საქართველოში 90-იანებში პოპულარული ბიუჯეტის სეკვესტრი ბრუნდება

საქართველოში 90-იანებში პოპულარული ბიუჯეტის სეკვესტრი ბრუნდება

access_time2018-12-06 17:00:00


დიდი წვალების მიუხედავად, მთავრობამ წელს პირობები ვერ შეასრულა და ბიუჯეტის სეკვესტრის გზას დაადგა, — წერს რეზონანსი, მიზეზად კი ეკონომიკური ზრდის დაბალ ტემპს, ბიუჯეტის არათანაბარზომიერ და არაეფექტიან ხარჯვას ასახელებს.


ამ ეტაპზე ცნობილი ხდება, რომ ბიუჯეტის სეკვესტრის მიზეზი ინფრასტრუქტურულ პროექტებზე გათვალისწინებული თანხების აუთვისებლობა გახდა. ამ ნეგატიური პროცესის ერთადერთი სიკეთეა ის, რომ წლის ბოლოს დიდი ფულადი რესურსი არ დაიხარჯება და ლარზე ზეწოლა არ მოხდება. სხვა მხრივ, სეკვესტრირებული ბიუჯეტი სერიოზულ პრობლემას წარმოადგენს და დიდწილად იგი ქვეყნის ეკონომიკურ განვითარებას შეაფერხებს.


“საქართველოს 2018 წლის სახელმწიფო ბიუჯეტის შესახებ” კანონპროექტის თანახმად, რეგიონული განვითარებისა და ინფრასტრუქტურის სამინისტროსათვის გათვალისწინებული ხარჯები 269 მლნ ლარით მცირდება და 1 546 მლნ ლარს შეადგენს. საინვესტიციო პროექტების დასაფინანსებლად მიღებული გრძელვადიანი, შეღავათიანი კრედიტები კი მცირდება 321 მლნ ლარით და განისაზღვრება 915.8 მლნ ლარით, დაგეგმილი პროექტების ნაწილობრივ, მომდევნო წლებზე გადანაწილების გათვალისწინებით.


რაც შეეხება მიმდინარე წელს მისაღებ გრანტებს, ეს მაჩვენებელიც მცირდება – 74.3 მლნ ლარით.


ეს ცალსახად ადასტურებს, რომ წელს ბიუჯეტი ჩავარდა. ეკონომისტების შეფასებით, ქვეყანაში არ იქმნება ინფრასტრუქტურული პროექტები და სერვისები, რაც საქართველოს ეკონომიკას იმაზე მეტად წასწევდა წინ, ვიდრე დღეს მიდის.


ახალგაზრდა ფინანსისტთა და ბიზნესმენთა ასოციაციის წარმომადგენელი გიორგი კაპანაძე ინფრასტრუქტურის სამინისტროში ხარჯვით ნაწილთან დაკავშირებულ პრობლემაზე საუბრობს და ხელისუფლებას ამ საკითხის საბოლოოდ მოგვარებისაკენ მოუწოდებს.



“ბიუჯეტს პრობლემა აქვს და ეს არ არის ახალი ამბავი. ჩვენი ორგანიზაცია ჯერ კიდევ წლის დასაწყისში აღნიშნავდა, რომ ინფრასტრუქტურულ პროექტებთან დაკავშირებით სერიოზული პრობლემა იყო.


ეს ჩანს იქიდანაც, რომ შემცირდა ინფრასტრუქტურის სამინისტროს დაფინანსების ხარჯი. ფაქტია, რომ დღესაც ვერ გვარდება ტენდერების პრობლემა და შემდეგ მათი დროულ ვადებში შესრულება გადაუჭრელ საკითხად რჩება. ჩვენ ვხედავთ, რომ სამინისტროს მიერ განსახორციელებელი პროექტების უმეტესი ნაწილი დროში გაწელილია, გადავადებულია და შესრულება გვიანდება. სამწუხაროდ, სწორი იყო, რომ ბიუჯეტი შემცირდა, რათა იგივე ტენდენცია არ მიგვეღო.


აუცილებელია, რომ პრობლემა, რაც ინფრასტრუქტურის სამინისტროში არსებობს, მაქსიმალურად სწრაფად აღმოიფხვრას. როდესაც ვსაუბრობთ, რომ ქვეყნის განვითარება და ეკონომიკური ზრდა გვსურს, ამ შემთხვევაში ინფრასტრუქტურის სამინისტრო გამართულად უნდა მუშაობდეს.


ჩვენ თუ არ გვექნება გზები, არ განხორციელდება სხვადასხვა პროექტი, შესაბამისად, მშპ არ გაგვეზრდება. ამიტომ კარგი იქნება, თუკი ამ საკითხს მეტი ყურადღება მიექცევა, მოხდება მიმდინარე პროექტების დროში დასრულება და ხარვეზების გამოსწორება”, – აღნიშნა კაპანაძემ და დასძინა, რომ ბიუჯეტის სეკვესტრი ამ შემთხვევაში ერთადერთი “სიკეთეა”, რაც წლის ბოლოს ლარის კურსზე დადებითადაც შეიძლება, აისახოს.


“ჩვენ უნდა დავინახოთ და თვალი გავუსწოროთ იმ რეალობას, რაც გვაქვს. ფაქტია, რომ ინფრასტრუქტურულ პროექტებში თანხების ათვისება ვერ ხერხდება. ეს არ მომხდარა მარტო წელს, ადრეც ასე იყო. ახლა დაგვრჩა 1 მილიარდზე მეტი ასათვისებელი თანხა და ამ მხრივ ინფრასტრუქტურის სამინისტრო ლიდერია. ვიმედოვნებ, ეს იქნება ხელისუფლებისათვის გამოსაფხიზლებელი სიგნალი და სათანადო ყურადღება მიექცევა მსხვილ ინფრასტრუქტურულ პროექტებს და იზრუნებენ მდგომარეობის გამოსწორებაზე. ეს აუცილებელია, რათა წლის ბოლოს და სხვა პერიოდშიც არ იყოს ჭარბი ლარის მოხვედრა ეკონომიკაში, რაც ეროვნულ ვალუტას გააუფასურებს”, – აღნიშნა კაპანაძემ “რეზონანსთან” საუბრისას.


განსხვავებული პოზიციისაა ეკონომისტი, “ახალი ეკონომიკური სკოლის” დამფუძნებელი პაატა შეშელიძე. მას მიაჩნია, რომ საბიუჯეტო ხარჯის შემცირება მშპ-თან მიმართებით ქვეყნისათვის დადებითი მუხტი შეიძლება, აღმოჩნდეს.


“სრული სურათი არ მაქვს, მაგრამ პრობლემას ვერ ვხედავ იმაში, რომ საბიუჯეტო ხარჯი რამდენიმე მიმართულებით შემცირდეს. თავისთავად კლება არაფერს ნიშნავს. მეორე მხარეა ის, რომ სამომავლოდ შესაძლოა, სივრცე გაიხსნას სხვა ინვესტორებისათვის, რომლებსაც გარკვეული ინფრასტრუქტურული პროექტები გადაეცეთ. ამიტომ გარკვეული მიმართულებით დაფინანსების შემცირებას პრობლემად არ ვთვლი.


2 წლის წინ მიღებული იყო გადაწყვეტილება, რომ სახელმწიფო ხარჯი შემცირებულიყო მშპ-თან მიმართებით. საკითხს ამ კუთხით თუ შევხედავთ, უარყოფით პროცესთან არ გვაქვს საქმე. რაც ნაკლებს დახარჯავს სახელმწიფო, მეტი დარჩება კერძო სექტორს და ეს არ მგონია, პრობლემას წარმოადგენდეს”, – განაცხადა ეკონომისტმა.


მთავრობამ პარლამენტს “საქართველოს 2018 წლის სახელმწიფო ბიუჯეტის შესახებ” კანონში ცვლილებების პროექტი უკვე გადაუგზავნა. წლის ბოლოს ბიუჯეტში შესატანი ცვლილებების მიზეზად მთავრობა დაგეგმილზე მაღალ ეკონომიკურ ზრდასა და საგადასახადო შემოსავლებს ასახელებს.


resonancedaily.com






რომან კაკულია: სახელფასო პოლიტიკა მთლიანად ქვეყანაში უნდა იყოს სამართლიანი

რომან კაკულია: სახელფასო პოლიტიკა მთლიანად ქვეყანაში  უნდა იყოს სამართლიანი
access_time2019-03-25 18:30:48
“სახელფასო პოლიტიკა, მთლიანად ქვეყანაში  უნდა იყოს სამართლიანი და ასე ამოგლეჯილად, სხვადასხვა სფეროს ხელფასების განხილვა, არ არის სწორი. თუ მაღალ პასუხისმგებლობას, რაღაც საფრთხეებს ცდუნებასთან მიმართებაში  კრიტერიუმად ავიღებთ, მაშინ არც პარლამენტარის წინაშე არსებული ცდუნებებია დაბალი და ამ გაგებით მაშინ დეპუტატების ხელფასიც უნდა გაიზარდოს. ეს თეორიული განცხადებაა და არამც და არამაც არ ვგულისხმობ დეპუტატებისთვის ხელფასის გაზრდას,“ - ასე განმარტა დარგობრივი ეკონომიკისა და ეკონომიკური...

კრიპტოსამყაროს მთავარი საიდუმლო: ვინ შექმნა ბიტკოინი?

კრიპტოსამყაროს მთავარი საიდუმლო: ვინ შექმნა ბიტკოინი?
access_time2019-03-25 20:00:34
ბიტკოინი შემქნელის ირგვლივ არსებობს ძალიან ბევრი თეორია, თუმცა მათ ყველას აკლია მთავარი - მყარი მტკიცებულებები. თუმცა, შესაძლებელია ამ საიდუმლოს ფარდა სულ მალე აიხადოს. პირველი კრიპტოვალუტა 10 წლის წინ გაჩნდა, დღეს კი ვირტუალური ფულის ბაზარი მილიარდებს ითვლის, სხვადასხვა კრიპტოვალუტების რაოდენობამ გადააჭარბა 2100-ს, ხოლო განვითარებული ქვეყნების მთავრობები სერიოზულად დაფიქრდნენ ბლოკჩეინის ტექნოლოგიაზე. თუმცა, დღემდე უცნობია, ვინ დგას...

ლევან კობერიძე: „ავტომობილის მფლობელთათვის მესამე პირის სავალდებულო დაზღვევა ამ ეტაპზე საქართველოში არამიზანშეწონილია“

ლევან კობერიძე: „ავტომობილის მფლობელთათვის მესამე პირის სავალდებულო დაზღვევა ამ ეტაპზე საქართველოში არამიზანშეწონილია“
access_time2019-03-25 17:00:51
სავალდებულო ავტოდაზღვევას სკეპტიკოსები ხელისუფლებაშიც გამოუჩნდნენ. იმ ფონზე, როცა სადაზღვევო ინდუსტრიის წარმომადგენლები და დეპუტატები სავალდებულო ავტოდაზღვევის აუცილებლობაზე მსჯელობენ,  პარლამენტის წევრების ნაწილი ფიქრობს, რომ ასეთი ვალდებულება მოსახლეობის სოციალურ ტვირთს დაამძიმებს და შეიძლება უკმაყოფილების მიზეზიც გახდეს. „ქართული ოცნების“  წევრმა ლევან კობერიძემ დარგობრივი ეკონომიკის კომიტეტის სხდომაზე განაცხადა, რომ სავალდებულო დაზღვევა...

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“
access_time2019-03-25 19:00:56
„ხელისუფლების უნიათობის ერთ-ერთი ნათელი მაგალითია  “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი,“ - ასე აფასებს  იუსტიციის უმაღლესი საბჭოს არამოსამართლე წევრი ანა დოლიძე „ქართული ოცნების“  კიდევ ერთ  შეუსრულებელ დაპირებას.  როგორც ცნობილის, „ცენტ-პოინტის“ მენაშენე, თითქმის 5 ათასი ოჯახი  (დაახლოებით 10 ათასი ადამიანი) კვლავ პრობლემის მოგვარებას და ზარალის ანაზღაურებას ითხოვს. ამ...

„მთაწმიდაზე, MKdevelopment-ის ე.წ. კანონიერი მშენებლობა არის უპასუხისმგებლო და ქალაქის ინტერესების საწინააღმდეგო,“ - რას პასუხობს სამშენებლო კომპანია „კომერსანტს“

„მთაწმიდაზე,  MKdevelopment-ის ე.წ. კანონიერი მშენებლობა არის უპასუხისმგებლო და ქალაქის ინტერესების საწინააღმდეგო,“ - რას პასუხობს სამშენებლო კომპანია „კომერსანტს“
access_time2019-03-25 13:30:14
მთაწმიდაზე, წმინდა მიხეილ ტვერელის სახელობის ეკლესია საფრთხეშია - განცხადებას სოციალურ ქსელში არსამთავრობო ორგანიზაცია „ტფილისის ჰამქარი“ ავრცელებს.   ირკვევა, რომ წმინდა მიხეილ ტვერელის სახელობის ეკლესიის ქვეშ, მთაწმინდის ძირში, ზალდასტანიშვილის ქუჩის მიმდებარედ  MKdevelopment კორპუსის მშენებლობას იწყებს.  „რამდენიმე დღეა ტვერელის ეკლესიასთან მიმდიდინარეობს სრულიად კანონიერი სამუშაოები! კანონიერი იმიტომ, რომ...


მსგავსი სიახლეები

up