საქართველოს ბანკი მომხმარებლის საჭიროებებზე მორგებული ინოვაციების დანერგვას განაგრძობს. ბანკმა ბიზნეს ინტერნეტბანკის მომხმარებლებს ინოვაციურ სახელფასო მოდული უკვე შესთავაზა, რომლის მთავარი მიზანია კომპანიებს გაუმარტივოს თანამშრომლებთან დაკავშირებულ პროცედურები (გადარიცხვები, ბარათის შეკვეთა, ა.შ)
სახელფასო პროგრამაში ჩართულ კომპანიებს მოდულის მეშვეობით აქვთ შესაძლებლობა, მარტივად მართონ თანამშრომლებთან დაკავშირებული აქტივობები, როგორიცაა თანამშრომლებთა სიის შექმნა, მათ შესახებ ინფორმაციის სათითაოდ ან/და ჯგუფურად მითითება და ა.შ. მოდული ასევე იძლევა შესაძლებლობას ბიზნესის წარმომადგენელმა ერთ სივრცეში ნახოს დასაქმებული თანამშრომლების რაოდენობა და ჯამური სახელფასო ბიუჯეტი, მიუთითოს ხელფასის ჩარიცხვის პერიოდულობა და როგორც საქართველოს, ასევე სხვა კომერციული ბანკის სახელფასო ანგარიშის ნომერი.
როგორც კომპანია Global Marketing Solutions -ის დირექტორმა ირაკლი არაბიძემ აღნიშნა, მისი კომპანია საქართველოს ბანკის ინოვაციური პროგრამით ძალიან კმაყოფილია.
„საქართველოს ბანკის სახელფასო მოდული ინოვაციური პროექტია. ის ძალიან კარგ შესაძლებლობებს იძლევა, იქნება ეს სახელფასო ბიუჯეტის შექმნა, ფულის გადარიცხვა თუ ნებისმიერი სხვა ტრანზაქცია, ძალიან კმაყოფილები ვართ. რასაც გვთავაზობს საქართველოს ბანკი ამ ეტაპზე ჩვენთვის სრულიად საკმარისია, მომავალში თუკიდევ დაგვჭირდება რაიმე დამატებითი ფუნქცია, დარწმუნებული ვართ, ბანკი არაერთ სიახლეს შემოგვთავაზებს. ძალიან სასიხარულოა, რომ საქართველოს ბანკი ჩვენ პრობლემებს კარგად უმკლავდება”, - აღნიშნავს ირაკლი არაბიძე.
პროდუქტი უნიკალურია იმით, რომ მისი მეშვეობით შესაძლებელია ინდივიდუალურად ან ჯგუფურად ხელფასის გადარიცხვა ნებისმიერ ბანკში. ასევე, ბიზნესს საშემოსავლო გადასახადების გადარიცხვა ღილაკზე მხოლოდ ერთ თითის დაჭერით შეუძლია. ამასთან, ოფისიდან გაუსვლელად შეძლებთ შეუკვეთოთ სახელფასო ბარათები, როგორც ერთი, ასევე ერთდროულად რამდენიმე თანამშრომლისთვის, რომლის აღებაც წინასწარ შერჩეულ სერვის ცენტრში იქნება შესაძლებელი.
„პირველად საბანკო სისტემაში, ბიზნეს ინტერნეტბანკში ხელმისაწვდომია სახელფასო პროექტის მოდული. მოხარული ვართ, რომ კიდევერთხელ მოგვეცა შესაძლებლობა მომხმარებელს მისი ცხოვრების გამარტივების მიზნით შექმნილიინოვაციური პროდუქტი შევთავაზოთ. მოდული გამოირჩევა მრავალფუნქციური მახასიათებლებით, რაც კიდევ უფრო ეფექტურს ხდის ორგანიზაციების მომსახურებას. ჩვენ არ ვჩერდებით და ვაგრძელებთ მომხმარებლის საჭიროებებზე მორგებული ინოვაციების დანერგვას“, - აცხადებენ საქართველოს ბანკში.
(R)