საქართველო და სამხრეთ კორეა - რას მოიტანს თავისუფალი ვაჭრობის ხელშეკრულება კორეის რესპუბლიკასთან?!

საქართველო და სამხრეთ კორეა - რას მოიტანს თავისუფალი ვაჭრობის ხელშეკრულება კორეის რესპუბლიკასთან?!

access_time2021-02-26 13:00:55

საქართველომ შესაძლოა თავისუფალი ვაჭრობის არეალი გააფართოვოს. ახალი სამიზნე კორეაა. მიზანშეწონილობის კვლევის დაწყების შესახებ ინფორმაციას ეკონომიკის მინისტრის მოადგილე გენადი არველაძე ავრცელებს. კვლევა ივლისში დასრულდება.


საქართველოს მიერ კორეაში განხორციელებული ექსპორტი საკმაოდ დაბალია და 20 წლის ჯამში მხოლოდ $111 მლნ-ს შეადგენს. პიკს - $17.5 მლნ-ს 2017 წელს მიაღწია, 2020 წელს კი $6.3 მლნ-მდე შემცირდა და მხოლოდ 41-ე ადგილი დაიკავა. 2020 წელს საქართველომ პერუსა და ტანზანიაში უფრო მეტი პროდუქცია გაიტანა ვიდრე კორეაში.


განსაკუთრებული სიდიდით არც იმპორტი გამოირჩევა. 2020 წელს ის $58 მლნ-ს უდრიდა, 27-ე ადგილი, ბოლო 20 წელიწადში კი მხოლოდ $803 მლნ-ს მიაღწია.


2020 წელს ექსპორტში კორეის წილი 0.2%-ზე ნაკლებს შეადგენდა, ოცწლიან ჭრილში 0.3%-ს. რაც შეეხება იმპორტს, კორეის წილი აქ 0.7 პროცენტია.



პირველი კორეული ინვესტიცია საქართველოში 1997 წელს გამოჩნდა. 2019 წლის ჩათვლით კორეულმა ინვესტიციებმა სულ $202 მლნ შეადგინა. 2020 წლის მონაცემები საქსტატს სრულად ჯერ არ გამოუქვეყნებია, სამი კვარტალის ჯამში კი კორეის მაჩვენებელი უმნიშვნელოა - $1.5 მლნ.




2015 წლიდან 8 წლიანი პაუზის შემდეგ კორეული ინვესტიციები ახლდება და ჯამური უცხოური ინვესტიციების წლიურ 1.7-2.5 პროცენტს აღწევს. მთავარი პროექტი $1 მლრდ-იანი ნენსკრა ჰესია. თავდაპირველი გეგმის მიხედვით 280 მეგავატიან ჰიდროსადგურს ელექტროენერგიის გამომუშავება 2019 წელს უნდა დაეწყო და 2021 წელს დასრულებულიყო, ამის შემდეგ ჰესი წლიურად 1.2 მლრდ კვტ/სთ-ის მიწოდებას შეძლებდა. ვადები რამდენჯერმე შეიცვალა და ახლა დასრულების თარიღად 2025 წელი სახელდება. ჰესს K Water აშენებს. აზიის განვითარების ბანკი და კორეის ექსიმ ბანკი პროექტის პარტნიორები არიან. დაგეგმილია 135 მეტრი სიმაღლის კაშხლის აგება - ენგურჰესის კაშხლის სიმაღლის ნახევარი, სადაც 185 მლნ კუბური მეტრი წყალი დაგროვდება, ენგურჰესთან შედარებით 5.4-ჯერ ცოტა. ჰესი 2021 წელს რომ დასრულებულიყო შიდა მოთხოვნის 9%-ს დააკმაყოფილებდა, 2025-ში, გაზრდილი მოხმარების გამო მისი წილი შემცირდება.




დღეს კორეა ტექნოლოგიურად ერთ-ერთი ყველაზე უფრო განვითარებული სახელმწიფოა, რომელიც ხშირად მეზობელ იაპონიასა და შეერთებულ შტატებსაც სჯობნის. 22%-იანი წილით სმარტფონებში და 18%-იანი წილით ტელევიზორების გაყიდვებში SAMSUNG-ს პირველი ადგილი უკავია. ტელევიზორებში 11%-იანი წილით მესამე ადგილს იკავებს ასევე კორეული LG.


საქართველოში ასევე კარგად იცნობენ ორ კორეულ ავტომწარმოებელს Hyndai-სა და KIA-ს. პირველმა გასულ წელს 3.7 მლნ ავტომობილის გაყიდვა მოახერხა, მეორემ 2.6 მლნ-ის.


კორეა ისტორიულად მდიდარი სახელმწიფო არ ყოფილა. იაპონური ოკუპაციისა და კორეის ომის შემდეგ, ჯერ კიდევ გასული საუკუნის 60-იან წლებში ქვეყანა უფრო ღარიბი იყო, ვიდრე 90-იანი წლების საქართველო. მას ტრადიციული მეურნეობის - ბრინჯის წარმოების განვითარებას ურჩევნდნენ, მაგრამ სეულმა ფსონი ტექნოლოგიებზე დადო.


გამოთქმა „განსხვავდება დღესა და ღამესავით“ შეიძლება თამამად ითქვას თანამგზავრიდან ღამით გადაღებულ ფოტოზე სადაც 38-ე პარალელზე გაყოფილი ორი კორეა ჩანს. ფხენიანის ზუსტი სატატისტიკური მაჩვენებლები უცნობია. თუ შეერთებული შტატების ცენტრალური სადაზვერვო სააგენტოს - CIA-ს მიერ გასაჯაროვებულ ინფორმაციას დავეყრდნობით, სამხრეთ კორეაში 1 სულ მოსახლეზე შემოსავალი, ჩრდილოეთ კორეის მაჩვენებელს 2300%-ით აღემატება. უფრო ნათელი რომ გახდეს იმის წარმოდგენა, თუ რა ხდება ჩრდილო კორეაში, იგივე CIA-ს ცნობით, შემოსავალი 1 სულ მოსახლეზე 8-ჯერ უფრო ნაკლებია ვიდრე საქართველოში. განსხვავება მხოლოდ მმართველობის ფორმაა. ორივე კორეაში კორეელები ცხოვრობენ.



თბილისიდან სეულამდე პირდაპირი მანძილი 6775 კილომეტრია. ტერიტორიული დაშორება მცირე მოცულობის ექსპორტის ერთ-ერთი, მაგრამ არა ერთადერთი მიზეზია. პერუმდე მანძილია 13520 კილომეტრია, მაგრამ გასულ წელს პერუში ექსპორტზე კორეასთან შედარებით 2.5-ჯერ მეტი ღირებულების $15.7 მლნ-ის პროდუქცია გავიდა.


გენადი არველაძის განმარტებით ამჟამად კორეას იმპორტირებული პროდუქციის 85%-ზე საკმაოდ მაღალი ტარიფი აქვს დაწესებული. მისივე თქმით, კორეაში შესაძლებელია: ღვინის, მინერალური წყლის, თხილის, ფეროშენადნობის, მინისა და ელექტრო კაბელების ექსპორტის მნიშვნელოვანი ზრდა.


ამჟამად საქართელო თავისუფალი ვაჭრობის ხელშეკრულებით ევროკავშირთან, EFTA-სთან ევროკავშირის არა წევრი 4 სახელმწიფო: ნოვეგია, შვეიცარია, ისლანდია, ლიხტენშტეინი; ჩინეთთან და ჰონგ-კონგთან აქვს გაფორმებული. შინაარსობრივად იგივე უპირატესობებით სარგებლობს თურქეთთან, უკრაინასთან და დსთ-ს წევრ სახელმწიფოებთან. მიმდინარეობს მოლაპარაკებები შეერთებულ შტასტებთან, განიხილება ინდოეთის ვარიანტიც.


გიორგი ელიზბარაშვილი




მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...

ქარბოქს პლუსი - სასაჩუქრე ნაკრები ყველა ავტომფლობელისთვის

ქარბოქს პლუსი - სასაჩუქრე ნაკრები ყველა ავტომფლობელისთვის
access_time2021-04-14 16:15:46
 სასაჩუქრე ნაკრები ქარბოქს პლუსი უკვე ყველა ავტომფლობელისთვის არის ხელმისაწვდომი! კომპანია გრინვეისა და სოკარის მიერ შექმნილი სასაჩუქრე ნაკრები მძღოლებისთვის სასურველ და აუცილებელ ვაუჩერებსა და ფასდაკლებებს შეიცავს. ქარბოქს პლუსი გადაეცემათ ნებისმიერ ავტომობილის მფლობელებს, რომლებიც ტექდათვალიერებას გრინვეიში გაივლიან. ნაკრებში არსებული  საჩუქრების გამოყენება კი 2021 წლის ბოლომდე იქნება შესაძლებელი. სასაჩუქრე...


მსგავსი სიახლეები

up