არასამთავრობო ორგანიზაციის საერთაშორისო გამჭვირვალობა საქართველოს კვლევის მიხედვით, ბიძინა ივანიშვილთან დაკავშირებული 10 ოფშორული კომპანია საქართველოში 26 -ს კომპანიას ფლობს.

TI— ს კვლევის თანახმად, საქართველოს სამეწარმეო რეესტრში 3,200-მდე კომპანიაა რეგისტრირებული, რომელთა მთლიანი ან გარკვეული წილის მფლობელი ოფშორში რეგისტრირებული ორგანიზაციაა. TI-ს 2018 წლის კვლევის მიხედვით, ბიძინა ივანიშვილთან დაკავშირებული იყო ოფშორში რეგისტრირებული 9 კომპანია, თუმცა მას შემდეგ კომანიების ჩამონათვალი გაიზარდა.

ბიძინა ივანიშვილთან დაკავშირებული ოფშორული კომპანიებია:

„Finseck Limited“ (ბრიტანეთის ვირჯინიის კუნძულები), რომელიც საქართველოში ფლობს 4 კომპანიას: შპს „ექსპრეს-სერვისი“, შპს „ლიზინგი ოცდამეერთე“, შპს „თხილის განაშენიანების და გადამუშავების კომპანია“, შპს „კომპლექს-სერვისი“;

„Vanity Overseas“ (ბრიტანეთის ვირჯინიის კუნძულები), რომელიც საქართველოში ფლობს 2 კომპანიას: შპს „მადა“, შპს „აკვა ცენტრი“;

„Gilmar Holding“ (ბელიზი), რომელიც საქართველოში ფლობს 2 კომპანიას: შპს „ჰოლდინგი ოცდამეერთე“, შპს „ქართული ჰოლდინგი“;

„Krista Investments Limited“ (ბრიტანეთის ვირჯინიის კუნძულები), რომელიც საქართველოში ფლობს 1 კომპანიას: შპს „სათესლე და სარგავი მასალის წარმოების სამეცნიერო-საწარმოო ცენტრი აგრო ქართუ“;

„Ringold Finance Limited“ (ბრიტანეთის ვირჯინიის კუნძულები), რომელიც საქართველოში ფლობს 2 კომპანიას: შპს „ჰორიზონტი“, შპს „ახალი სერვისი“;

„Limestone Finance International SA“ (პანამა), რომელიც საქართველოში ფლობს 7 კომპანიას: შპს „ახალი კაპიტალი“, შპს „სანაპიროს ხედი“, შპს „ქართუ კონსალტინგი“, შპს „აბასთუმანი 2019“, შპს „ჯეოფერტ“, შპს „ბლექ სი არენა“, შპს „ინვესტ კაპიტალი“;

„Fresno Management Limited“ (ბელიზი), რომელიც საქართველოში ფლობს 3 კომპანიას: შპს „ინტერ კონსალტინგ+“, შპს „ქართუ მენეჯმენტი“, შპს „ქართუ მშენებელი“;

„Vasilia Enterpreises“ (ბელიზი), რომელიც საქართველოში ფლობს 2 კომპანიას: შპს „ფინსერვისი-XXI“, შპს „ფინ-სერვისი“;

„Tarpan Management Limited“ (ბრიტანეთის ვირჯინიის კუნძულები), რომელიც საქართველოში ფლობს 2 კომპანიას: შპს „ინტერ-სერვისი“, შპს „მენეჯმენტ სერვისი“;

„Frankston International“ (პანამა), რომელიც საქართველოში ფლობს 1 კომპანიას: შპს „ჯი სი ეფ ჰოლდინგს ჯორჯია“ (თანაინვესტირების ფონდი).
საგულისხმოა, რომ კვლევის მიხედვით, 2011-2020 წლებში საქართველოში ოფშორული ტერიტორიების მქონე ქვეყნებიდან 5,2 მლრდ აშშ დოლარამდე პირდაპირი უცხოური ინვესტიცია შემოვიდა, რაც ამ პერიოდის მთლიანი უცხოურ ინვესტიციების 38%-ია.

არასამთავრობო ორგანიზაციის შესწავლის შედეგად გამოვლინდა 6 ოფშორული კომპანია, რომელსაც 2012-2020 წლებში პირდაპირი პრივატიზაციის წესით გადაეცა სახელმწიფო ქონება და 15 ოფშორული კომპანია, რომელმაც აუქციონის გზით მიიღო სახელმწიფო ქონება. სიმბოლურ ფასად გადაცემული ქონების გამოკლებით, აღნიშნულ კომპანიებს 77 მლნ ლარამდე ღირებულების ქონება გადაეცათ.

საქართველოში ოფშორული კომპანიები ძირითადად საქართველოში რეგისტრირებული შვილობილი კომპანიების მეშვეობით საქმიანობენ, ესენია:

თბილისი ენერჯი;
შპს „ვიონი საქართველო“
ბილაინი;
აიდიეს ბორჯომი;
ჭიათურმანგანუმ ჯორჯია;
რუსთავის ფოლადი;
შპს „სოკარ გაზ ექსპორტ-იმპორტი“
სილქ როუდ გრუპ ჰოლდინგი;
შპს „გუდაური სქი რესორტი“
ბათუმის საერთაშორისო საკონტეინერო ტერმინალი;
რუსთავის ავტობაზრობა;
ფოთის მარცვლეულის ტერმინალი;
სუფთა სახლს და მსხვილ თუ საშუალო ზომის საწარმოს.

საერთაშორისო გამჭვირვალო საქართველოს დასკვით საქართველოში მაღალია ოფშორულ ზონებში რეგისტირებული კომპანიების საქმიანოთ გამოწვეული კორუფციული რისკები.

ოფიციალური სტატისტიკით, 2011-2020 წლებში ოფშორული ტერიტორიების მქონე ქვეყნებიდან საქართველოში 5.2 მლრდ აშშ დოლარამდე პირდაპირი უცხოური ინვესტიცია შემოვიდა, რაც ამ პერიოდის მთლიანი უცხოური ინვესტიციების 38%-ია. ყველაზე მეტი ინვესტიცია - ჯამში 3.7 მლრდ აშშ დოლარი - ნიდერლანდებზე და გაერთიანებულ სამეფოზე მოდის. ამ ორი ქვეყნის ინვესტორები, სავარაუდოდ, სრულად ოფშორული სტატუსის მქონე კომპანიები არ არიან, თუმცა, რთულია გამიჯვნა, ამ ქვეყნიდან წამოსული ინვესტიციებიდან რა წილი მოდის არაოფშორულ ინვესტიციებზე. 776 მლნ დოლარი შემოვიდა ლუქსემბურგიდან. სრულად ოფშორული ტერიტორიებიდან ინვესტიციების კუთხით პანამა ლიდერობს 168 მლნ აშშ დოლარით, შემდეგ მოდიან მარშალის კუნძულები - 79 მლნ აშშ დოლარით, ბელიზი - 45 მლნ აშშ დოლარით, მავრიკი - 32 მლნ აშშ დოლარით, სეიშელი 31 მლნ დოლარით, კაიმანის კუნძულები 13 მლნ დოლარით, ლიბანი 11 მლნ დოლარით და გიბრალტარი 6 მლნ დოლარით.

საქართველოში ოფშორებიდან მომავალი რისკები განსაკუთრებით მწვავედ დგას, რადგან დღეს ქვეყნისთვის ერთ-ერთი მნიშვნელოვანი გამოწვევა ე.წ. „ელიტური კორუფციაა”, ოფშორში რეგისტრირებული კომპანიების ანონიმური მფლობელობა კი „ელიტური კორუფციის“ ხელშემწყობი ფაქტორია. ევროპარლამენტის 2018 წლის 14 ნოემბრის რეზოლუციაში], რომელიც ევროკავშირთან ასოცირების შეთანხმების შესრულებას შეეხება, აღნიშნულია, რომ მაღალი დონის „ელიტური კორუფცია“ სერიოზულ საკითხად რჩება. ევროპარლამენტის 2020 წლის 16 სექტემბრის რეზოლუციაშიც არის აღნიშნული, რომ საქართველო უნდა ებრძოლოს კორუფციას და სახელმწიფოს მიტაცებას. მსოფლიო ბანკის განმარტებით, სახელმწიფოს მიტაცება არის სისტემური პოლიტიკური კორუფციის სახეობა, როდესაც პირადი სარგებლის მიზნით, პიროვნების კერძო ინტერესს მნიშვნელოვანი გავლენა აქვს ხელისუფლების მიერ გადაწყვეტილებების მიღების პროცესზე“,- ნათქვამია კვლევაში.