საქართველოს მთავრობის ადმინისტრაცია გიორგი გახარიას მიმართ ოთხი კონგრესმენის წერილს ავრცელებს

საქართველოს მთავრობის ადმინისტრაცია გიორგი გახარიას მიმართ ოთხი კონგრესმენის წერილს ავრცელებს

access_time2020-01-22 21:46:27

საქართველოს მთავრობის ადმინისტრაციის „ფეისბუქგვერდზე“ განთავსდა ოთხი კონგრესმენის – ადამ კინზინგერის, ჯერი კონოლის, ელიოტ ენგელისა და მაიკლ მაკაულის წერილი, რომლითაც ისინი საქართველოს პრემიერ-მინისტრ გიორგი გახარიას მიმართავენ.


როგორც წერილშია აღნიშნული, შეშფოთებას გამოთქვამენ „დაპირებული დემოკრატიულ რეფორმებზე უარისა და ამასთან დაკავშირებით მშვიდობიანი დემონსტრანტების წინააღმდეგ ძალადობის, ასევე ანაკლიის ღრმაწყლოვანი პორტის პროექტის პოლარიზაციის გამო“.


„ჩვენ გწერთ, როგორც კონგრესის წევრები, რომლებიც არიან დემოკრატიული რეფორმებისა და დასავლური ინტეგრაციისადმი საქართველოს გზის დიდი ხნის მხარდამჭერები. ამის მიუხედავად, როგორც ზოგიერთმა ჩვენგანმა გამოხატა თქვენდამი 2019 წლის 13 დეკემბერს მიწერილ წერილში, ჩვენ შეშფოთებულები ვართ დაპირებული დემოკრატიულ რეფორმებზე უარისა და ამასთან დაკავშირებით მშვიდობიანი დემონსტრანტების წინააღმდეგ ძალადობის გამო. ჩვენ ასევე შეშფოთებულები ვართ ანაკლიის ღრმაწყლოვანი პორტის პროექტის პოლარიზაციის გამო.


მაშინ, როდესაც საქართველო „ქართული ოცნების“ ხელმძღვანელობით წინ მიიწევს 2020 წლის საპარლამენტო არჩევნებისკენ, ჩვენ მოგიწოდებთ, დაიცვათ ამ არჩევნების ლეგიტიმურობა და უზრუნველყოთ, რომ ისინი დაცული იქნება შიდა და გარე ჩარევისგან. 2019 წლის 17 დეკემბრით დათარიღებულ თქვენს საპასუხო წერილში, თქვენ პირობა დადეთ, რომ 2020 წლის არჩევნები უმაღლესი სტანდარტების შესაბამისად ჩატარდება. თუმცა, ბოლო ცნობები აჩვენებს, რომ „ფეისბუქმა“ დახურა „ქართული ოცნების“ მიერ დაფინანსებული ანგარიშების ფართო ქსელი. როგორც ჩანს, ამ ანგარიშებით ვრცელდებოდა ანტიდემოკრატიული, ანტიდასავლური განწყობები, რაც მიუღებელია.



გარდა ამისა, ჩვენ შეშფოთებული ვართ ცნობებით, რომ „ქართული ოცნების“ მიერ დანიშნული პროკურორები ხელახლა ხსნიან ძველ სამართლებრივ საქმეებს პარტიის ოპონენტების წინააღმდეგ. იმ დროს, როდესაც ზოგიერთ ამ საქმეს შესაძლოა, ჰქონდეს საფუძველი, ზოგი კი აღიქმება როგორც წამყვანი ოპოზიციონერი პოლიტიკური ფიგურების, ახალი ამბების მიმწოდებლების, საერთაშორისო კორპორაციებისა და სამოქალაქო საზოგადოების წევრების დევნა“, – ნათქვამია ოთხი კონგრესმენის წერილში.


მათივე თქმით, კანონის უზენაესობის პატივისცემა, მიუკერძოებელი სასამართლო სისტემა ჯანსაღი დემოკრატიის, თავისუფალი და სამართლიანი არჩევნებისთვის მნიშვნელოვანია, რომელიც იყო გარანტირებული მმართველი პარტიის მიერ.


„1991 წელს, საქართველოს დამოუკიდებლობიდან, ჩვენ მოწმე ვართ, რომ ქართველი ხალხი მტკიცედ მიიწევს წინ დემოკრატიისკენ და დასავლეთთან უფრო გაღრმავებული პარტნიორობისკენ. თუმცა, გასული სამი ათწლეულის განმავლობაში წარმოდგენილი დაპირების მიუხედავად, ბოლოდროინდელი დემოკრატიული და ეკონომიკური ტენდენციები უარყოფითად აისახება საქართველოს იმიჯზე აშშ-ში. სამწუხაროდ, ეკონომიკური ინდიკატორები საქართველოში პირდაპირი უცხოური ინვესტიციების მკვეთრ შემცირებას გვიჩვენებს, რამდენადაც ამერიკულმა და ევროპულმა კომპანიებმა განიცადეს შევიწროება, რამაც მრავალი დააფიქრა მათ ბიზნესრისკებზე.


ამასთანავე, „ქართული ოცნების“ მიერ აშშ-ის მიერ მხარდაჭერილი ანაკლიის განვითარების კონსორციუმის სავარაუდო დევნა აკავებს ან ხელს უშლის ამერიკული კომპანიებისგან ინვესტიციებს ამ მნიშვნელოვან პროექტში. ეს მოვლენები, როგორც ჩანს, აისახება მზარდ არასახარბიელო ბიზნესგარემოზე და შესაძლოა, მომავალში შეაკავოს ამერიკული ინვესტიციები საქართველოში. შემცირებული უცხოური ინვესტიციები არა მხოლოდ ვნებს ქართველ ხალხს და მათ იმედებს უფრო ღრმა ინტეგრაციისკენ დასავლურ ინსტიტუტებთან, არამედ ასევე აძლიერებს ვლადიმერ პუტინის ხელს რეგიონში. საქართველო შესაძლოა, იყოს სასიცოცხლო ჰაბი საქონლის გადაზიდვისას აშშ-დან და ევროპიდან ცენტრალურ აზიაში და უკან, რაც ხელს შეუწყობს ქართული ეკონომიკის განვითარებას.


ჩვენ აღვნიშნავთ ამ შეშფოთებებს იმედით, რომ გავაძლიეროთ საქართველო, როგორც დემოკრატია და ავირიდოთ უარყოფითი გავლენა იმ ფართო ორპარტიულ და ორპალატიან მხარდაჭერაზე, რომლითაც საქართველო სარგებლობს. ვიმედოვნებთ, რომ თქვენი მთავრობა იმუშავებს აშშ-ის კონგრესთან, ელჩ კელი დეგნანთან, ევროკავშირთან და არასამთავრობო ორგანიზაციებთან, რათა გაძლიერდეს დემოკრატიული ინსტიტუტები და ქართველი ხალხის ეკონომიკური კეთილდღეობა და საქართველომ შეძლოს, იყოს აშშ-ის სტრატეგიული პარტნიორი მრავალი წლის განმავლობაში. ველით თქვენს პასუხს“, – ნათავამია ოთხი ამერიკელი კონგრესმენის წერილში.


1tv.ge





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up