დღეისათვის, ქვეყნის ტერიტორიაზე 160 ერთეული ჰიდრომეტეოროლოგიური სადამკვირვებლო პუნქტი მოქმედებს. ამის შესახებ "კომერსანტს" გარემოს დაცვისა და სოფლის მეურნეობის სამინისტროდან აცნობეს. 

უწყების ინფორმაციით, მწვანე კლიმატის  ფონდის (Green Climate Fund) ფინანსური მხარდაჭერით, მიმდინარე პროექტის„მრავალმხრივი საფრთხეების ადრეული გაფრთხილების სისტემის გაფართოება და კლიმატთან დაკავშირებული ინფორმაციის გამოყენება საქართველოში“    ფარგლებში, გათვალისწინებულია დაკვირვების ქსელის გაფართოება. 2024 წლისთვის, ქვეყნის მასშტაბით, ჰიდრომეტეოროლოგიური სადგურების და საგუშაგოების რაოდენობა 300 ერთეულს გადააჭარბებს.

"აღნიშნული სადგურების დანიშნულება ქვეყნის სხვადასხვა წერტილში მეტეოროლოგიური და ჰიდროლოგიური პარამეტრების გაზომვა და მათი გავრცელებაა როგორც ეროვნულ, ისე საერთაშორისო დონეებზე. სადგურების უმრავლესობა სრულად ავტომატიზებულია და რეგულარულ ტექნიკურ სარემონტო/საკალიბრაციო სამუშაოებსსაჭიროებს.ახალი საკალიბრაციო ლაბორატორია, რომელიცსრულადაღიჭურვება უახლესი საკალიბრაციო დანადგარებით, უზრუნველყოფს ქვეყნის მასშტაბით განთავსებული ჰიდრომეტეოროლოგიური სადგურების გეგმურ კალიბრაციას, რაც გაზრდის ატმოსფერული წნევის, ტემპერატურის და ტენიანობის გაზომვის ხარისხს, ასევე, მინიმუმამდე დაიყვანს ჰიდრომეტეოროლოგიური პარამეტრების გაზომვების ცდომილებას," - აცხადებენ სამინისტროში.