„საქართველომ გაცილებით დაბალ პროცენტში უნდა მოიზიდოს სესხი, წინააღმდეგ შემთხვევაში, ევრობონდების განთავსება შეიძლება წარუმატებლად ჩაითვალოს

„საქართველომ გაცილებით დაბალ პროცენტში უნდა მოიზიდოს სესხი, წინააღმდეგ შემთხვევაში, ევრობონდების განთავსება შეიძლება წარუმატებლად ჩაითვალოს

access_time2021-04-14 14:20:00

„ნაციონალური მოძრაობის“ ერთ-ერთი ლიდერი რომან გოცირიძე განმარტავს, რა პრობლემები შეიძლება წარმოშვას საქართველოს მთავრობის გადაწყვეტილებამ, რომელიც ევროობლიგაციების რეფინანსირებას ახდენს.


როგორც გოცირიძე აცხადებს, საქართველომ გაცილებით დაბალ პროცენტში უნდა მოიზიდოს სესხი - ოპტიმალური დიაპაზონი იქნებოდა 2,6-3,0 პროცენტი, წინააღმდეგ შემთხვევაში კი, საქართველოს მიერ ევრობონდების განთავსება შეიძლება წარუმატებლად ჩაითვალოს.


„საქართველოს მთავრობამ 12 აპრილს 500 მილიონი დოლარის ოდენობის საგარეო ვალი გაისტუმრა, რომელიც 2011 წლის აპრილში გამოშვებული ე.წ. „ევრობონდების“, ანუ ევროობლიგაციების საერთაშორისო საფინანსო ბაზარზე განთავსების შედეგად იყო აღებული. საპროცენტო განაკვეთი 6,9 პროცენტამდე შემცირდა, მაგრამ მაინც საკმაოდ მაღალი იყო.


მთავრობა ამ ვალის გასტუმრებას ჯერ კიდევ შარშან გეგმავდა, მისი რეფინანსირების, ანუ ძველი ვალის ახლით გადაფარვის გზით, შემდეგ კი გადაწყვიტა ვალის გასასტუმრებლად გამოეყენებინა პანდემიის კრიზისის დასაძლევად მიღებული საგარეო დახმარებების ნაწილი. 5 მილიარდი ლარის ოდენობის საგარეო დახმარებიდან 1,71 მილიარდი ლარი მოხმარდა ევროობლიგაციების დაფარვას. ამით მნიშვნელოვნად შემცირდა ეროვნული ბანკის უცხოური ვალუტის რეზერვები (4,1 მილიარდი დოლარიდან 3,6 მილიარდ დოლარამდე) და საფრთხე შეუქმნა საბიუჯეტო ხარჯების დროულ დაფინანსებას. საბოლოოდ, მთავრობამ გადაწყვიტა კვლავ აეღო ახალი სესხი საერთაშორისო საფინანსო ბაზარზე. ფაქტობრივად, ხდება წინა ევრობონდების რეფინანსირება.


მიმდინარე წლის თებერვლის ბოლოს მთავრობამ გამოაცხადა კონკურსი, აღნიშნული ფასიანი ქაღალდების განთავსების მიზნით საერთაშორისოდ აღიარებული ბანკების შესარჩევად. უკვე გამოვლენილია სამი ცნობილი საინვესტიციო ბანკი. მთავრობის განცხადებით, ისინი უკვე მზად არიან მიმდინარე კვირის განმავლობაში ობლიგაციების ლონდონის ბირჟაზე გასატანად. დაგეგმილია იმავე რაოდენობის, 500 მილიონი დოლარის ღირებულების ათწლიანი ობლიგაციების გამოშვება.


რას უნდა ველოდოთ ლონდონის ბირჟაზე?



2011 წელს არ იყო ხელსაყრელი პირობები ევროობლიგაციების ემისიისათვის, ამიტომაც მაღალი პროცენტით მოგვიწია სესხის აღება. ბოლო წლებში ვითარება მნიშვნელოვნად შეიცვალა მსოფლიო საფინანსო ბაზრებზე. ინვესტორებს გაუძნელდათ ფულის სარფიანად გასესხება. ძალიან დაბალი გახდა უცხოეთის სახელმწიფოთა მთავრობების და ცენტრალური ბანკების მიერ ემიტირებული ფასიანი ქაღალდებიდან შემოსავალი. ამას დაემატა პანდემიის პერიოდში წამყვანი უცხოური ცენტრალური ბანკების მიერს ეკონომიკის წახალისების მიზნით გატარებული ე.წ. იაფი ფულის პოლიტიკაც. მაგალითად, ამერიკის მთავრობის ათწლიანი სახაზინო ვალდებულებებზე შემოსავალიანობა ისტორიულ მინიმუმამდეა დასული და შეადგენს წლიურ ერთ პროცენტზე ნაკლებს. ასეთ ვითარებაში, საქართველოს მთავრობისა და მის მიერ შერჩეული საინვესტიციო ბანკების სწორი მუშაობის შედეგად, შესაძლებელია ევრობონდების განთავსებით მისაღებ სესხზე საპროცენტო განაკვეთი ორჯერ და უფრო მეტად დაბალიც კი იყოს წინა ემისიასთან შედარებით.


რა გვაძლევს ოპტიმიზმის საფუძველს? თუნდაც სომხეთის მაგალითი. სომხეთმა 2021 წლის 2 თებერვალს ლონდონის ბირჟაზე საკმაოდ წარმატებით განათავსა 750 მილიონი დოლარის ღირებულების ევროობლიგაცია, 10 წლის ვადით. მოთხოვნამ გადააჭარბა 3 მილიარდ დოლარს. სომხეთმა უარი თქვა განცხადებულზე მეტის აღებაზე. სესხის ე.წ. კუპონური შემოსავალი იყო 3,6 პროცენტი. ეს ისტორიულად დაბალი მაჩვენებელია სომხეთისათვის.


სწორედ ეს არის ორიენტირი საქართველოს მთავრობისათვის. საქართველომ გაცილებით დაბალ პროცენტში უნდა მოიზიდოს სესხი მრავალი მიზეზის გამო. ოპტიმალური დიაპაზონი ალბათ იქნებოდა 2,6-3,0 პროცენტი. წინააღმდეგ შემთხვევაში, საქართველოს მიერ ევრობონდების განთავსება შეიძლება ჩაითვალოს წარუმატებლად.


რომ შევადაროთ სომხეთისა და საქართველოს მდგომაარეობა:


- პოლიტიკური რისკები სომხეთში იყო (არის) გაცილებით მაღალი, ვიდრე საქართველოში. ომი ახალი დამთავრებული, ჰაერში ჩამოკიდებული მთავრობა ( რომელიც მერე გადადგა და რიგგარეშე არჩევნები დაინიშნა).


სუვერენული საკრედიტო რეიტინგი ( ერთ-ერთი ყველაზე მნიშვნელოვანი ამ შემთხვევაში): სომხეთი B+, საქართველო BB.ეკონომიკური „ზრდა“: სომხეთი, -7,5, საქართველო, -6,2.მომავლის პერსპექტივა: სავალუტო ფონდის შეფასებით საქართველოს უკეთესი პერსპექტივა აქვს 2021-2026 წლებში.შუმავალი ბანკები: სომხეთი- JP Morgan, Citi, HSBC; საქართველო- JP Morgan, Goldman Sachs, ICBC. ამ შედარებით ნათლად ჩანს, რომ საქართველოს აქვს საგრძნობი უპირატესობა და თუ ეს არ გამოიხატა ადეკვატურ შედეგში, მაშინ მთავრობას მოუწევს პასუხის გაცემა წარუმატებლობის მიზეზებზე. აქ უკვე ათეულ მილიონობით დოლარის ეკონომიაშია საქმე“, - აცხადებს გოცირიძე.



BPN.GE






საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up