საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს.
2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური ბრუნვა 0 ლარს შეადგენდა.
საპენსიო რეფორმის ამოქმედების მომხრეებისთვის კაპიტალის ბაზრის ამოქმედება და გრძელი ფულის გაჩენა მეორე მთავარ არგუმენტს წარმოადგენდა, თუმცა ეს ასე არ მოხდა. რეფორმის ამოქმედებიდან 2.5 წლის შემდეგ, საპენსიო სააგენტოს მიერ აკუმულირებული მთლიანი თანხა - 1.5 მლრდ-ზე მეტი ბირჟის ნაცვლად ისევ საბანკო დეპოზიტებზე აღმოჩნდა.
ბანკების წილმა, რომელმაც თითქმის მთლიანად ჩაყლაპა მიკროსაფინანსო ორგანიზაციები საფინანსო სერვისების ბაზარზე 95%-ს გადააჭარბა.