ბანკების ფინანსური ანგარიშგებების მიხედვით, სექტორი, რომელიც წლების განმავლობაში დიდ მოგებაზე გადიოდა, 2020 წლის I კვარტლის მსგავსად, II კვარტალი ზარალით დაასრულა.

ანგარიშგებების მიხედვით, 2020 წლის II კვარტალში მოგება ვერ მიიღო 14-მა ბანკმა. პანდემიის პერიოდში ყველაზე დიდი ზარალი „საქართველოს ბანკს“ ჰქონდა, ბოლო 6 თვის მონაცემებით, ეს მაჩვენებელი 157 163 992 ლარს შეადგენს, მაშინ როდესაც წინა წლის ანალოგიურ პერიოდში ბანკი მოგებაზე გავიდა და მისი წმინდა მოგება 148,352,606 ლარი იყო.

2020 წლის II კვარტლის ფინანსური მაჩვენებლების მიხედვით, 156 415 387 ლარიან ზარალზე გავიდა „თიბისი ბანკიც“, 2019 წლის ანალოგიურ პერიოდში კი ბანკმა II კვარტალი 153,053,028 ლარის მოგებით დაასრულა.

2020 წლის II კვარტლის ფინანსური მაჩვენებლების მიხედვით, „ბანკი ქართუს“ ზარალმა 26,932,273 ლარი შეადგინა, მაშინ როდესაც ბანკი გასული წლის ანალოგიურ პერიოდში, მოგებაზე გავიდა და მისი წმინდა მოგება 11,917,268 ლარი იყო.

რაც შეეხება სხვა კომერციული ბანკების ზარალს, ასე გამოიყურება:

„ვითიბი ბანკი“ - -26,095,611;

„ლიბერთი ბანკი“ - 20,356,921;

„ტერა ბანკი“ - 19,550,904;

„ჰალიკ ბანკი“ - 19,175,561;

„პაშა ბანკი საქართველო“ - 16,661,754;

„ბაზისბანკი“ - 12 888 958;

„პროკრედიტ ბანკი“ - 11,639,920;

„კრედო ბანკი“ - 4,727,835;

„ფინკა ბანკი საქართველო“ - 3,348,949;

„იშბანკი საქართველო“ - 1,718,891;

„ზირაათ ბანკი საქართველო“ - 211,721.

ერთადერთი კომერციული ბანკი, რომელმაც მიმდინარე წლის II კვარტალი მოგებით დაასრულა „სილქ როუდ ბანკია“, მისი წმინდა მოგება 253,512 ლარია, მაშინ როდესაც წინა წლის ანალოგიურ პერიოდში ბანკი 358,804  ლარის ზარალზე გავიდა.