საქართველოს საკრედიტო ბაზარზე ევროს მიმზიდველობა იზრდება

საქართველოს საკრედიტო ბაზარზე ევროს მიმზიდველობა იზრდება

access_time2019-07-22 17:40:49

ევროკავშირთან სავაჭრო ურთიერთობის დაახლოების პარალელურად საქართველოს ბიზნესსექტორი ევროს კრედიტებს სულ უფრო აქტიურად იღებს.


საქართველოს ეროვნული ბანკის მონაცემებით, 2019 წლის მაისის მდგომარეობით, ქვეყანაში ევროს სესხის საშუალო საპროცენტო განაკვეთი 6.32%-ს შეადგენს, რაც დოლარის სესხთან შედარებით უფრო იაფია. ბოლო რამდენიმე წლის განმავლობაში ევროს სესხების საპროცენტო განაკვეთები დოლარის საკრედიტო რესურსის ღირებულებაზე სწრაფად შემცირდა, შედეგად, საქართველოს კომერციული სექტორისთვის ევროს მიმზიდველობა გაიზარდა. შედარებისთვის, დოლარის სესხის განაკვეთი უახლესი სტატისტიკის მიხედვით 8.78%-ს შეადგენს.


რაც შეეხება ლარის სესხებს, ეროვნული ბანკის მონაცემებით, იურიდიული პირების ლარის სესხების საშუალო განაკვეთი 11.62%-ა.


განაკვეთის შემცირებას ბუნებრივი შედეგი მოჰყვა - ევროს საკრედიტო რესურსზე მოთხოვნა გაზარდა. 2019 წლის პირველ ხუთ თვეში საქართველოში €543 მილიონი (1.75 მილიარდი ლარის) ოდენობის ევროში ნომინირებული სესხი გაიცა.



ევროს საკრედიტო პორტფელის ეს მოცულობა რეკორდული იყო და ის 2018 წლის ანალოგიური პერიოდის მაჩვენებელს 219%-ით აღემატებოდა. ევროს სესხების ზრდის პარალელურად შემცირდა აშშ დოლარში ნომინირებული სესხების გაცემა, რაც, სხვა მიზეზებთან ერთად, სავარაუდოდ, 200,000 ლარამდე სავალუტო სესხების გაცემის აკრძალვას უკავშირდებოდა, რადგან იპოთეკურ და საშუალო ზომის ბიზნესსესხების ბაზარზე აშშ დოლარის სესხები კვლავ წამყვან პოზიციას იკავებს.


2019 წლის პირველ 5 თვეში აშშ დოლარით ნომინირებული $1,04 მილიარდის ანუ 2.95 მილიარდი ლარის ღირებულების დოლარის სესხები გაიცა. ეს 2018 წლის ანალოგიურ პერიოდთან შედარებით $584 მილიონით, ანუ 1.6 მილიარდი ლარით ნაკლებია.


იურიდიული პირებისთვის გაცემული ევროს სესხების მთლიანი პორტფელის მოცულობა, დოლართან შედარებით, კვლავ სამჯერ მცირეა. ამჟამად იურიდიული პირების ევროს სესხების ჯამური ნაშთი 2.35 მილიარდ ლარს შეადგენს, დოლარის სესხების ნაშთი – 6.7 მილიარდ ლარს, ლარის კორპორაციული სესხების ნაშთი კი 3.5 მილიარდია.


რაც შეეხება მთლიან საკრედიტო პორტფელს, მისი 43.3% ეროვნულ ვალუტაშია ნომინირებული, დანარჩენი წილი კი სავალუტო სესხებზე მოდის.


forbes.ge


თეგები:
ევრო



ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...

საქართველო ეკონომიკური ზრდის ტემპით რეგიონში ლიდერობას კარგავს

საქართველო ეკონომიკური ზრდის ტემპით რეგიონში ლიდერობას კარგავს
access_time2020-01-22 16:30:30
4.5-5% - ეს ის საპროგნოზო მაჩვენებლებია, რომელსაც ეროვნული ბანკი და უცხოური ორგანიზაციები, საქართველოში 2020 წელს ეკონომიკური ზრდისათვის პროგნოზირებენ. ეკონომიკური ზრდის ტემპით საქართველოს სომხეთი, ტაჯიკეთი, თურქმენეთი და უზბეკეთი უსწრებს. ეროვნული ბანკი ახალ საბაზო სცენარს აქვეყნებს, რომელიც მონეტარული პოლიტიკის ანგარიშის უახლეს გამოცემას ეფუძნება. ამ სცენარის მიხედვით, მომდევნო წლებში ეკონომიკური აქტივობა არსებულ ტენდენციას შეინარჩუნებს. ამასთანავე,...

„მოქალაქეებს უნდა მიეცეთ საშუალება, გახდნენ ანაკლიის პორტის თანამესაკუთრეები“

„მოქალაქეებს უნდა მიეცეთ საშუალება, გახდნენ  ანაკლიის  პორტის თანამესაკუთრეები“
access_time2020-01-22 17:30:33
„სწორი და ერთადერთი გზა ანაკლიის პორტის კერძო მეპატრონის ხელში გადასვლა, მისი აქციებად ქცევა და შესაბამისად, ამ გზით, არა თუ 120 მილიონის, არამედ, 1 მილიარდი დოლარის მოზიდვაა,“-ამის შესახებ რადიო „კომერსანტის“ გადაცემაში „პროფესიონალები“ „ეკონომიკური ტრანსფორმაციის ცენტრის პრეზიდენტმა“, რამაზ გერლიანმა  ისაუბრა და მთავრობის მხრიდან „ანაკლიის განვითარების კონსორციუმთან“ ხელშეკრულების შეწყვეტა შეაფასა.მისი თქმით, მთავრობა და ანაკლიის კონსორციუმი ბოლო პერიოდში ანაკლიის...


მსგავსი სიახლეები

up