საქართველოს ელექტროენერგიის გენერაცია 5.5%-ით და მოხმარება 5.7%-ით შემცირდა

საქართველოს ელექტროენერგიის გენერაცია 5.5%-ით და მოხმარება 5.7%-ით შემცირდა

access_time2020-12-20 10:00:40

საგარეო ვაჭრობასთან, ინვესტიციებთან და ზოგადად მთელს ეკონომიკასთან ერთად მიმდინარე წელს ელექტროენერგიის გამომუშავებაცა და მოხმარებაც მკვეთრად შემცირდა, თუმცა შუახევჰესის თავიდან ამოქმედების მიუხედავად, დეფიციტი შენარჩუნდა.


11 თვეში ჯამურმა გენერაციამ 10.230 მლრდ კვტ/სთ შეადგინა, რაც გასული წლის ანალოგიურ პერიოდთან შედარებით 615 მლნ კვტ/სთ-ით ანუ 5.5%-ით ნაკლებია. მასში თბოსადგურების წილი თითქმის იგივეა 2.340 მლრდ კვტ/სთ 2.380 მლრდ-ის ნაცვლად. განსხვავებული ვითარებაა ჰესების ნაწილში, სადაც იანვარ-ნოემბერში, გასული წლის ანალოგიურ პერიოდთან შედარებით გამომუშავება 580 მლნ კვტ/სთ-ით 7.805 მლრდ კვტ/სთ-მდე შემცირდა ეს 6.8%-იანი ვარდნაა. განახლებული შუახევჰესის გარეშე გენერაციის ვარდნა 255 მლნ კვტ/სთ-ით მეტი იქნებოდა. რაც შეეხება ქართლის ქარის ელექტროსადგურს მისი გამომუშავება 4 მლნ კვტ/სთ-ით 83.8 მლნ კვტ/სთ-მდე გაიზარდა, თუმცა მხოლოდ ეს ერთი სადგური ენერგობალანსში ამინდ ვერ ქმნის. მისი წილი ჯამურ გენერაციაში მხოლოდ 0.82%-ს შეადგენს.


მოთხოვნის შემცირების გამო გენერაციაზე მეტად მოხმარება შემცირდა. 11 თვეში მომხმარებელზე მიწოდებულმა ელექტროენერგიამ 10.938 მლრდ კვტ/სთ შეადგინა, რაც წინა წლის იმავე პერიოდთან შედარებით 655 მლნ კვტ/სთ-ით ნაკლებია. კლება ამ შემთხვევაში 5.7%-ს შეადგენს.


შემცირებულმა მოთხოვნამ ბუნებრივად მუდმივად მზარდი იმპორტიც 1.416 მლრდ კვტ/სთ-დან 1.271 მლრდ კვტ/სთ-მდე შეამცირა, ოღონდ შარშანდელისგან განსხვავებით რუსეთის წილი იმპორტში 32%-დან 37%-მდეა გაზრდილი, ხოლო აზერბაიჯანის 68%-დან 45%-მდეა შემცირებული. დარჩენილი 18% თურქეთზე მოდის. როგორც შარშან, ასევე წელს სომხეთიდან ელექტროენერგიის იმპორტი არ განხორციელებულა.



მინიმუმადეა დაყვანილი ელექტროენერგიის ექსპორტიც - სულ რაღაც 153 მლნ კვტ/სთ. 37%-ით ნაკლები ვიდრე 2019 წელს. თუმცა ექსპორტის კლებას პანდემიამდეც ტენდენციის ხასიათი გააჩნდა.


2020 გამონაკლისია და აქამდე ელექტროენერგიის მოხმარებაცა და გამომუშავებაც მუდმივად იზდებოდა. მაგალითად თუ 2009 წელს გამომუშავებამ 8.407 მლრდ კვტ/სთ შეადგინა, 2014 წელს ის 23.3%-ით 10.370 მლრდ კვტ/სთ-მდე გაიზარდა, 2019 წელს კი კიდევ 14.3%-ით 11.857 მლრდ კვტ/სთ-მდე. ანალოგიურად მოხმარებამაც 2009 წელს 7.642 მლრდ კვტ/სთ შეადგინა, 2014 წელს 33%-ით მეტი - 10.170 მლრდ კვტ/სტ, ხოლო 2019 წელს 12.767 მლრდ კვტ/სთ. თუ 2009-2019 წლებში გენერაცია ჯამში 41%-ით გაიზარდა, იმავე პერიოდში მოხმარების ზრდამ 67%-ს მიაღწია, რის გამოც იმპორტი 6.37-ჯერ გაიზარდა, ექსპორტი კი 3-ჯერ შემცირდა. მთელი ამ პერიოდის განმავლობაში გენერაციის ახალი ობიექტები მზარდ მოთხოვნას ვერ აკმაყოფილებდა და დეფიციტი მუდმივად იზრდებოდა. პოსტკრიზისულ პერიოდში მოსალოდნელია ტენდენციის განახლება.


2021 წელს დაგეგმილია ენგურჰესის რეაბილიტაცია, რაც საქართველოში ყველაზე დიდ ელექტროსადგურს 3 თვით გააჩერებს.


საქართველოში სულ 7 დიდი მარეგულირებლიანი ჰესია, 19 სეზონური და კიდევ 71 მცირე სიმძლავრის (13 მეგავატამდე). ჰესებს 5 თბოსადგური და 1 ქარის ელექტროსადგურიც ემატება. ჯამსი 103 გენერაციის ობიექტს ვღებულობთ და ამ 103-დან ერთ ენგურჰესს 2020 წელს 25%-იანი წილი ეკავა, 2019 წელს 28%-იანი.


გიორგი ელიზბარაშვილი





დღის Top 10 საინტერესო ამბავი

დღის Top 10 საინტერესო ამბავი
access_time2021-03-02 21:00:39
დღის Top 10 საინტერესო ამბავი: 1.გაზრდილი საპროცენტო განაკვეთები და შემცირებული სესხების მოცულობა - საბანკო სექტორის იანვრის თვე 2021 წელი ქართულმა საბანკო სექტორმა მოგებით დაიწყო, რომლის მოცულობა 113.36 მლნ ლარს შეადგენს. თუმცა წინა წლის დეკემბერთან შედარებით შემცირებულია საპროცენტო შემოსავლები და...

მერაბ ჟორდანია ვენის „აუსტრიას“ პრეზიდენტი ხდება

მერაბ ჟორდანია ვენის „აუსტრიას“ პრეზიდენტი ხდება
access_time2021-03-02 17:20:09
მერაბ ჟორდანია ტიტულოვანი ავსტრიული კლუბის - ვენის "აუსტრიას" პრეზიდენტი იქნება. ამის შესახებ ადგილობრივი საიტები იტყობინებიან. საინტერესოა წერილი, რომელიც wien.orf.at-მა გამოაქვეყნა: მწვანე შუქი პარტნიორობისთვის "ვენის "აუსტრიას" ფინანსურ მომავალთან დაკავშირებით სიტუაციას წესით მალე უნდა მოეფინოს ნათელი. ახალი პარტნიორი ჯერ ოფიციალურად არ წარუდგენიათ, მაგრამ კლუბში ამბობენ, რომ მოლაპარაკება პოზიტიური შედეგით...

Bloomberg: პანდემიის დროს სურსათზე ფასების ზრდა სერიოზულ პრობლემად იქცა

Bloomberg: პანდემიის დროს სურსათზე ფასების ზრდა სერიოზულ პრობლემად იქცა
access_time2021-03-02 20:00:43
ბოლო თვეებში სასურსათო პროდუქტების ფასმა მაქსიმუმს მიაღწია და ექსპერტების აზრით, ვითარება ძვირი სურსათის ახალი „სუპერციკლისკენ“ მიდის. ეს მასობრივი უმუშევრობის და შემოსავლების კატასტროფული ვარდნის ფონზე ხდება. მომხმარებლებზე ზეგაგვლენას ზრდადი ინფლაციაც ახდენს. Bloomberg-მა გაანალიზა მდგომარეობა 5 ქვეყანაში, სადაც ფასების ზრდამ და ინფლაციამ განსაკუთრებით დიდ მასშტაბებს მიაღწია. ბრაზილია ეს არის ლათინური...

Foreign policy: უკრაინა რეფორმებზე უარს ამბობს

Foreign policy: უკრაინა რეფორმებზე უარს ამბობს
access_time2021-03-02 19:00:23
უკრაინაში საგარეო ვალი მუდმივად იზრდება, მაგრამ მთავრობა პრეზიდენტ ზელენსკის მეთაურობით ამ პრობლემას მხოლოდ აღრმავებს. საერთაშორისო სავალუტო ფონდი ხელისუფლებისგან ფინანსური დახმარების სანაცვლოდ რეფორმების ჩატარებას მოითხოვს, თუმცა, კიევი ამ მოთხოვნის იგნორირებას ახდენს და ამავე დროს ვალებს სულ უფრო აგროვებს. ეს საშიში სტრატეგიაა ქვეყნისთვის, რომელსაც ჰაერივით სჭირდება კარგი ურთიერთობები დასავლეთთან და საერთაშორისო ფინანსურ ორგანიზაციებთან. თანაც იმ დროს, როდესაც...

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს
access_time2021-03-02 12:00:35
გასართობი პორტალი SILKGAMES.GE მხოლოდ სილქნეტის მობილური ქსელის აბონენტებისთვის შეიქმნა და ყველა ჟანრის 500-ზე მეტი თამაში გააერთიანა. პორტალით სარგებლობა შესაძლებელია, როგორც სმარტფონისთვის, ისე პერსონალური კომპიუტერული მოწყობილობისთვის. Silk Games სერვისის 30 დღიანი სარგებლობის საფასური 5 ლარია. მობილური ნომრით რეგისტრირებული მომხმარებელი ავსებს ანგარიშს და სარგებლობს სერვისით შეუზღუდავად 24/7. იმ შემთხვევაში, თუ 31-ე დღეს...


მსგავსი სიახლეები

up