საქართველოს ბიზნეს ასოციაცია უკრაინის დასახმარებლად საქველმოქმედო მარათონში ერთვება და ბიზნესს აქტიურობისკენ მოუწოდებს

საქართველოს ბიზნეს ასოციაცია უკრაინის დასახმარებლად საქველმოქმედო მარათონში ერთვება და ბიზნესს აქტიურობისკენ მოუწოდებს

access_time2022-03-01 17:55:27

საქართველოს ბიზნეს ასოციაცია აქტიურად ერთვება საქართველოს საზოგადოებრივი მაუწყებლის პირველი არხის, უკრაინის საზოგადოებრივი მაუწყებლისა და წითელი ჯვრის საქველმოქმედო მუსიკალურ მარათონში „ჩვენ უკრაინისთვის“ და მოუწოდებს ასოციაციის წევრ კომპანიებსა და ზოგადად, ბიზნეს სექტორს ზემოხსენებულ მარათონში აქტიური მონაწილეობისკენ, რომელიც უკრაინისა და მისი მოსახლეობის დასახმარებლად 1 მარტს 22 საათზე იმართება.


„ჩვენ უნდა გავერთიანდეთ მოძმე უკრაინელების დასახმარებლად, რადგან ამ უმძიმეს წუთებში მათ განსაკუთრებით სჭირდებათ თანადგომა, გამხნევება და სოლიდარობა. საქართველო და უკრაინა ყოველთვის გამოირჩეოდა თბილი და მეგობრული ურთიერთობებით; დღეს მათი ტკივილი ჩვენი ტკივილია, შესაბამისად, მოვუწოდებთ ქართულ ბიზნესს აქტიურად ჩაერთოს აღნიშნულ მარათონში, ვინაიდან ერთად ვეხმარებით ჩვენს უკრაინელ ძმებს, იმ ადამიანების, რომლებიც ახლა უდიდესი განსაცდელის წინაშე იმყოფებიან.


ამ ბრუტალურმა და სისხლისმღვრელმა ომმა, განსაკუთრებული გავლენა იქონია უკრაინულ ოჯახებზე, ისინი სახლ-კარისა და ელემენტარული საყოფაცხოვრებო მოხმარების ნივთების გარეშე დარჩნენ.



დარწმუნებულები ვართ, რომ საქართველოში მოღვაწე ბიზნეს ოპერატორები და ზოგადად, მოსახლეობა განსაკუთრებულ წვლილს შეიტანს ჩვენი უკრაინელი მეგობრების დასახმარებლად, რადგან ახლა დროა გავერთიანდეთ სიკეთისთვის და იმ უმთავრესი ღირებულებისთვის, რომელსაც ადამიანის სიცოცხლე ჰქვია“ - განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.


აღსანიშნავია, რომ საქართველოს ბიზნეს ასოციაცია თავადაც აპირებს დონაციის განხორციელებას.


კიდევ ერთხელ შეგახსენებთ, რომ ტელემარათონი 1 მარტს, 22:00 საათზე საქართველოს საზოგადოებრივი მაუწყებლის პირველი არხის პირდაპირ ეთერში გავა და მასში ჩართვის შესაძლებლობა, SMS-ის საშუალებით, ან საბანკო ანგარიშზე თანხის ჩარიცხვით, საზოგადოების ყველა წევრს ექნება. თანხა წითელი ჯვრის მეშვეობით გადაერიცხება უშუალოდ ომის მიმდინარეობისას დაზარალებულებს, ვისაც განსაკუთრებით სჭირდება თანადგომა.

საქველმოქმედო მუსიკალური მარათონი მსოფლიო მასშტაბით იმართება, მან სტარტი 27 თებერვალს ვარშავაში TVP-ს (პოლონეთის საზოგადოებრივი მაუწყებელი) ეთერში აიღო, სამშაბათს კი ის თბილისში გაგრძელდება.






„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს

„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს
access_time2022-12-03 22:50:49
    დიდი ბრიტანეთის დანაშაულის ეროვნული სააგენტო (NCA) იტყობინება, რომ 58 წლის რუსი ბიზნესმენი ლონდონში დააკავეს, შემდეგ კი გირაოს სანაცვლოდ გაათავისუფლეს. რუსეთის ცენტრალური სახელმწიფო საინფორმაციო სააგენტოს (TASS) წყარო ირწმუნება, რომ ის Alfa Group-ის დამფუძნებელი მიხაილ ფრიდმანია. ინფორმაციას ...

2021 წელს ევროკავშირმა კვლევასა და განვითარებაზე 328 მლრდ ევრო დახარჯა

2021 წელს ევროკავშირმა კვლევასა და განვითარებაზე 328 მლრდ ევრო დახარჯა
access_time2022-12-03 22:20:33
2021 წელს ევროკავშირმა 328 მლრდ ევრო დახარჯა კვლევასა და განვითარებაზე, (R & D) რაც 6%-ით მეტია წინა წელთან შედარებით. 2020 წელს ამ მიმართულებით 310 მლრდ ევრო დაიხარჯა, მონაცემებს ევროსტატი აქვეყნებს.   2021 წელს R&D ხარჯები მშპ-ს პროცენტულად ყველაზე მაღალი დაფიქსირდა: შვედეთში (3.35%), ავსტრიასა (3.22%) და ბელგიაში (3.19%). ყველაზე დაბალი - რუმინეთში (0.48%), მალტასა (0.65%) და ლატვიაში...

ნოემბერში მარცვლეულის მსოფლიო ფასები 1,3%-ით შემცირდა - გაეროს

ნოემბერში მარცვლეულის მსოფლიო ფასები 1,3%-ით შემცირდა - გაეროს
access_time2022-12-03 19:30:40
მარცვლეულის მსოფლიო ფასი ნოემბერში 1,3%-ით დაეცა. ამის მიზეზია შავი ზღვაზე „მარცვლეულის შეთანხმების“ ინიციატივის გაგრძელება.   შავი ზღვის გავლით მარცვლეულის ექსპორტის შეთანხმება 120 დღით გახანგრძლივდა ამის შესახებ გაერო-ს სურსათისა და სოფლის მეურნეობის ორგანიზაციის (FAO) მთავარმა ეკონომისტმა მაქსიმო ტორერომ ბრიფინგზე განაცხადა.   „მარცვლეულის ფასის ინდექსი 1,3%-ით დაეცა. ნოემბერში კლება განპირობებულია შავი ზღვის მარცვლეულის ინიციატივის...

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა
access_time2022-12-03 20:00:58
სამომავლოდ, შუა დერეფნის (ტრანსკასპიური საერთაშორისო სატრანსპორტო მარშრუტი) „მწვანე“ და ელექტრონულ სატრანსპორტო მარშრუტად გადაქცევა იგეგმება. ამის შესახებ ჟურნალისტებს ბაქოს საერთაშორისო საზღვაო სავაჭრო პორტის გენერალურმა დირექტორმა ტალეჰ ზიადოვმა განუცხადა.   მისი თქმით, უახლოეს 10 წელიწადში შუა დერეფანი შესაძლოა, აღმოსავლეთისა და დასავლეთის დამაკავშირებელი მთავარი რგოლი გახდეს.   მისივე თქმით „მწვანე კონცეფცია“ ათ წელიწადში უფრო მეტად აქტუალური...

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ
access_time2022-12-03 19:00:47
C ჰეპატიტის ვირუსი (HCV) ყოველწლიურად 70 მილიონზე მეტ ადამიანს აინფიცირებს და დაახლოებით 400 000-ს კლავს. ვირუსი ღვიძლის ქრონიკულ ინფექციას იწვევს და უფრო მძიმე შემთხვევებში შეიძლება ღვიძლის ქსოვილის ნაწიბურების წარმოქმნა ან კიბოც კი გამოიწვიოს, წერს Inverse-ი.   ამჟამად HCV-ის შედეგად გამოწვეული ინფექციების მკურნალობა შესაძლებელია, მაგრამ ძვირია და პაციენტს ხელახალი...


მსგავსი სიახლეები

up