საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს

access_time2021-10-17 11:00:07

სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ ჭრილშიც.

კერძოდ, სტატისტიკური მონაცემებით, 2021 წლის სექტემბერში საარსებო შემწეობის მიმღებთა რიცხვი 628 156-ს შეადგენდა, რაც მთლიანი მოსახლეობის 16,8%-ს შეადგენს. 2020 წლის სექტემბერში კი ეს მაჩვენებელი 502 258 ადამიანი იყო.

რაც შეეხება 2021 წლის თვიურ მონაცემებს, საარსებო შემწეობის მიმღებ ადამიანთა რაოდენობა მიმდინარე წელს თვეების მიხედვით, ასე გამოიყურება:

  • იანვარი - 532 242
  • თებერვალი - 535 516
  • მარტი - 541 764
  • აპრილი - 545 623
  • მაისი - 551 638
  • ივნისში - 555 657
  • ივლისი - 622 266
  • აგვისტო - 622 923
  • სექტემბერი - 628 156

გთავაზობთ მონაცემებს რეგიონების მიხედვითაც:

თბილისში 2021 წლის სექტემბერში საარსებო შემწეობას 128 621 ადამიანი იღებდა, ეს მაშინ, როდესაც გასული წლის ანალოგიურ პერიოდში უკიდურესად გაჭირვებული 106 253 ადამიანი იყო რეგისტრირებული;

  • იმერეთი - მიმდინარე წლის სექტემბერში - 81 370 ადამიანი - გასული წლის ანალოგიურ პერიოდში - 65 388;
  • ქვემო ქართლი - 2021 წლის სექტემბერში 74 810 ადამიანი - 2020 წლის ანალოგიურ პერიოდში - 56 033;
  • სამეგრელო ზემო სვანეთი - მიმდინარე წლის სექტემბერში 73 846 ადამიანი - გასული წლის სექტემბერში - 63 433;
  • აჭარის ავტონომიური რესპუბლიკა - 2021 წლის სექტემბერში 68 999 ადამიანი - 2020 წლის ანალოგიურ პერიოდში - 49 478 ადამიანი;
  • კახეთი - 2021 წლის სექტემბერში 64 833 ადამიანი იღებდა შემწობას, წინა წლის ანალოგიურ პერიოდში - 51 304;
  • შიდა ქართლი - მიმდინარე წლის სექტემბერში 56 864 ადამიანი - გასული წლის სექტემბერში - 47 003;
  • გურიაში 2021 წლის სექტემბერში - 27 031 ადამიანი იყო სიღარიბის ზღვარს მიღმა, 2020 წლის სექტემბერში - 21 322;
  • სამცხე-ჯავახეთი - 2021 წლის სექტემბერში - 18 849 ადამიანი - 2020 წლის სექტემბერში - 13 009;
  • მცხეთა-მთიანეთი - 2021 წლის სექტემბერში - 18 433 სოციალურად დაუცველი იყო, გასული წლის ანალოგიურ პერიოდში - 15 404;
  • რაჭა - ლეჩხუმი და ქვემო სვანეთი - მიმდინარე წლის სექტემბერში 14 500, 2020 წლის ანალოგიურ პერიოდში - 13 631.

აღსანიშნავია, რომ ერთ მილიონს აჭარბებს სოციალური მომსახურების სააგენტოს ბაზაში რეგისტრირებულთა რაოდენობა, ანუ მათი რიცხვი, ვინც თვლის, რომ ღარიბია და დახმარებას საჭიროებს. უფრო კონკრეტულად, 2020 წლის მარტში ასეთი ადამიანების რიცხვი შეადგენდა 979 850-ს, დღეის მდგომარეობით კი ბაზაში 1 072 277 ადამიანია რეგისტრირებული.



წყარო: „ბიზნესპრესნიუსი“ 




სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!

სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!
access_time2021-12-07 09:55:26
სილქფესტი 7 დეკემბერს ულიმიტო პირობებს...

„დიდგორელის“ მონაწილეთა პირველი კონფერენცია

„დიდგორელის“  მონაწილეთა პირველი კონფერენცია
access_time2021-12-06 17:50:47
საქართველოს პარლამენტის ეროვნულ ბიბლიოთეკაში, საგანმანათლებლო პროექტ  „დიდგორელის“ ორგანიზებითა და  არემჯის მხარდაჭერით,  ოკუპირებულ აფხაზეთში არსებული კულტურული მემკვიდრეობის ძეგლების შესახებ მოსწავლეთა კონფერენცია გაიმართა. მოსწავლეთა კონფერენციაში მონაწილეობა თბილისის, ზუგდიდის, მესტიის, მარნეულის ახალციხის, გარდაბნის და თეთრიწყაროს სკოლების ოცამდე მოსწავლემ მიიღო. მოსწავლეებმა, პროექტ ,,დიდგორელის’’ ავტორებთან და...

ლარის კურსი ყველა ძირითად ვალუტებთან მიმართებით გამყარდა

ლარის კურსი ყველა ძირითად ვალუტებთან მიმართებით გამყარდა
access_time2021-12-06 18:00:16
6 დეკემბრის ვაჭრობის შედეგად ლარი აშშ დოლართან მიმართებაში 2.43 თეთრით 3.0967-მდე გამყარდა. Bloomberg-ის პლატფორმაზე დღის ბოლოს კურსმა 3.0900 შეადგინა. საერთაშორისო ვალუტებიდან ლარი ევროსთან 3.09 თეთრით 3.4993-მდე, ბრიტანულ ფუნტთან 4.10 თეთრით 4.1037-მდე, აზერბაიჯანულ მანათთან 1.60 თეთრით 1.8215-მდე, ლარი თურქულ ლირასთან 0.44 თეთრით 0.2247-მდე, 1000 სომხურ დრამთან 5.06 თეთრით 6.2921-მდე, ხოლო 100 რუსულ რუბლთან 4.26 თეთრით...

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება
access_time2021-12-06 18:30:16
ინფექციური კლინიკა ახალ შენობაში, დიდი ალბათობით, არც წელს გადავა. ამის შესახებ jandacva.ge-ს  „ავერსში“ განუცხადეს, რომელსაც ის ტერიტორია ეკუთვნის, სადაც ინფექციური საავადმყოფოა განთავსებული. „ავერსი ფარმას“ დირექტორის ირაკლი ფურცელაძის განცხადებით,  ახალ შენობაში, რომელიც ინფექციურ საავადმყოფოს სახელმწიფომ 2020 წლის მაისში შეუძინა და რომელიც თეთრი კარკასის მდგომარეობაშია, „კარიც კი არავის შეუღია“ და იქ ამ ხნის განმავლობაში არანაირი...

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში
access_time2021-12-07 10:00:58
„ინფლაცია არ არის მხოლოდ საქართველოს გამოწვევა, ეს არის მსოფლიოს უმრავლესი ქვეყნების გამოწვევა. აშშ-ში 6.2% ინფლაცია, გერმანიაშიც ბოლო 30 წლის განმავლობაში ძალიან მაღალი ინფლაციაა და ნუ წარმოვაჩენთ ამას როგორც მხოლოდ საქართველოს პრობლემას, ეს არის გლობალური პრობლემა, რომელიც პანდემიამ და მასთან დაკავშირებულმა მოვლენებმა მოიტანა“, - ამის შესახებ საქართველოს ეროვნული ბანკის (სებ) პრეზიდენტმა კობა გვენეტაძემ განაცხადა. საქართველოს კანონმდებლობით ინფლაციაზე...


მსგავსი სიახლეები

up