საქართველომ ბიუსტჰალტერების რეალიზაციიდან 5 მლნ დოლარზე მეტის შემოსავალი მიიღო. საქსტატის მონაცემების მიხედვით, იანვარ-ოქტომბერში საქართველოდან ექსპორტზე 5,375.52 ათასი დოლარის ბიუსტჰალტერები (მანქანით ან ხელით ნაქსოვი ტრიკოტაჟისა, ან არატრიკოტაჟისა) გავიდა, რაც გასული წლის იანვარ-ოქტომბერში ექსპორტზე გასული  ბიუსტჰალტერების ღირებულებასთან შედარებით 44%-იან ზრდას აჩვენებს.

2022 წლის ათ თვეში საქართველოდან უცხოეთის სხვადასხვა ბაზრებზე სულ 276.78 ტონა  ბიუსტჰალტერი გავიდა.

სტატისტიკური მაჩვენებლების მიხედვით, 2022 წლის 10 თვეში საქართველომ ყველაზე დიდი რაოდენობით ბიუსტჰალტერები თურქეთში გაიტანა, საუბარია მისი მთლიანი საექსპორტო ღირებულების 96%-ზე.იანვარ-ოქტომბერში საქართველოდან თურქეთში 269.64 ტონა ბიუსტჰალტერები გადაიზიდა.

ბიუსტჰალტერების საექსპორტო ქვეყნების ტოპ-3-შია ასევე, სომხეთი (202.29 ათასი დოლარი) და აზერბაიჯანი (17.20 ათასი დოლარი).

საქართველოში შეკერილი ბიუსტჰალტერები იყიდება ევროკავშირშიც, ათ თვეში საუბარია ევროკავშირის ქვეყნებში იტალიაში, გერმანიასა და პოლონეთში 2.23 ათასი დოლარის ბიუსტჰალტერების ექსპორტზე.

საგულისხმოა ის ფაქტიც, რომ 2022 წლის იანვარ-ოქტომბერში საქართველომ ბიუსტჰალტერების ექსპორტი აშშ-შიც განახორციელა, საუბარია 2.57 ათასი დოლარის ღირებულების ბიუსტჰალტერების აშშ-ში გადაზიდვაზე.