საქართველოს ბანკმა ბიზნესის მხარდაჭერის პროგრამის ფარგლებში, სატენდერო და ხელშეკრულების შესრულების გარანტიის გაცემა მინიმალური ინფორმაციის მოთხოვნის საფუძველზე, გირაოს გარეშე, 1 დღეში გახადა შესაძლებელი. ამასთან, სატენდერო გარანტიის შემთხვევაში მსურველები მომსახურების დისტანციურად მიღების უპირატესობითაც ისარგებლებენ.
„ბაზრის შესწავლის შედეგად დადგინდა, რომ აღნიშნულ პროდუქტებთან დაკავშირებით ფინანსური ინსტიტუტებს ჰქონდათ არაერთგვაროვანი მიდგომები, განსხვავებული პროცესებით, მოთხოვნებით და პირობებით. სწორედ ამიტომ მივიღეთ გადაწყვეტილება რომ არსებული პროდუქტები ისე გარდაგვექმნა, რომ კომპანიებისთვის ყველაზე ხელსაყრელი პირობები შეგვეთავაზებინა“, - აცხადებენ საქართველოს ბანკში.
გირაოს გარეშე სატენდერო და ხელშეკრელების შესრულების გარანტიის მიღება 1 მლნ-მდე ლარის კონტრაქტებზეა შესაძლებელი. ხელშეკრულების შესრულების გარანტიის ლიმიტი კი 50 000 ლარს (ეკვ. სხვა ვალუტებში) შეადგენს.
გამარტივებული პირობებით სატენდერო გარანტიის მისაღებად, კომპანია მინიმუმ 3 თვის დაფუძნებული უნდა იყოს და არ უნდა ჰქონდეს აკრძალული ტენდერებში მონაწილეობა.
გარანტიების მოთხოვნა ამჟამად მომხმარებელს შეუძლია დააფიქსიროს:
- ვებგვერდზე მოთხოვნის ფორმის შევსებით;
- ინტერნეტ ბანკში მოთხოვნის დაფიქსირებით;
- ქოლ ცენტრში ან ბანკის თანამშრომელთან დარეკვით;
- ფილიალში ვიზიტით.
მოთხოვნის დაფიქსირების შემდეგ, კომპანიის წარმომადგენელს თავად ბანკირი დაუკავშირდება და შეეცდება უმოკლეს ვადაში გაუწიოს მას მომსახურება და მიაწოდოს საგარანტიო წერილი.
აღნიშნული პროდუქტების მომხმარებლებისთვის, პროდუქტის სპეციფიკიდან გამომდინარე დიდი მნიშვნელობა აქვს მომსახურების დროულად მიღებას. ახალი მიდგომებით კი მკვეთრად შემცირდა განაცხადის დამუშავების და გარანტიის გაცემის დრო, რადგან გარანტიის მისაღებად საჭიროა კლიენტმა დააკმაყოფილოს მინიმალური მოთხოვნები. ამის შემდეგ კი პროდუქტის მიღება გირაოს გარეშე, ბაზარზე არსებული საუკეთესო ტარიფებით არის შესაძლებელი.
სატენდერო გარანტიის ღირებულება მოიცავს მხოლოდ გაცემის ერთჯერად საკომისიოს, ხოლო ხელშეკრულების შესრულების გარანტიის ტარიფი განისაზღვრება პროდუქტის მოცულობის მიხედვით.
„იმისათვის, რომ ჩვენმა ბიზნეს მომხმარებელმა კიდევ უფრო მარტივად შეძლოს საკუთარი საქმიანობის წარმართვა, მათ სიახლე შევთავაზეთ. ის კომპანიები, რომლებიც ტენდერში მონაწილეობის მიღებით არიან დაინტერესებული, საქართველოს ბანკის სატენდერო და სახელშეკრულებო გარანტიას გირაოს გარეშე, კიდევ უფრო გამარტივებული პირობებით, 1 დღეში მიიღებენ. გვჯერა, რომ ეს სიახლე არაერთ ბიზნესის წარმომადგენელს გაუმარტივებს წვდომას საჭირო რესურსებზე და ამავდროულად, ხელს შეუწყობს საკუთარი საქმიანობის განვითარებაში“, - აცხადებს საქართველოს ბანკის საცალო ბიზნესის საბანკო მომსახურების დეპარტამენტის დირექტორი მერაბ ახვლედიანი.
სატენდერო და სახელშეკრულებო შესრულების გარანტიების პირობებზე ინფორმაცია ვრცლად ხელმისაწვდომია შემდეგ ბმულზე: https://bit.ly/2UVE7Zr
(R)