საქართველოს ეროვნულმა ბანკმა IFC-თან თანამშრომლობით მდგრადი დაფინანსების საერთაშორისო კონფერენციას უმასპინძლა

საქართველოს ეროვნულმა ბანკმა IFC-თან თანამშრომლობით მდგრადი დაფინანსების საერთაშორისო კონფერენციას უმასპინძლა

access_time2019-10-31 15:15:35

31 ოქტომბერს საქართველოს ეროვნულმა ბანკმა, საერთაშორისო საფინანსო კორპორაციასა (IFC) და მდგრად საბანკო ქსელთან (SBN) თანამშრომლობით, მდგრადი დაფინანსების კონფერენციას უმასპინძლა. ღონისძიებაში მონაწილეობდნენ IFC-ის ექსპერტები, SBN-ის წევრი ქვეყნებისა და რეგიონის ცენტრალური ბანკების წარმომადგენლები. კონფერენციას ასევე ესწრებოდნენ შესაბამისი სამინისტროებისა და საერთაშორისო ორგანიზაციების წარმომადგენლები, საფინანსო ორგანიზაციების პრეზიდენტები/აღმასრულებელი დირექტორები და სხვა დაინტერესებული მხარეები.


სამუშაო შეხვედრა საქართველოს ეროვნული ბანკის პრეზიდენტმა გახსნა. კობა გვენეტაძემ გამჭვირვალობისა და ინფორმაციის გასაჯაროების მნიშვნელობაზე ისაუბრა. ამასთან, ეროვნული ბანკის პრეზიდენტმა ხაზი გაუსვა გარემოსდაცვითი, სოციალური და მმართველობითი საკითხების მნიშვნელოვან როლს გადაწყვეტილებების მიღების პროცესში, რაც ქვეყნის ფინანსური სტაბილურობის და მდგრადი განვითარების აუცილებელი პირობაა.


"ცენტრალურმა ბანკებმა და რეგულატორებმა გარემოსდაცვითი, სოციალური და მმართველობითი საკითხების ანგარიშგების პრინციპებისა და სხვა სტანდარტების შემუშავებით ხელი უნდა შეუწყონ მდგრადი დაფინანსების განვითარებას. საქართველოს ეროვნულმა ბანკმა ამ მიმართულებით აქტიურად მუშაობა 2017 წლიდან დაიწყო, როდესაც მდგრად საბანკო ქსელში გაწევრიანდა", - განაცხადა ეროვნული ბანკის პრეზიდენტმა თავის გამოსვლაში.


აღნიშნული კონფერენცია მეორე ღონისძიებაა მდგრადი დაფინანსების მიმართულებით, რომელსაც ეროვნულმა ბანკმა IFC–თან თანამშრომლობით უმასპინძლა. 2018 წლის სექტემბრის პირველი სამუშაო შეხვედრის შემდეგ, ეროვნულმა ბანკმა მნიშვნელოვანი პროგრესი განიცადა საქართველოში მდგრადი დაფინანსების ჩარჩოს შემუშავების კუთხით. ერთ-ერთი მნიშვნელოვანი ნაბიჯი 2019 წლის აპრილში მდგრადი ფინანსების განვითარების გზამკვლევის გამოქვეყნება იყო.



მდგრადი დაფინანსების გზამკვლევი წარმოადგენს საქართველოს ეროვნული ბანკის მიერ მდგრადი დაფინანსების განვითარების მიზნით დაგეგმილი ღონისძიებების სიას, რომელთა განხორციელებაც მომდევნო სამი-ოთხი წლის განმავლობაშია დაგეგმილი. გზამკვლევი შექმნილია IFC/SBN-თან ახლო თანამშრომლობით და მისი მთავარი მიზანია შექმნას სანდო, პროგნოზირებადი და სტაბილური რეგულატორული ჩარჩო, რომელიც ბაზარს მდგრად დაფინანსებაზე გადასვლისთვის მოამზადებს. ამასთან, ეროვნულმა ბანკმა IFC-ის დახმარებით ბანკების კორპორაციული მართვის კოდექსში გარემოსდაცვითი, სოციალური და მმართველობითი საკითხების ინტეგრირება განახორციელა. ამ ეტაპზე მიმდინარეობს მუშაობა მსგავსი თემების კაპიტალის ბაზრების კორპორაციული მართვის კოდექსში ინტეგრაციისთვის.


"ბოლო წლებში მდგრადი დაფინანსების მიმართულებით საქართველომ მნიშვნელოვანი პროგრესი განიცადა. 2017 წელს ეროვნული ბანკის მდგრად საბანკო ქსელში გაწევრიანების შემდეგ არსებითი ნაბიჯები გადაიდგა მდგრადი აფინანსების ჩარჩოს განვითარებისთვის. ამ პროცესში მნიშვნელოვანია ქვეყნებს შორის გამოცდილების გაზიარება, რის საშუალებასაც ეროვნულ ბანკს SBN-ის წევრობა აძლევს. ჩვენ გავაგრძელებთ ეროვნულ ბანკთან თანამშრომლობას გზამკვლევის ფარგლებში დაგეგმილი ღონისძიებების წარმატებით განხორციელების ხელშესაწყობად, რაც ასევე კარგი მაგალითი იქნება რეგიონის სხვა ქვეყნებისთვის", - განაცხადა IFC-ის გარემოსდაცვითი, სოციალური და მმართველობითი საკითხების დეპარტამენტის დირექტორმა მერი პორტერ პეშკამ.


კონფერენციაზე მონაწილეებმა განიხილეს მდგრადი დაფინანსების წინაშე არსებული გამოწვევები, ისაუბრეს გზამკვლევისა და სხვა მსგავსი დოკუმენტების მნიშვნელობაზე. განსაკუთრებული ყურადღება დაეთმო გარემოსდაცვითი, სოციალური და მმართველობითი საკითხების გასაჯაროებისა და გამჭვირვალობის თემებს. მონაწილეებმა ასევე ხაზი გაუსვეს ფინანსური ზედამხედველობის და რეგულატორული ინიციატივების მნიშვნელობას მდგრადი დაფინანსების განვითარებისთვის.


„კომერსანტი“





სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ

სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ
access_time2020-09-30 18:55:13
ბოლო პერიოდში, სილქნეტის აბონენტთა მომსახურების მიმართულების ყოფილთანამშრომელთა მცირე ჯგუფის მიერ ხდება სხვადასხვა არხებით მცდარი ინფორმაციის გავრცელება კომპანიასთან დაკავშირებით, თითქოს კომპანიაში მიმდინარეობს გაფიცვა, სამუშაო პირობების გაუმჯობესების მოთხოვნით. ეს ინფორმაცია სინამდვილეს არ შეესაბამება და შეცდომაში შეჰყავს მედია საშუალებები და საზოგადოება. კომპანიის აბონენტთა მომსახურების მიმართულება გამართულად მუშაობს და სრული დატვირთვით...

30 სექტემბერი - რეგიონში მხოლოდ ქართული ლარი გამყარდა

30 სექტემბერი - რეგიონში მხოლოდ ქართული ლარი გამყარდა
access_time2020-09-30 18:05:31
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 30 სექტემბრის ვაჭრობის შედეგად, ქართული ლარის კურსი 8 თეთრით გამყარდა და ერთი აშშ...

საქართველოში მზის პირველ ელექტროსადგურს ახალი ინვესტორი ააშენებს

საქართველოში მზის პირველ ელექტროსადგურს ახალი ინვესტორი ააშენებს
access_time2020-09-30 16:00:57
საქართველოში მზის პირველ ელექტროსადგურს ახალი ინვესტორი ააშენებს. "უდაბნოს მზის ელექტროსადგურის“ პროექტისთვის ინვესტორის შერჩევა წლის ბოლომდე დაიწყება. თითქმის, 1 მლნ დოლარით შემცირდა პროექტის საინვესტიციო ღირებულება და 5 მგვტ-იანი ელექტროსადგურის აშენებას ინვესტორი 3,5-4 მლნ დოლარად შეძლებს. "უდაბნოს მზის ელექტროსადგური“ საგარეჯოში, სოფელ უდაბნოს მიმდებარე ტერიტორიაზე აშენდება და მისი წლიური გამომუშავება დაახლოებით, 7 მლნ კვტ/სთ...

COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე

COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე
access_time2020-09-30 15:00:44
შრომის ინსპექციამ, Covid 19-ის საპრევენციოდ არსებული პროტოკოლის დარღვევის გამო ჯარიმასთან ერთად საქმიანობა 5 ობიექტს შეუჩერა. ამასთან, ინსპექციამ 100-მდე ობიექტი 10 000 ლარით დააჯარიმა. ამის შესახებ, ,,ბიზნესპრესნიუსს“ შრომის პირობების ინსპექტირების დეპარტამენტის ხელმძღვანელმა განუცხადა. ბექა ფერაძე იმ კრიტიკულ შეუსაბამობებზე საუბრობს, რის გამოც, ინსპექციამ გაზრდილი მანდატის პირობებში, ობიექტის მიმართ ჯარიმის უმაღლესი ფორმა...

13:00 საათის მონაცემებით, Bloomberg-ზე ერთი დოლარი 3.2069 ლარად ივაჭრება, ბანკებში კი 1 დოლარი 3.3000 ლარი ღირს

13:00 საათის მონაცემებით, Bloomberg-ზე ერთი დოლარი 3.2069 ლარად ივაჭრება, ბანკებში კი 1 დოლარი 3.3000 ლარი ღირს
access_time2020-09-30 13:30:28
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2069 ლარად ივაჭრება. პლატფორმაზე ვაჭრობა დღეს 3.2537 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2878 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.3000 ლარადაა შესაძლებელი, ხოლო მისი გაყიდვა - 3.2200 ლარად. „საქართველოს ბანკში“ 1 დოლარის ყიდვა...


მსგავსი სიახლეები

up