საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი  გვაკავშირებს“

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი გვაკავშირებს“

access_time2019-05-23 12:30:03

 „ადგილობრივ ბანკებთან, სტანდარტული  ურთიერთობის გარდა,(რომელიც გულისხმობს კლიენტს/ბანკს)არაფერი გვაკავშირებს    საქართველოს ჯანდაცვის ჯგუფი დაზღვევის კავშირის თანათავმჯდომარეს, ვასილ ახრახაძეს მიმართავს, რომელმაც კომერსანტთან არაპროფილური აქტივების ფლობასთან დაკავშირებით ისაუბრა.


 “კომერსანტი“  საპასუხო განცხადებას უცვლელად გთავაზობთ:

 

„სადაზღვევო კომპანია იმედი L“ გახლავთ „საქართველოს ჯანდაცვის ჯგუფში“ წევრი სადაზღვევო კომპანია. „საქართველოს ჯანდაცვის ჯგუფი“, თავის მხრივ, გაერთიანებულ სამეფოში რეგისტრირებული იურიდიული პირია და მისი აქციები 2015 წლიდან საჯაროდ ივაჭრება ლონდონის საფონდო ბირჟაზე. აღნიშნული ჯგუფის, ისევე როგორც ჯგუფში შემავალი ყველა კომპანიის (მათ შორის, „სადაზღვევო კომპანია იმედი ელ“-ს) საქმიანობა ყოველ ეტაპზე შეესაბამებოდა და შეესაბამება არა მხოლოდ ადგილობრივი კანონმდებლობის, ასევე, გაერთიანებული სამეფოს უმკაცრეს რეგულაციურ მოთხოვნებს, რომლებიც უპირველეს ყოვლისა, გულისხმობს საქმიანობის მაქსიმალურ გამჭვირვალეობას, კორპორაციული მართვის უმაღლეს სტანდარტებსა და ჯანსაღი კონკურენციის პირობებს.

 

ჩვენი ჯგუფის აქციონერი, გარდა საქართველოს კაპიტალისა, გახლავთ 200-ზე მეტი კერძო და უმსხვილესი საერთაშორისო ინსტიტუციონალური ინვესტორი. აღნიშნული ინვესტიციით კი მათ ნდობა გამოუცხადეს არა მხოლოდ ჩვენს ჯგუფს, არამედ - ქვეყანას. ყოველწიურად საჯაროდ ქვეყნდება მთელი ჯგუფის საქმიანობის ამსახველი დეტალური ანგარიში, რომელიც განკუთვნილია, როგორც ჯგუფის აქციონერებისა და ინვესტორების, ისე ნებისმიერი დაინტერესებული პირისათვის. ყველა სუბიექტს, რომელიც ნამდვილად დაინტერესებულია, გაარკვიოს ჩვენი ჯგუფის აქციონერთა სტრუქტურა, მარტივად შეუძლია იმის დადგენა, რომ არცერთი ადგილობრივი ბანკი (მათ შორის, არც „საქართველოს ბანკი“) არ გახლავთ „საქართველოს ჯანდაცვის ჯგუფის“ დამფუძნებელი და გარდა სტანდარტული ბანკი/კლიენტის ურთიერთობისა, სხვა არავითარი ურთიერთობა არ გვაკავშირებს ადგილობრივ ბანკებთან. აღნიშნული ინფორმაციის დამახინჯება კი მხოლოდ ან არაინფორმირებულობის ან განზრახ მიმართული ნეგატიური კამპანიის შედეგი შეიძლება იყოს, რასაც სამწუხაროდ, ბოლო პერიოდში მრავლად აქვს ადგილი რიგი არაკეთილსინდისიერი სუბიექტების (მათ შორის, კონკურენტების) მხრიდან, რომლებიც არაერთგზის ცდილობენ, თითქოსდა, „მომხმარებლებზე ზრუნვის“ სარჩულით, პირადი სარგებლის მიღებას კონკურენტი კომპანიების დისკრედიტაციის ხარჯზე.



ბატონი ვასილ ახრახაძე გახლავთ სწორედ ამგვარი ერთ-ერთი კონკურენტი სადაზღვევო კომპანიის - „უნისონის“ გენერალური დირექტორი. ჩვენ კიდევ ერთხელ მოვუწოდებთ მათ, მაქსიმალურად შეიკავონ თავი მცდარი და შეცდომაში შემყვანი ინფორმაციის გავრცელებისაგან, პატივი სცენ „საქართველოს ჯანდაცვის ჯგუფისა“ და ამ ჯგუფში შემავალი კომპანიების საქმიან რეპუტაციას, რომელიც მრავალი წლის განმავლობაში მაღალი საქმიანი და კორპორაციული სტანდარტების დაცვით გახლავთ მოპოვებული და ძალიან ღირებულია. აღნიშნულის ხელყოფა აზიანებს არა მხოლოდ კონკრეტულ კომპანიას, არამედ, ზოგადად, ქვეყნის საინვესტიციო გარემოსა და მომავალს. შესაბამისად, ყველა კანონიერი გზით განვახორციელებთ საქმიანი რეპუტაციის დაცვას მიუღებელი ხელყოფის მცდელობებისგან“-ნათქვამია „საქართველოს ჯანდაცვის ჯგუფის“ „კომერსანტისთვის“ გამოგზავნილ წერილში.

 

შეგახსენებთ,დაზღვევის კავშირის თანათავმჯდომარე ვასილ ახრახაძემ „კომერსანტთან“ განაცხადა, რომ ბანკების მხრიდან არაპროფილური აქტივების ფლობის საკითხი დიდი ხანია დგას დღის წესრიგში და ამ დრომდე ვერ მოგვარდა.


სოფო ქსოვრელი 

 





კვროკავშირის ჩართულობით რიონის ხეობაში ვითარების განმუხტვის პერსპექტივა გაჩნდა

კვროკავშირის ჩართულობით რიონის ხეობაში ვითარების განმუხტვის პერსპექტივა გაჩნდა
access_time2021-06-12 20:14:04
“რიონის ხეობის მცველის” ვარლამ გოლეთიანის განცხადებით, ევროკავშირის ჩართულობით გამართულ შეხვედრაზე შეთანხმდნენ, რომ რიონის ხეობიდან ბარიკადები უნდა აიღონ, საპოლიციო ძალები ტერიტორიიდან გავიდნენ და პროტესტის მონაწილეები თავდაპირველ ადგილზე დაბრუნდნენ. როგორც გოლეთიანმა “ნამახვანჰესთან” დაკავშირებით ევროკავშირის ენერგეტიკული...

იმ შემთხვევაში თუ ფქვილზე სუბსიდირება გაგრძელდება ამხელა ფასი აღარ ექნება - ლევან სილაგავა

იმ შემთხვევაში თუ ფქვილზე სუბსიდირება გაგრძელდება ამხელა ფასი აღარ ექნება -  ლევან სილაგავა
access_time2021-06-12 20:00:08
მომავალი კვირის ოთხშაბათ-ხუთშაბათს გადაწყდება, გაგრძელდება თუ არა ფქვილის სუბსიდირების პროგრამა. „კომერსანტი“ სუბსიდირების პროგრამის და პურის ბაზარზე არსებული სიტუაციის შესაფასებლად ხორბლისა და ფქვილის მწარმოებელთა ასოციაციის ხელმძღვანელს ლევან სილაგავას დაუკავშირდა. სილაგავა ფიქრობს, რომ დღევანდელი ტენდენცია უფრო დამაიმედებელია და ამის პასუხი არის ის, რომ დღეს ერთი ტონა ხორბლის ფასი 280 $— დან -260$— მხე ჩამოვიდა, რის გამოც ერთი ტომარა...

აპრილ-მაისში ტურისტული ვიზიტების რაოდენობა 222.8%-ით გაიზარდა

აპრილ-მაისში ტურისტული ვიზიტების რაოდენობა 222.8%-ით გაიზარდა
access_time2021-06-12 18:07:39
...

ვახტანგ კალოიანი: ვერ მივაღწიეთ დოკუმენტის შექმნას, რომელიც კლინიკურ სექტორში არსებულ ვითარებას შეაფასებდა

ვახტანგ კალოიანი: ვერ მივაღწიეთ დოკუმენტის შექმნას, რომელიც კლინიკურ სექტორში არსებულ ვითარებას შეაფასებდა
access_time2021-06-12 12:00:02
„საქართველო სრულიად სხვა  ქვეყნების კეთილ ნებაზე და  საჩუქრებე დამოკიდებული გახდა, ხელისუფლებამ კი ვაქცინების  შეძენის  პროცესის  დაორგანიზება ვერ  შეძლო“ – ამის შესახებ „ანესთეზიოლოგიისა და კრიტიკული მედიცინის ასოციაციის“ დამფუძნებელმა, ვახტანგ კალოიანმა ქვეყანაში მიმდინარე ვაქცინაციის პროცესის შფასებისას განაცხადა. მისივე თქმით, ამ ეტაპზე ქვეყანას ვაქცინები პრაქტიკულად არ აქვს. კალოიანმა აღნიშნა, რომ  მეოთხე...

ტყის ახალი კოდექსი – რა შეიცვლება საშეშე მასალის სოციალური ჭრით მოსარგებლეებისთვის

ტყის ახალი კოდექსი – რა შეიცვლება საშეშე მასალის სოციალური ჭრით მოსარგებლეებისთვის
access_time2021-06-12 11:00:49
საქართველოს პარლამენტმა, 2020 წლის მაისში დაამტკიცა ტყის ახალი კოდექსი, რომლითაც იქმნება საფუძველი სოციალური ჭრის ეტაპობრივი გაუქმებისა და მდგრადი სატყეო მეურნეობების ჩანაცვლებისთვის;  უქმდება ხე-ტყის დამზადების გრძელვადიანი ლიცენზირების სამართლებრივი საფუძვლები, შეიქმნება ტყის საკუთრების ახალი ფორმები, შესაძლებელი გახდება ტყეებით მრავალმიზნობრივი სარგებლობა, მათ შორის,  ტყეების სარეკრეაციო და საკურორტო მიზნით გამოყენება.  ნიშნავს თუ არა ეს ცვლილებები სოციალური ჭრის საბოლოოდ...


მსგავსი სიახლეები

up