საქართველოს ფოსტა ბაზრის მონოპოლისტი გახდა - საფოსტო გზავნილების ოპერატორები საქართველოს წინააღმდეგ ევროსასამართლოში ჩივილს გეგმავენ

საქართველოს ფოსტა ბაზრის მონოპოლისტი გახდა - საფოსტო გზავნილების ოპერატორები საქართველოს წინააღმდეგ ევროსასამართლოში ჩივილს გეგმავენ

access_time2018-06-24 19:00:21

საქართველო შესაძლოა, კიდევ ერთი საერთაშორისო სკანდალის შუაგულში აღმოჩნდეს. საფოსტო გზავნილების მსოფლიოში ცნობილი ოპერატორები ამბობენ, რომ მათ საქართველოში სამართლიანი სასამართლოს უფლება წაართვეს და ამიტომ ქვეყნის წინააღდეგ ჩივილს ევროსასამართლოში აპირებენ  ამის შესახებ ინფორმაციას „რუსთავი 2“ ავრცელებს.


ტელეკომპანიის ინფორმაციით 3 წელია, თითქმის, ყველა სახელმწიფო დაწესებულების გზავნილები და ამანათები ადრესატამდე საქართველოს ფოსტას მიაქვს.

დღეს კანონით სახელმწიფო დაწესებულება არ არის ვალდებული საფოსტო მომსახურებაზე ტენდერი გამოაცხადოს და შეუძლია, საქართველოს ფოსტასხელშეკრულება პირდაპირ გაუფორმოს.

საფოსტო გზავნილების საერთაშორისო ოპერატორები ზარალს ითვლიან. მას შემდეგ, რაც საქართველოს ფოსტა ბაზრის მონოპოლისტი გახდა, კერძო კომპანიებმა, თითქმის, ყველა სახელმწიფო შესყიდვა დაკარგეს.

მხოლოდ საერთაშორისო საფოსტო-გადაზიდვების კომპანიას TNT მილიონიანი ზარალი მიადგა. კომპანიაში ფიქრობენ, რომ ხელისუფლება თავისუფალი სავაჭრო ბაზრის პრინციპებს არღვევს და მან საქართველოს ფოსტა მონოპოლისტად განზრახ აქცია.

TNT-მ საკონსტიტუციო სასამართლოში იჩივლა, საქმის არსებითი განხილვა, ერთი წლისა და 6 თვის წინ დასრულდა, თუმცა, გადაწყვეტილება სასამართლოს პირველ კოლეგიას ამ დრომდე არ გამოუცხადებია.


TNT-ში ეჭვობენ, რომ ხელისუფლების გავლენიანმა მაღალჩინოსნებმა სასამართლოზე გავლენა მოახდინეს და ამიტომ გადაწყვეტილების გამოცხადება ჭიანურდება. საქართველოს ფოსტის ერთ-ერთი მთავარ ლობისტად საერთაშორისო კომპანიის თბილისის ოფისში ეკონომიკის მინისტრს, დიმიტრი ქუმსიშვილს, ასახელებენ.

„ეს ჯაჭვი არის სახელმწიფო პოლიტიკის ნაწილი, ჩვენთვის ცხადია, რომ სახელმწიფო ცდილობს მონოპოლიის დამკვიდრებას საქართველოს ფოსტის სასარგებლოდ. სასამართლოში ჩვენს და ევროკომისიის მოწინააღმდეგედ გამოდიოდა ბატონი დიმიტრი ქუმსიშვილი,  ამბობს კომპანიის TNT დირექტორი ნინო მენთეშაშვილი

მას შემდეგ, რაც ფოსტა კანონით პარლამენტმა მონოპოლისტად გადააქცია, სახელწმიფო უწყებებმა ხელშეკრულებები გაუწყვიტეს კიდევ ერთ მსოფლიო ბრენდს დი ეჩი ელ-ს.

„ეს ეწინააღმდეგება როგორც თავისუფალი ეკონომიკური ბაზრის პრინციპებს, ასევე ხელს უშლის ქვეყნის ეკონომიკურ განვითარებას. კონკურენტუნარიანი არ არის გარემო, შესაბამისად ვერ მოხდება ხარისხის დახვეწა“,-ამბობს დი ეჩი ელის რეგიონალური ხელმძღვანელი ზურაბ საბანაძე.

შესყიდვების შესახებ კანონის კონსტიტუციასთან შესაბამისობაზე გადაწყვეტილებას უკვე წელიწადნახევარია საკონსტიტუციო სასამართლოს პირველი კოლეგია არ აცხადებს. კოლეგიის წევრებს შორის არიან მერაბ ტურავა, ევა გოცირიძე, გიორგი კვერენჩიხლაძე და მაია კოპალეიშვილი. თუმცა, კურიერის კითხვებს მერაბ ტურავა არ პასუხობს.

საქართველოს ფოსტის ხელმძღვანელობამ კონკურენტების ბრალდებებზე პასუხის გაცემა არ ისურვა. დეტალებზე საუბარი სასამართლოს გადაწყვეტილებამდე არ სურთ არც ეკონომიკის სამინისტროში.

იმ შემთხვევაში, თუ უახლოეს მომავალში მერაბ ტურავას კოლეგია კერძო საფოსტო კომპანიის საქმეზე გადაწყვეტილებას არ გამოაცხადებს, კომპანიის იურისტები ევროსასამართლოსთვის ემზადებიან. 




როგორი იქნება ახალი სარეკრეაციო სივრცე ყაზბეგში (ფოტოები)

როგორი იქნება ახალი სარეკრეაციო სივრცე ყაზბეგში (ფოტოები)
access_time2020-08-04 12:20:14
ყაზბეგის მუნიციპალიტეტის დაკვეთით დაბა სტეფანწმინდაში ახალი სარეკრეაციო სივრცე „ელიას პარკი“ ეწყობა.მოსასვენებელი სივრცის პროექტირებას არქიტექტურული კომპანია „სპექტრუმი“ ახორციელებს, რომელიც მიზნად 15 590 კვ.მ. რეკრეაციული ტერიტორიის რეაბილიტაციასა და მრავალფუნქციური სივრცის მოწყობას ისახავს. საპროექტო პარკის ცენტრს, როგორც იდეოლოგიურს, ასევე ფუნქციურს წარმოადგენს ლითონის კონსტრუქციით შექმნილი, დაახლოებით 25 მეტრის სიმაღლის მქონე გადმოსახედი ეწ. ბელვედერი,...

ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე
access_time2020-08-04 14:40:36
პოლიტიკურმა პლატფორმამ „სტრატეგია აღმაშენებელი“ საარჩევნო კამპანია ოფიციალურად გახსნა, პრემიერ-მინისტრობის კანდიდატად კი გიორგი ვაშაძე წარადგინა. გიორგი ვაშაძემ 5 მთავარი დაპირების შესახებ ისაუბრა, რომელიც სამუშაო ადგილების შექმნას, დაბალპროცენტიან სესხებს, ანტიმონოპოლიურ საბანკო სისტემას, მედიკამენტების გაიაფებას და მცირე და საშუალო ბიზნესის დამატებითი გადასახადისგან გათავისუფლებას გულისხმობს: „სტრატეგია აღმაშენებლის გუნდის დაპირება ნომერი...

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“
access_time2020-08-04 15:20:33
თევზისა და თევზის პროდუქტების მწარმოებელი კომპანია „ქართული ხიზილალა“ სხვა ადგილობრივ მწარმოებლებთან ერთად, 3-5 წლიან პერიოდში ქართულ ბაზარზე იმპორტირებული ხიზილალის წილის მინიმუმამდე დაყვანას გეგმავს, - განუცხადა „ბიზნესპარტნიორს“ კომპანიის დამფუძნებელმა ალექსანდრე დადიანიძემ. კომპანიის საკუთრებაშია გორის რაიონის სოფელ კარალეთში 3 თევზსაშენი და რესტორანი „თევზის სახლი“. მისი ინფორმაციით, დღეს ბაზარზე იმპორტირებული ხიზილალის წილი 90-დან 70%-მდე არის...


მსგავსი სიახლეები

up