საქართველოში 4 მლნ, მსოფლიოში კი 7.8 მლრდ ადამიანი ცხოვრობს - როგორია გაეროს პროგნოზი 2050 წლისთვის

საქართველოში 4 მლნ, მსოფლიოში კი 7.8 მლრდ ადამიანი ცხოვრობს - როგორია გაეროს პროგნოზი 2050 წლისთვის

access_time2021-04-21 00:00:00

გაეროს მოსახლეობის ფონდის ( United Nations Population Fund - UNPF) წლევანდელი მონაცემებით, საქართველოში 4 მლნ ადამიანი ცხოვრობს. აქედან 14 წლამდე ასაკის 20,3%-ია, 15-დან 64 წლამდე ასაკის - 64,1%, 64-ს ზევით კი - 15,6%. საქართველოს მოსახლეობის ცვლილების საშუალოწლიური მაჩვენებელი - მინუს 0,2%-ია. ამასთან, საქართველოში სიცოცხლის მოსალოდნელი ხანგრძლივობა მამაკაცებში 70, ქალებში კი 78 წელია.


2021 წელს მსოფლიო მოსახლეობა 7,875 მილიარდ ადამიანს წარმოადგენს. აქედან, 14 წლამდე - 25,3%-ია, 15-დან 64 წლამდე - 65,1%, ხოლო 65 წლის ზევით - 9,6%. 2015-2020 წლებში მოსახლეობის ცვლილების საშუალოწლიური მაჩვენებელი 1,1%-ია.


1950 წელს, გაეროს დაარსებიდან 5 წელში მსოფლიო მოსახლეობის რაოდენობა 2,6 მლრდ ადამიანი იყო. 1987 წელს მოსახლეობა 5 მლრდ-მდე, 1999 წლის ბოლოსთვის კი 6 მლრდ-მდე გაიზარდა. 2011 წლის მდგომარეობით, მსოფლიო მოსახლეობა 7 მლრდ ადამიანს შეადგენდა. პროგნოზების თანახმად, მომავალ 30 წლის განმავლობაში პლანეტის მოსახლეობა 2 მლრდ ადამიანით გაიზრდება და 2050 წელს 9,7 მლრდ გახდება, 2100 წლისთვის კი - 11 მლრდი. ასეთი სწრაფი ზრდა მეტწილად განპირობებულია რეპროდუქციულ ასაკამდე მიღწეული ადამიანების მატებით, აგრეთვე, ისეთი ფაქტორებით, როგორიცაა გაზრდილი ნაყოფიერების მაჩვენებელი, მზარდი ურბანიზაცია და მიგრაცია. ეს ტენდენციები მომავალი თაობებისთვის გადამწყვეტ როლს შეასრულებს.


მსოფლიო მოსახლეობა რეგიონებზე შემდეგნაირად არის გადანაწილებული: 61% (4,7 მლრდ) აზიაში ცხოვრობს, 17% (1,3 მლრდ) - აფრიკაში, 10% (750 მლნ) - ევროპაში, 8% (650 მლნ) ლათინურ ამერიკასა და კარიბის აუზის ქვეყნებში, 5% (370 მლნ) - ჩრდილოამერიკაში და 43 მლნ ოკეანის ქვეყნებში.



ჩინეთი და ინდოეთი, 1,44 და 1,39-მილიარდიანი, მოსახლეობით ყველაზე დიდი ქვეყნებია. მათი წილი მსოფლიო მოსახლეობაზე 19% და 18%-ია. პროგნოზის თანახმად, 2027 წელს ინდოეთი ჩინეთს გადაუსწრებს და მსოფლიოში პირველ ადგილს დაიკავებს. 2050 წლამდე ჩინეთის მოსახლხეობა 31,1 მლნ ადამიანით შემცირდება, რაც ქვეყნის მოსახლეობის 2,2% იქნება.


2050 წლისთვის აფრიკის საჰარიდან სამხრეთის ქვეყნებში მოსახლეობა ორჯერ გაიზრდება. ამ პერიოდისთვის საპირისპირო, კლების ტენდენციას ელოდებიან მსოფლიოს 55 ქვეყანასა და რეგიონში: 26 ქვეყანაში მოსახლეობა 10%-ით შემცირდება. ბულგარეთში, ბოსნია-ჰერცოგოვინაში, უნგრეთში, ლატვიაში, ლიტვაში, მოლდოვაში, სერბეთში, უკრაინაში ხორვატიასა და იაპონიაში 2050 წლისთვის მოსახლეობა 15%-ით შემცირდება. დღეის მონაცემებით, ევროპის ყველა ქვეყანაში შობადობა მინიმალურ ზღვარზე დაბალია (ყოველ ქალზე 2,1 ბავშვი მოდის).


გაერო მსოფლიო მოსახლეობის სტატისტიკას 1951 წლიდან, ყოველ 2 წელში ერთხელ აქვეყნებს. მას გაეროს სამდივნოს ეკონომიკურ და სოციალურ საქმეთა დეპარტამენტის მოსახლეობის განყოფილება ამზადებს.



BPN.GE




თეგები:
გაერო



საქსტატის მონაცემებით აპრილში ექსპორტი 70%-ით გაიზარდა

საქსტატის მონაცემებით აპრილში ექსპორტი 70%-ით გაიზარდა
access_time2021-05-13 12:46:00
„საქსტატის“ წინასწარი მონაცემებით, აპრილში საქართველოდან უცხოეთის ბაზრებზე 378.3 მლნ დოლარის პროდუქცია გავიდა, წლიურ ჭრილში ზრდა 70% ანუ 156 მლნ დოლარია. რაც გასაკვირი არ არის, რადგანაც 2020 წლის ამავე პერიოდში ქვეყანა „ლოქდაუნის“ რეჟიმში იყო. თუმცა აღსანიშნავია, რომ ზრდაა 2019 წლის ამავე პერიოდთან შედარებითაც.2019 წელს ექსპორტზე 311 მლნ დოლარის პროდუქცია იყო გასული, 2021 წლის ამავე თვესთან შედარებით 22%-ით, ანუ 67 მლნ დოლარით ნაკლები.რაც შეეხება 4...

კრისტალმა responsAbility Investments AG-ის მხარდაჭერით 5 მლნ აშშ დოლარის ფინანსური რესურსი მოიზიდა

კრისტალმა responsAbility Investments AG-ის მხარდაჭერით 5 მლნ აშშ დოლარის ფინანსური რესურსი მოიზიდა
access_time2021-05-13 11:55:32
შვეიცარულმა ფონდმა კრისტალს 5 მილიონი აშშ დოლარის მოცულობით ფინანსური რესურსი გამოუყო, რომელიც საქართველოს მასშტაბით მიკრო მეწარმეებისა და ფერმერებისთვის  ინოვაციური ფინანსური სერვისების შეთავაზებას მოხმარდება, რაც ხელს შეუწყობს კომპანიის მომხმარებლების მიერ პოსტპანდემიური გამოწვევების დაძლევას.   კრისტალსა და responsAbility Investments AG-შ შორის პარტნიორობას ჯერ კიდევ 2014 წელს ჩაეყარა საფუძველი.  მას შემდეგ კი არაერთი წარმატებული...

„თუ მოსახლეობას შემოსავალი არ ექნება გაძვირებული ბინები მალევე ფასის პირვანდელ ნიშნულს დაუბრუნდება“

„თუ მოსახლეობას შემოსავალი არ ექნება გაძვირებული ბინები მალევე ფასის პირვანდელ ნიშნულს დაუბრუნდება“
access_time2021-05-13 12:00:08
„ბინაზე ფასის ზრდა შეიძლება დაფიქსირდეს, მაგრამ თუ შემოსავალი არ იქნება და შემოსავლისუნარიანობა არ ამაღლდება მოსახლეობაში, ვინ იყიდის ამ გაძვირებულ ბინას?  ბევრი ვიცი, რომელსაც უნდა ბინის შეძენა, მაგრამ ფინანსრურად ვერ სწვდება. უნდა გაიზარდოს მოსახლეობის რაოდენობა ვინც შეძლებს ამ ბინების ყიდვას, წინააღმდეგ შემთხვევაში ჩამაოვა ისევ იმ ფასის ნიშნულზე, რაც აქამდე იყო,“ - "კომერსანტი"  უძრავი ქონების სააგენტოს kibe.ge- ს  დირექტორს ნელი გოგუაძეს უძრავი...

სილქფესტის აქციის ფარგლებში აბონენტები ინტერნეტ და სასაუბრო პაკეტებს შეუზღუდავად გაიაქტიურებენ!

სილქფესტის აქციის ფარგლებში  აბონენტები ინტერნეტ და სასაუბრო პაკეტებს  შეუზღუდავად გაიაქტიურებენ!
access_time2021-05-13 09:55:53
მხოლოდ 13 მაისს, სილქნეტი მობილური ქსელის მომხმარებლები ოთხ სააქციო პაკეტის გააქტიურებას შეძლებენ 30 დღით.   კომბინაციით *202# მომხმარებელი  ჩაირთავს:   2 GB უსწრაფეს ინტერნეტს  - 3 ლარად   300 ლოკალური წუთი - 5 ლარად   8 GB უსწრაფეს ინტერნეტს  - 8 ლარად   3 GB + 500 ლოკალური წუთი - 10 ლარად   პაკეტების გააქტიურება შესაძლებელია შეუზღუდავად - ერთად და...

ქვეყანას არ ესმის რას ნიშნავს საგამომცემლო ბიზნესი, დახმარება გვჭირდება - წიგნის სფერო მილიონიან ზარალზე საუბრობს

ქვეყანას არ ესმის რას ნიშნავს საგამომცემლო ბიზნესი, დახმარება გვჭირდება - წიგნის სფერო მილიონიან ზარალზე საუბრობს
access_time2021-05-13 11:00:51
„საფრანგეთმა ბიუჯეტიდან 3 მილიარდი ევრო გამოჰყო ავტორებისა და გამომცემლობების დასახმარებლად, ამ ქვეყანას ესმის რას ნიშნავს საგამომცემლო ბიზნესი. ჩვენ რაც გვაქვს, ისიც არ წაგვართვან,“ - გამომცემლობა „ინტელექტის“ დამფუძნებელი კახა კუდავა „კომერსანტთან“  საგამომცემლო ბიზნესის კრიზისულ პერიოდზე საუბრობს და აღნიშნავს, რომ ამჟამად ბიზნესის შემოსავალი პანდემიამდე არსებული პერიოდის მაქსიმუმ 5 პროცენტი შეიძლება იყოს. კახა კუდავას თქმით, წიგნის სფერო...


მსგავსი სიახლეები

up