საქართველოს ბანკი მცირე და საშუალო ბიზნესის მხარდაჭერის მიზნით პროექტების მხარდაჭერას განაგრძობს. ბანკთან ფინანსური პარტნიორობით Orbeti Green Space საქმიანობას ავითარებს.
Orbeti Green Space ორბეთში ღონისძიებების მოსაწყობ ობიექტს წარმოადგენს, სადაც განთავსებულია როგორც გარე ისე შიდა სივრცეები, ასევე აქ ფუნქციონირებს პატარა საოჯახო სასტუმრო.
საქართველოს ბანკის დაფინანსებით Orbeti Green Space-მა 368,850 ლარის მოცულობის ინვესტიცია მიიღო, რომელიც ორბეთის ტერიტორიაზე მიწის შეძენას მოხმარდა.
„ჩვენი ძირითადი საქმიანობაა სხვადასხვა ღონისძიებების მოწყობაა, განსაკუთრებით განსხვავებული და საინტერესო სპორტული აქტვიბობების. ობიექტი განთავსებულია 5 000 კვადრატულ მეტრზე, სადაც არის როგორც დახურული, ისე ღია სივრცეები. მათ შორის პატარა სასტუმრო, დახურული კლუბი, საჩრდილობლები, საცეცხლო სივრცეები, ჰამაკები, საქორწილო სივრცე ხელის მოწერის ცერემონიალისთვის და სხვა.
ბიზნესის მთავარ სპეციფიკურ მხარეს წარმოადგენს ის, რომ ყველაფერი სრულიად მოწყობილი გვაქვს ხელნაკეთი ეკოლოგიურად სუფთა ნივთებით, რომლებიც დამზადებულია ჩემი და ჩემი მეუღლის ხელით.
სასტუმროს ფართი შეადგენს 150 კვ.მ-ს, ოთხ ოთახია, სადაც შეგვიძლია 8-10 ადამიანის მიღება. თუმცა სამომავლოდ გაფართოების გეგმები გვაქვს. საქართველოს ბანკის მხარდაჭერით ვგეგმავთ დიდი ფესტივალების და კორპორატიული თიმბილდინგების მასპინძლობას, ასევე მცირე ზომის კოტეჯების დამატებას. ასევე უკვე წელს ვაპირებთ სცენის მოწყობას, რომელიც პატარა ამფითეატრის მსგავსი იქნება და ქართული მუსიკის პოპულარიზაციას შევუწყობთ ხელს“, - აღნიშნავს Orbeti Green Space-ის წარმომადგენელი ბექა ონიანი.
Orbeti Green Space 2015 წლიდან ფუქციონირებს. კომპანიას მუდმივად დასაქმებული ჰყავს 3 ადამიანი, თუმცა სეზონიდან გამომდინარე დასაქმებულთა რაოდენობა 20 ადამიანს აჭარბებს.
(R)