საქართველოს ბანკი ბიზნესის მხარდაჭერას აქტიურად აგრძელებს. ბანკთან პარტნიორობით, მშობლებისთვის და ბავშვებისთვის ალტერნატიული სივრცე - „კარგი ადგილი“ გაიხსნა. დაწესებულება მშობლების გაძლიერებასა და მხარდაჭერას ისახავს მიზნად, ხოლო ბავშვებისთვის უსაფრთხო და განმავითარებელ გარემოს ქმნის.
„კარგი ადგილის“ შექმნის იდეა, პანდემიის ფონზე ბავშვებში სოციალური ურთიერთობების დეფიციტის საპასუხოდ გაჩნდა.
„არსებულმა პანდემიურმა ვითარებამ, რომელმაც ვერ უზრუნველყო უწყვეტი კონტაქტური საგანმანათლებლო პროცესი, ხელი შეუწყო ბავშვებში სოციალური ურთიერთობების დეფიციტის შექმნას. გადავწყვიტეთ შეგვექმნა ალტერნატიული სივრცე, რომელიც მშობლებს და ბავშვებს მისცემდა შესაძლებლობას აღედგინათ ის მნიშვნელოვანი საჭიროება, რომელიც ბავშვის ფსიქოსოციალური და ემოციური უნარების განვითარების ხელშემწყობია“, - განმარტავს კომპანიის დამფუძნებელი, მარიამ წერეთელი.
„კარგი ადგილი“ არის სივრცე, სადაც ყოველი დღე სავსეა იმ მრავალფეროვანი აქტივობებით, რომლის მიზანიც ბავშვის მრავალმხრივი განვითარებაა. შაბათ-კვირის სასიამოვნოდ გასატარებლად, სტუმრებს სხვადასხვა აქტიობებს ვთავაზობთ. 12 წლამდე ასაკის ბავშვები აქ შეძლებენ საზაფხულო არდადეგების გატარებას, 1,8 წლიდან ბავშვებისთვის კი მრავალფეროვან მომსახურებას ვუზრუნველყოფთ, იქნება ეს ბაღისთვის მომზადება, ბავშვის საათობრივი დატოვება, დაბადების დღის გადახდა თუ სხვა. გარდა ამისა, მშობლებს შეუძლიათ გაიარონ საინტერესო ტრენინგები, რომელიც მეტად ჰარმონიულს გახდის მათ ინტერპერსონალურ ურთიერთობებს შვილებთან.
ამჟამად, ჩვენს საქმიანობაში 15-მდე ადამიანია ჩართული. ჩვენს პერსონალს გავლილი აქვს ყველა სათანადო ტრენინგი და გადამზადების კურსი. მათ აქვთ სულ მცირე 2 წლიანი გამოცდილება სკოლამდელი ასაკის ბავშვებთან ურთიერთობის და მაქსიმალურს აკეთებენ იმისთვის, რომ ბავშებს უსაფრთხო და მზრუნველ ფიზიკურ გარემოსთან ერთად, მიზნობრივი აქტივობები შესთავაზონ, რომელიც მიმართულია მათი შესაძლებლობების განმტკიცებაზე და გაზრდაზე. ჩვენი მიზანია, მეტ მშობელსა და ბავშვს შევუქმნათ გარემო, რომლის ფარგლებში განხორციელებული აქტივობები გააძლიერებს ბავშვებში ფიზიკური და სენსორული, სოციალურ-ემოციური, კომუნიკაციური, მეტყველების, შემეცნებითი უნარების, დამოუკიდებლობისა და ადაპტური ქცევის განვითარებას“, - დასძენს კომპანიის დამფუძნებელი.
(R)