საქართველოს მეფუტკრეთა გაერთიანება ღია წერილს ავრცელებს

საქართველოს მეფუტკრეთა გაერთიანება ღია წერილს ავრცელებს

access_time2020-09-24 14:30:00

„საქართველოს მეფუტკრეთა გაერთიანება“, რომლის ქოლგის ქვეშ საქართველოში რეგიტრირებული 13  დარგობრივი ორგანიზაცია/ასოციაციაა გაერთიანებული, საზოგადოებრივ მაუწყებელს ღია წერილს უგზავნის: კომერსანტი წერილს უცვლელად გთავაზობთ:

 

საქართველოს საზოგადოებრივი მაუწყებლის ერთ-ერთ ყველაზე რეიტინგულ შოუში, „მასტერშეფი“, 2020 წლის 20 სექტემბერს, ჟიურის წევრის ლუკა ნაჭყებიას მიერ თაფლის ინდუსტრიის, როგორც „ერთ-ერთი ყველაზე დიდი აფიორების ინდუსტრია მსოფლიოში“ და თაფლის „არასასარგებლო და ღირებულების არმქონე“ პროდუქტად და „ყველაზე დიდ ალერგენად“ მოხსენიებამ, თაფლის მწარმოებლებისა და მისი მომხმარებლების დიდი აღშფოთება გამოიწვია. ვიდეოს, სადაც ზემოთხსენებული კომენტარია, 300 ათასამდე ნახვა და ასეულობით აღშფოთებული ადამიანის კომენტარი აქვს. ეთერში გასულმა ამ განცხადებამ დარტყმის ქვეშ დააყენა ის 8000 ოჯახი მთელი საქართველოს მასშტაბით, რომელთა შემოსავლის ერთ-ერთი ძირითადი წყარო მეფუტკრეობაა.

 

ქართული თაფლს 7000 წლიანი ისტორია აქვს; ქართული ფუტკარი მსოფლიოში ერთ-ერთი საუკეთესოა; მეფუტკრეობა ჩვენი სოფლის მეურნეობის ის დარგია, რომლის გადარჩენისთვის სახელმწიფოს და დონორი ორგანიზაციების მიერ დიდი რაოდენობით თანხები იხარჯება; თაფლი (თევზთან ერთად) ის პირველი პროდუქტია, რომლის ევროპაში ექსპორტის უფლებაც საქართველომ მიიღო; თაფლის სასარგებლო და სამკურნალო თვისებებზე უამრავი სამეცნიერო კვლევაა გაკეთებული და ამის მტკიცება ჩვენი მხრიდან „ღია კარის მტვრევად“ მიგვაჩნია, რადგან ამაზე არავინ დავობს;  

 


მაშ, რატომ გამოიწვია ასეთი აღშფოთება ერთი ადამიანის ნახევარწუთიანმა განცხადებამ? იმიტომ, რომ ახალა, COVID19-ის გამო დაპაუზებული ექსპორტის პირობებში, ქართული თაფლის ერთადერთი ბაზარი შიდა ბაზარია, ანუ ის ადამიანები, რომლებიც საზმაუს და მის ერთ-ერთ ყველაზე რეიტინგულ გადაცემას „მასტერშეფს“ უყურებენ და უჯერებენ.

 

საზოგადოებრივ მაუწყებელს გააჩნია შინაარსობრივი ვალდებულებები (მუხლი 16), მაუწყებელი ვალდებულია მიიღოს ყველა ზომა პროგრამებში მოყვანილი ფაქტების ჯეროვანი სიზუსტის უზრუნველსაყოფად და დროულად შეასწოროს შეცდომები (მუხლი 52), საზოგადოებრივ მაუწყებელს გააჩნია ასევე მთელი რიგი პროგრამული შეზღუდვები (მუხლი 56),  რომ დისკრიმინაცია არ მოხდეს ამა თუ იმ საზოგადოების ნაწილის და მისი საქმიანობის. ასევე დაუშვებელია ადამიანის ქვეცნობიერებაზე ზემოქმედება, რაც გადაცემაში ჟიურის მიერ გაკეთდა (მუხლი 57).

 

ჩვენი მოთხოვნაა, საზოგადოებრივი მაუწყებლის შესახებ კანონის შესაბამისად, მოხდეს რეაგირება და გასწორდეს დაშვებული შეცდომა, კერძოდ, ჩვენ ვთვლით, რომ გადაცემის ერთ-ერთი წამყვანის მიერ გაკეთებულმა განცხადებამ ზიანი მიაყენა მეფუტკრეობის დარგს, ამიტომ მაუწყებლის 1-ლი არხის მხრიდან თანაზომადი იქნება შემდეგი:

  1. „მასტერშეფის“ ეთერში გასვლისას, სარეკლამო ჭრებში, სოციალური რეკლამისთვის განკუთვნილი დრო დაეთმოს ქართული თაფლის და ქართული მეფუტკრეობის დარგის პოპულარიზაციას.
  2. „მასტერშეფის“ ამ სეზონის ერთ-ერთ გადაცემაში გაკეთდეს „თაფლის ტური“, რაც ამ გადაცემის ფორმატში სრულიად ჯდება, რადგან გაკეთებული აქვთ ტარხუნის, მწვადის, ხინკლის, ბურგერის და ა.შ. ტურები.

 

„საქართველოს მეფუტკრეთა გაერთიანება“, რომლის ქოლგის ქვეშ 13 დარგობრივი ორგანიზაცია/ასოციაცია  და ათასობით მეფუტკრეა გაერთიანებული, მზადაა აქტიურად ითანამშრომლოს საზოგადოებრივი მაუწყებლის პირველ არხთან: მიაწოდოს მას ლაბორატორიულად შემოწმებული ნამდვილი ქართული თაფლი და დაეხმაროს სოციალური სარეკლამო ვიდეო რგოლის შექმნაში (ვიდეო რგოლი მზადაა და შეგვიძლია გადმოგცეთ)“,- ნათქვამია წერილში.





დღის Top 10 საინტერესო ამბავი

დღის Top 10 საინტერესო ამბავი
access_time2020-10-23 21:00:15
დღის Top 10 საინტერესო ამბავი:   1. თბილისს ხვალიდან 126 ახალი ავტობუსი მოემსახურება მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ, ევროპის რეკონსტრუქციისა და განვითარების ბანკის (EBRD) ხელშეწყობით, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის ავტობუსი შეისყიდა. მათი ნაწილი...

23 ოქტომბერი - რეგიონში ყველა ვალუტა გაუფასურდა

23 ოქტომბერი - რეგიონში ყველა ვალუტა გაუფასურდა
access_time2020-10-23 18:15:38
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 23 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2202 ლარი...

“ვენდი” მიტანის, Pick Up და Drive-Thru სერვისით მომხმარებელს 24/7-ზე ემსახურება

“ვენდი” მიტანის, Pick Up  და Drive-Thru სერვისით მომხმარებელს  24/7-ზე ემსახურება
access_time2020-10-23 17:15:26
“ვენდის” რესტორნების ქსელი სამთავრობო დადგენილების შესაბამისად რესტორნებში სტუმრებს ყოველდღიურად 22:00 საათამდე ემსახურება, თუმცა ამერიკული რესტორნების უგემრიელესი მენიუს დაგემოვნება ერთგულ მომხმარებელს მიტანის, Pick Up  და Drive-Thru სერვისით  24/7-ზე შეუძლიათ.   ““ვენდის” რესტორნების ქსელი ვიზიარებთ ჩვენ წილ საზოგადოებრივ პასუხისმგებლობას და უწყეტ რეჟიმში უზრუნველვყოთ ნებისმიერი ოდენობის მომხმარებელთა მოთხოვნის დაკმაყოფილება, რაც გულისხმობს როგორც ჩვენს...

Starbucks-ი ფულს კლიენტებისგან შეუმჩნევლად სესხულობს

Starbucks-ი ფულს კლიენტებისგან შეუმჩნევლად სესხულობს
access_time2020-10-23 20:00:04
Starbucks-ის ონლაინ დამატება კომპანიას უპროცენტო საკრედიტო დარბაზთან წვდომას და დამატებით შემოსავალს აძლევს.   საქმე იმაშია, რომ ყავახანების ქსელი სასაჩუქრე ბარათებზე დარჩენილ...

საქართველოში უცხოეთიდან შემოსვლის წესები და პირობები შეიცვალა

საქართველოში უცხოეთიდან შემოსვლის წესები და პირობები შეიცვალა
access_time2020-10-23 16:30:10
იზოლაციისა და კარანტინს წესების დამტკიცების შესახებ საქართველოს მთავრობის N322 დადგენილებაში 2020 წლის 21 ოქტომბერს განხორციელებული ცვლილებების თანახმად უცხო ქვეყნიდან ჩამოსული საქართველოს მოქალაქეები, აგრეთვე მათი ოჯახის წევრები, იზოლაციაში განთავსდებიან 8 დღით, შემდეგი წესის შესაბამისად:   ა) უცხო ქვეყნიდან ჩამოსულმა პირმა სასაზღვრო პუნქტებზე უნდა წარადგინოს საქართველოში ვიზიტამდე უკანასკნელი 72 საათის განმავლობაში ჩატარებული PCR კვლევის დამადასტურებელი საბუთი, რის...


მსგავსი სიახლეები

up