„ჩვენ მოვაწერეთ მემორანდუმს ხელი, რომელიც კონტრაქტიც დეტალურად იქნება დამუშავებული და საქართველოს მოქალაქეს საშუალება მიეცემა თურქეთში მიიღოს ბევრად უფრო ხარჯეფექტური მომსახურება“, - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ განაცხადა.
მისი თქმით, საქართველოსთვის არსებული კომერციული ტარიფი გაუთანაბრდება თურქულ ტარიფს, რაც იქნება სამჯერ ნაკლები, ვიდრე ეს იყო დღემდე.
„ზუსტად ერთი წლის წინ გავაკეთეთ აუდიტი ჯანდაცვის სამინისტროს რეფერალური პროგრამის, სადაც დეტალურად შევისწავლეთ ჩვენი მოქალაქეების საჭიროებები, თუ რის გამო მიმართავდნენ ისინი უცხო ქვეყნებს და კონკრეტულად რომელი ქვეყნები იყო ეს, სადაც ყველაზე ხშირად ჩვენი მოქალაქეები გარკვეული მომსახურების მისაღებად. აქედან გამომდინარე, ჩვენ მივიღეთ გადაწყვეტილება, რომ ძალიან მნიშვნელოვანი იქნებოდა სწორედ ის ფასუზრუნველყოფა და გარანტიების უზრუნველყოფა ჩვენი მოქალაქეებისთვის, რათა მათთვის ეს ძნელი პერიოდი, როდესაც ისინი საკუთარ სახლ-კარს ტოვებდნენ და გარკვეულ დაფინანსებას სახელმწიფოსგან იღებდნენ, მიეღოთ ადგილობრივი მოქალაქეებისთვის გაწეული მომსახურების ფასებში ის მომსახურება, რომელიც მათ ესაჭიროებათ. ეს ნიშნავს, რომ ჩვენ მოვაწერეთ მემორანდუმს ხელი, რომელიც კონტრაქტიც დეტალურად იქნება დამუშავებული და საქართველოს მოქალაქეს საშუალება მიეცემა თურქეთში მიიღოს ბევრად უფრო ხარჯეფექტური მომსახურება და თუ ამის საჭიროება დადგა ბევრად უფრო ფართო სახის მომსახურება და ადრე საქართველოსთვის არსებული კომერციული ტარიფი გაუთანაბრდება თურქულ ტარიფს, რაც იქნება სამჯერ ნაკლები, ვიდრე ეს იყო დღემდე. აქ მნიშვნელოვანია გავითვალისწინოთ, რომ სახელმწიფოს თანამონაწილეობაც იყო საკმაოდ მასშტაბური და ამის ხარჯზე ჩვენ საშუალება მოგვეცემა, რომ ბევრად უფრო მეტ მოქალაქეს გავუწიოთ ეს დახმარება და დავაფინანსოთ საჭიროების შემთხვევაში, ვიდრე ამას დღემდე ვახერხებდით“, - განაცხადა ეკატერინე ტიკარაძემ.
მისი თქმით, აუდიტის ფარგლებში ჩვენ აღვრიცხეთ ის გამოუყენებელი თანხები, რომლების გადარიცხული იყო და გარკვეული ქვეყნებიდან და კლინიკებიდან არ მოხდა საქართველოსთვის დაბრუნებული და მიმდინარეობს მოლაპარაკების პროცესი, რის შედეგადაც ჩვენ ამ თანხებს დავიბრუნებთ
„ასევე მნიშვნელოვანია აღვნიშნოთ, რომ ამ აუდიტის ფარგლებში ჩვენ აღვრიცხეთ ის გამოუყენებელი თანხები, რომლებიც გადარიცხული იყო და გარკვეული ქვეყნებიდან და კლინიკებიდან არ იყო საქართველოსთვის დაბრუნებული. მიმდინარეობს მოლაპარაკების პროცესი, რის შედეგადაც ჩვენ ამ თანხებს დავიბრუნებთ და მერე უკვე მიზნობრივად გამოვიყენებთ. ვთვლი, რომ ესეც ძალიან მნიშვნელოვანია და ამ მემორანდუმის ფარგლებში ასევე ჩვენ გათვალისწინებული გვაქვს, რომ გარკვეული მომსახურებები ეტაპობრივად საქართველოშიც შევთავაზოთ უცხოელი სპეციალისტების ჩართულობით“, - განაცხადა ეკატერინე ტიკარაძემ.
წყარო: imedinews.ge