საქართველოს ბანკის მხარდაჭერით და ინოვაციებისა და ტექნოლოგიების სააგენტოს ინიციატივით, მსოფლიოში წამყვანი გლობალური აქსელერატორი 500 Startups-ი აქსელერაციის პროგრამას აგრძელებს. პროექტი რეგიონის მასშტაბით ხორციელდება, მონაწილე კომპანიებს შორის კი წარმოდგენილი არიან როგორც ქართული, ასევე უცხოური კომპანიები, რომლებიც ქართულ კომპანიებად დარეგისტრირდებიან და გახდებიან ქათული ეკო სისტემის წევრები. ამჟამად აქსელერაციის პროგრამის მეორე ნაკადი დაიწყო, სადაც 15 კომპანიაა ჩართული. ესენია: Activechat, Agrolabs, Agronavti, Arealy, B2C.GE, Citycom, Corebook, Extra.ge, Kernel, Kvalifika, My Nanny, PAYZE, Simpolium, Trice, YouTravel.me.
ბიზნეს აქსელერატორის 500 Startups - ის მეორენაკადში შერჩეული სტარტაპებისთვის აქსელერაციის პროცესი - ონლაინ ,,ბუთქემფი“ უკვე დაიწყო. ის მოიცავს, როგორც ლექციებსა და ვორქშოფებს, ასევე მენტორებთან პირად შეხვედრებს. ამ პერიოდის განმავლობაში აქსელერაციის მონაწილეები საბაზისო, ფუნდამენტურ საკითხებს გაეცნობიან, როგორიცაა: პროდუქტის განვითარება, მომხმარებელი, გაყიდვები და სხვა.
აქსელერაციის პროგრამის ერთ-ერთი მონაწილე კომპანია Agronavti-ა, მათ მიერ შექმნილი აპლიკაცია ეხმარება ფერმერებს, მათ მიერ წარმოებული პროდუქტების რეალიზაცია მოახდინონ. ასევე,შემოსავლების სწორად დაგეგმვითა და აგრობიზნესის სწორად მართვით 50%-ით გაზარდონ. როგორც კომპანია Argonavti-ს ტექნიკური ხელმძღვანელი თამთა მამულაიძე აღნიშნავს, მასშემდეგ, რაც მობილური აპლიკაცია არონავტი GITA-სპროგრამის გამარჯვებული გახდა, აპლიკაციის მოხმარება კიდევ უფრო გაიზარდა.
„ჩვენთვის 500 სტარტაპში მონაწილეობა კიდევ უფრო წინ გადადგმული ნაბიჯია საიმისოდ, რომ ცოდნა დავაგროვოთ თუ როგორ შეიძლება ჩვენი სტარტაპი წარმატებული გახდეს და მომხმარებლების რაოდენობა გაიზარდოს. ეს არის შანსი იმისთვის, რომ საერთაშორისო ინვესტიციები მოვიზიდოთ, რათა კიდევ უფრო გაძლიერდეს აგრარული სექტორი, რადგან სოფლის მეურნეობა არის გამოწვევებით სავსე და სჭირდებათ ძალისხმევა იმისთვის, რომ კიდევ უფრო პოპულარული გახდეს, პროდუქტიულობაც გაიზარდოს და ციფრული ტექნოლოგიების დახმარებით აგრობიზნესი შეძლებს, რომ კიდევ უფრო მოწინავე დარგი გახდეს მთელ რიგ ქვეყნებში, სადაც ამ დარგის პოპულარიზაციაა საჭირო”, - აღნიშნავს თამთა მამულაიძე.
აქსელერაციის პროგრამაშია ჩართულია სასტუმროების მართვის სისტემა Arealy-ც. სტარტაპი სასტუმროს მართვის ერთიან ადმინისტრაციულ სისტემას მოიცავს და აერთიანებს გაყიდვების მიმართულებასაც. როგორც კომპანია Arealy-ს დამფუძნებელმა და დირექტორმა ირაკლი თევზაძემაღნიშნა, 500 სტარტაპში მათი მოხვედრის მიზანია იმ გამოცდილების გაზიარებაა, რაც ამ მსოფლიო დონის აქსელერატორმა მრავალ სტარტაპთან მუშაობის პროცესში დააგროვა.
„ისინი არიან მსოფლიოს სხვადასხვა ბაზარზე, ეს არის ამერიკის, ევროპის, აზიის თუ სხვა ბაზრები. მათ აქვთ ცოდნა და გამოცდილება, რაც გულოსხმობს იმას, რომ ჩვენთვის როგორც სტარტაპისთვის, მნიშვნელოვანია ვიყოთ წარმატებულები არამარტო საქართველოში, არამედ შევძლოთ ჩვენი სტარტაპის უცხოეთში გატანაც. აქედან გამომდინარე, 500 სტარტაპი გვაძლევს შესაძლებლობას, რომ დავხვეწოთ, განვავითაროთ და შევფუთოთ ჩვენი პროდუქტი.
გარდა ამისა, 500 სტარტაპი არის, გამოცდილების და ცოდნის გაზიარება, იმ მენტორებისგან რომლებიც თავის დროზე წარმოადგენდნენ სტარტაპის დამფუძნებლებს და გვექნება შესაძლებლობა, რომ გავიზიაროთ ის პრობლემები და გამოწვევები, რომლებიც მათ თავად ჰქონდათ”- აღნიშნავს ირაკლი თევზაძემ.
პროექტის მთავარი მიზანი საქართველოს სტარტაპ ეკოსისტემის გაძლიერება, საინვესტიციო პოტენციალის განვითარება და სტარტაპ კომპანიების გლობალურ ბაზარზე მასშტაბირებაა. აქსელერაციის პროგრამის პირველ ნაკადში 15 სტარტაპმა მიიღო მონაწილეობა, მათ მიერ მოზიდული ინვესტიციების მოცულობა კი 5 მლნ აშშ დოლარს აღემატება. პირველი ნაკადის ორი გამარჯვებული სტარტაპი, Cardeal და Cargon, 2021 წლის გაზაფხულზე სილიკონ ველიზე გაემგზავრება, სადაც 500 Startups-ის ერთთვიან პროგრამაში მიიღებს მონაწილეობას.
„მოხარული ვართ, რომ ვაგრძელებთ ისეთი გლობალური პროექტის განხორციელებას, როგორიცაა 500 Georgia. აქსელერაციის პროგრამის მეშვეობით 2 სტარტაპს უკვე მიეცა შესაძლებლობა სილიკონ ველიში გაემგზავროს. მეორე ნაკადში მონაწილე 15 სტარტაპს კი აქვს უნიკალური შანსი, საკუთარი სტარტაპებისა და კომპანიების დასახვეწად მსოფლიოში წამყვან, ერთერთ ყველაზე დიდი გამოცდილების მქონე კომპანიასთან და მენტორებთან იმუშაონ. აქსელერაციის პროგრამის პირველი ნაწილი წარმატებით დასრულდა, რაც საქართველოს სტარტაპ ეკოსისტემისთვის უდიდესი წარმატებაა და იმაზე მიუთითებს, რომ წინ კიდევ ბევრი საინტერესო პროექტია. მინდა ვუთხრა პროგრამაში ჩართულ სტარტაპებს, რომ არ გაჩერდნენ, ჰქონდეთ საკუთარი თავის რწმენა და ახსოვდეთ რომ, გზა სულ არის განავითარონ სტარტაპი. გვინდა წარმატებები ვუსურვოთ მეორე ნაკადში ჩართულ თითოეულ მონაწილეს. ჩვენ გვეამაყება მათი წარმატება“,- აცხადებენ ბანკში.
შეგახსენებთ, 500 Startups ვენჩურული კაპიტალის ერთ–ერთი ყველაზე აქტიური გლობალური კომპანიაა. 2010 წლიდან - დღიდან დაარსებისა, კომპანიის მხრიდან ინვესტირება განხორციელდა 77 ქვეყნის 2400–ზე მეტ კომპანიაში. მის პორტფოლიოში შედის ისეთი Unicorn სტარტაპები, როგორებიცაა: Intercom, Credit Karma, Grab, Talkdesk, Canva, GitLab. გარდა სტარტაპ დამფუძნებლებისა, 500 Startups დახმარებას უწევს ქვეყნებს და კორპორაციებს ინოვაციური ეკოსისტემების განვითარებაში, რასაც სააქსელერაციო და საგანმანათლებლო პროგრამების, ღონისძიებებისა და პარტნიორობების მეშვეობით მთელი მსოფლიო მასშტაბით ახორციელებს.
(R)
საქართველოს ბანკი
