საქართველოს ეკონომიკა ჭაობშია - ჯაფარას ინტერვიუ „კომერსანტზე“

საქართველოს ეკონომიკა ჭაობშია - ჯაფარას ინტერვიუ „კომერსანტზე“

access_time2019-03-18 21:30:35

სალომე ლემონჯავას რუბრიკის „დე-მონტაჟი“ პირველი სტუმარი პოლიტიკური პარტია „გირჩის“ დამფუძნებელი ზურაბ ჯაფარიძეა.


რუბრიკის პირველ შეკითხვაზე - როგორ მოგმართოთ ბატონო ზურაბ, ზურაბ-გირჩი თუ ჯაფარა, რესპოდენტმა არჩევანი ბოლო ვარიანტზე შეაჩერა  უბრალოდ ჯაფარა.


შესაბამისად, ჩვენს ინტერვიუსაც ასე ვუწოდეთ : ჯაფარას ინტერვიუ “კომერსანტზე“.



რა პრინციპით შეარჩიეთ საკუთარი სამუშაო მაგიდა?

სამუშაო მაგიდა არ მაქვს.

კანონმორჩილი ხართ?

კი, თუ ვთვლი, რომ კანონი სამართლიანია, ვემორჩილები...

მარიხუანას გარდა, ერთი რამ, რაც ცხოვრებაში აუცილებლად უნდა გასინჯო?

ერთი რამის თქმა გამიჭირდება, ბევრია. მე პირადად ძალიან მაინტერესებს პარაშუტით გადმოხტომა, რაც ჯერ არ გამისინჯავს.




სამი სიტყვით, როგორ დაახასიათებდით საქართველოს ეკონომიკას?


-  საქართველოს ეკონომიკა ჭაობშია...


ინფლაცია რომ ადამიანი ყოფილიყო, როგორი იქნებოდა?


ბევრს რომ აჭმევენ და სივდება, სივდება... იბერება და იბერება...


ხვალ მილიარდერი რომ გახდეთ ან ქვეყნის მთავარი მმართველი, რას იზამდით?


სხვადასხვა რამეა. თუ მილიარდერი გავხდები, ვეცდები ფული ისე დავხარჯო, რომ რაღაცები შევცვალო და, თუ ქვეყნის მმართველი გავხდები, პირდაპირ სახელმწიფო ბერკეტები მექნება რაღაცების შესაცვლელად და საკუთარი ფულის დახარჯვა არ მომიწევს.




სად იქნება ჯაფარა 10 წლის შემდეგ?



არ ვიცი. ლოკაციით საქართველოში ვიქნები, მაგრამ რა საქმეს გავაკეთებ, არ ვიცი.


რომელი ბრენდის საათს ატარებთ?


  „CASIO“. ბავშვობაში, საბჭოთა კავშირის დროს, ვოცნებობდით ელექტრონულ საათებზე. ახლა გამოვიწერე და ძალიან მომწონს.


ყველაზე მომგებიანი ან საინტერესო რჩევა, რომელიც მიგიღიათ ცხოვრებაში და გახსოვთ...


რაღაცის თუ გჯერა, ამ მიზნისთვის ნებისმიერი გზით უნდა იცხოვრო. ბენდუქიძე ამბობდა, კალაშნიკოვის ინსტრუქციაში წერია, რომ მტერი შეგიძლია გაანადგურო, როგორც კონდახით ისე, სხვა ხერხითაცო...


-„გირჩის სკოლა“, რით იქნება გამორჩეული სხვა დანარჩენისგან?


-მთავარი უპირატესობა იქნება ის, რომ ბავშვები სიხარულით წავლენ სკოლაში და წვალება არ მოუწევთ. გარემო იქნება მთელი კონკურენტული უპირატესობა.



-ამ სამიდან მნიშვნელოვანია - ფული, დრო თუ იღბალი?


-დრო.


-დღევანდელი ეკონომიკური პოლიტიკის სამი შეცდომა...


-ერთი ის, რომ სახელმწიფო მფლობელობაშია უამრავი აქტივი, აზის კრუხივით და არავის აძლევს მისი გამოყენების საშუალებას, ხალხი კი შიმშილით იხოცება. მეორე ის, რომ მთავრობა ზედმეტად ბევრ ფულს ართმევს ადამიანებს, ანუ შექმნილ დოვლათს ბიუროკრატია ზედმეტად ფლანგავს. მესამე ის, რომ ერთადერთი საგადამხდელო საშუალება ლარია, რომელსაც კაციშვილი არ ენდობა დედამიწაზე.


-სამი წარმატებული ეკონომიკური რეფორმა...


-ჩემი აზრით, მნიშვნელოვანი იყო კახა ბენდუქიძის დროს გადასახადების შემცირება, ასევე რეგულაციების გაუქმებაც (ლიცენზიები, ნებართვები) და მესამე -თავისუფალი სავაჭრო ურთიერთობები სხვადასხვა მიმართულებით.



-რას ააშენებდით თბილისში საკუთარი ნებით?


-დალასში არის ეგეთი მუზეუმი, რომელიც ერთმა მილიონერმა ააშენა. ბავშვებს შეუძლიათ თან ათვალიერონ და თან  ისწავლონ. მსგავსი მუზეუმის გაკეთება მთლიანად ჩაანაცვლებდა მთელი საქართველოს საშუალო განათლების სისტემას. ათასჯერ უკეთეს შედეგს მოგვცემდა, ვიდრე მთელი ეს 12 წელი. „გირჩის სკოლის“ გარემოც ამ მუზეუმის კონცეფციას ეფუძნება.


-აშენების გარდა, რას დაანგრევდით თბილისში?


არაფერს არ დავანდგრევდი.  ქალაქს რაც სჭირდება, არის ის, რომ სახელმწიფოს ხელში არ უნდა იყოს ბევრი რამე. დანარჩენს ადამიანები თავად მიხვდებიან.  დროთა განმავლობაში რაღაცები დაინგრევა და რაღაცები აშენდება. ასე ვითარდება ზოგადად სამყარო. მე არაფერს დავანგრევდი.



საქართველოს ნომერ პირველი ადამიანი ვინ არის ?


ყველა დროის ნომერ პირველი ადამიანია ილია ჭავჭავაძე.


მთავარი ოცნება ?


არ ვიცი, რამდენად არის ეს ოცნება, მაგრამ მინდა, რომ ჩემმა შვილებმა იცხოვრონ  ბევრად მეტ თავისუფლებაში, ვიდრე მე მომიწია ჩემი ცხოვრების გატარება.


რა ნიჭზე ოცნებობს ჯაფარა?


- მინდა, რომ მუსიკალური სმენა რომ მქონდეს... დამღაა ეს ჩემი. მუსიკა მიყვარს ძალიან და ნერვებს მიშლის, სმენა რომ არ მაქვს.


რას შეცვლიდი საკუთარ თავში?


ბევრ რამეს, უფრო კარგად დავგეგმავდი საკუთარ დროს. დროის მენეჯმენტს გავაუმჯობესებდი.


-ბოლო კითხვა, რა არის ყველაზე მთავარი ცხოვრებაში?


-დღეს ალბათ ყველაზე მთავარია ის, რომ გაიაზრო, როგორი იქნება სამყარო 10-15 წლის შემდეგ. იმის გაცნობიერება, რომ ძალიან მნიშვნელოვანი ცვლილებების მიჯნაზე ვართ. ახლა ამ წუთში, სამყარო გაცილებით უფრო სწრაფად იცვლება, ვიდრე ოდესმე იცვლებოდა... ბევრს არ ესმის ეს, აქ ხომ საერთოდ არავის... ეგ მგონია მნიშვნელოვანი. პირველი ეს მომივიდა თავში.








სალომე ლემონჯავა






კრემლი დონბასში რუსული პასპორტების დარიგებას იწყებს - რა იქნება ხვალ?

კრემლი დონბასში რუსული პასპორტების დარიგებას იწყებს - რა იქნება ხვალ?
access_time2019-04-25 20:30:24
24 აპრილს ვლადიმერ პუტინმა  ხელი მოაწერა ბრძანებას დონეცკის და ლუგანსკის არაღიარებული რესპუბლიკების მოსახლეობისთვის რუსული პასპორტების გამარტივებული წესებით დარიგების თაობაზე. დადგენილებაში ნათქვამია, რომ განაცხადების განხილვის პროცედურა  3 თვემდე შემცირდა და წესები იქნება გაცილებით უფრო მარტივი, ვიდრე ჩვეულებრივად - მოქალაქეობის მისაღებად არ იქნება აუცილებელი სპეციალური გამოცდის ჩაბარება და რუსეთში 5 წლის მანძილზე...

გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...


მსგავსი სიახლეები

up