლებისთვის კარგი ამბავი კი ისაა, რომ ამ პროდუქტის მოხმარება მკვეთრად იზრდება - როგორ საქართველოსთვის ტრადიციულ ბაზრებზე - რუსეთსა და უკრაინაში, ასევე დანარჩენ მსოფლიოში.
თურქეთი რუსეთის და უკრაინის ბაზრებს უკვე აქტიურად ითვისებს და საქართველოს მისთვის კონკურენციის გაწევა შეუძლია.
east-fruit.com
თენგიზ აბლოთია