საქართველოს სამოქალაქო ავიაციის სააგენტოს დირექტორსა და EUROCONTROL-ის გენერალურ დირექტორს შორის ორმხრივი ვიდეოშეხვედრა გაიმართა

საქართველოს სამოქალაქო ავიაციის სააგენტოს დირექტორსა და EUROCONTROL-ის გენერალურ დირექტორს შორის ორმხრივი ვიდეოშეხვედრა გაიმართა

access_time2020-11-20 23:00:00

ავიაციის სექტორში COVID-19 პანდემიით გამოწვეული კრიზისი და საჰაერო მიმოსვლის ეტაპობრივი აღდგენის კუთხით არსებული ტენდენციები განიხილეს დღეს გამართულ ვიდეოშეხვედრაზე საქართველოს სამოქალაქო ავიაციის სააგენტოს დირექტორმა, EUROCONTROL-ის მმართველი საბჭოს ვიცე-პრეზიდენტმა ლევან კარანაძემ და ამავე ორგანიზაციის გენერალურმა დირექტორმა იმონ ბრენანმა. ინფორმაციას სამოქალაქო ავიაციის სააგენტო ავრცელებს.



„მხარეებმა მიმოიხილეს როგორც საქართველოს, ისე ევროპის რეგიონის საჰაერო მოძრაობის მიმდინარე და საპროგნოზო მაჩვენებლები. საუბარი ასევე შეეხო ავიაციაზე COVID 19-ის უარყოფითი გავლენის შემცირების მიზნით გასატარებელ ღონისძიებებს და ევროკონტროლის წევრი სახელმწიფოების ერთობლივ აქტივობებს.



როგორც ევროპის საჰაერო ნავიგაციის უსაფრთხოების ორგანიზაციის (EUROCONTROL) გენერალურმა დირექტორმა შეხვედრაზე აღნიშნა, ყველაზე ოპტიმისტური სცენარით, ევროპის რეგიონი 2019 წლის საჰაერო მოძრაობის მაჩვენებლებს 2023 წელს მიუახლოვდება, ხოლო 2024 წელს გადაუსწრებს. აღნიშნული იმ შემთხვევაში გახდება შესაძლებელი, თუ ვაქცინა გლობალურად 2021 წელს ჩაეშვება მიმოქცევაში. ამავე სცენარის პირობებში, საქართველო გასული წლის მაჩვენებლებს 2022 წელს დაუბრუნდება, ხოლო 2019 წლის მაჩვენებლების გაუმჯობესებას 2023 წელს შეძლებს. გლობალურად, COVID 19-ის საწინააღმდეგო ვაქცინის 2022 წელს მიღების შემთხვევაში, გასული წლის მაჩვენებლებთან მიახლოვებას ქვეყანა 2023 წელს შეძლებს, ხოლო იმ შემთხვევაში თუ ვაქცინა არაეფექტური აღმოჩნდება, საჰაერო მოძრაობის 2019 წლის მაჩვენებლებს როგორც საქართველო, ისე ევროპის რეგიონი 2024 წელსაც ვერ დაუბრუნდება.




ვიდეოშეხვედრაზე, ყურადღება გამახვილდა ვირუსის გავრცელების მეორე ტალღით გამოწვეულ უარყოფით ფაქტორებზე, რამაც გლობალურად ახალი სასაზღვრო და სანიტარული შეზღუდვების დაწესება და შესაბამისად, საჰაერო მიმოსვლის ეტაპობრივი აღდგენის შეფერხება გამოიწვია. სამოქალაქო ავიაციის სააგენტოს დირექტორმა ევროკონტროლის პირველ პირს გააცნო საქართველოს საავიაციო ბაზარზე არსებული ვითარება, ფრენების განახლების კუთხით გადადგმული და დაგეგმილი ნაბიჯები, ასევე სააგენტოს, ავიაკომპანიების, აეროპორტებისა და სააერნაოსნო მომსახურების საწარმოს მიერ გაწეული სამუშაოები ოპერირების ჩვეულ რეჟიმზე გადასვლის კუთხით.



იმონ ბრენანმა ქართულ მხარეს მადლობა გადაუხადა ავიაკომპანიებისთვის სააერნაოსნო მომსახურების გადასახადის გადავადებისთვის. საქართველომ EUROCONTROL-ის აღნიშნულ გადაწყვეტილებას მიმდინარე წლის აპრილში დაუჭირა მხარი. ავიაკომპანიებს მარშრუტზე სააერნაოსნო მომსახურების გადასახადი შემდეგი სქემით გადაუვადდათ: მიმდინარე წლის თებერვლის გადასახადის გადახდის ბოლო ვადა განისაზღვრა 2020 წლის ნოემბერში, მიმდინარე წლის მარტის - 2021 წლის თებერვალში, მიმდინარე წლის აპრილის - 2021 წლის მაისში, ხოლო მიმდინარე წლის მაისის - 2021 წლის აგვისტოში“ – ნათქვამია ინფორმაციაში.









27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია
access_time2020-11-27 18:00:38
ცვლილებები საქართველოს საგასახადო კოდექსში - რას მოიცავს დღგ-ს რეფორმა და რამდენად გამარტივდება პროცედურები. რადიო კომერსანტის გადაცემაში „ჩემი აუდიტორი“ „გრანთ თორნთონის“ პარტნიორი პაატა შურღაია საუბრობს. „კარგი და მნიშვნელოვანი სიახლეა, ორი წელია უკვე გვესმის დღგ-ს ავტომატურად დაბრუნების რეჟიმის შესახებ. წინა ნაწილში საუბარი იყო ნაწილობრივი დაბრუნების შესახებ, ახლა კი სრულ დაბრუნებაზეა საუბარი. წესით მთლიანად დეფინიცია - დამატებითი...

ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება
access_time2020-11-27 14:45:22
საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31...


მსგავსი სიახლეები

up